HOSEA 11:3 - Lacid Common Language Bible

³ Nghoid loug we' Israela ri khyoo: so" jhau" zi ngoo danghoid. Ngoo gi nga" byumyu" yiri nga" lo, moo gab vu, ci: nghoid loug we' ngo wigi nyangnu" ri yu" coung: lo: ziri nyangnu" ce: ayhen: yu byid: goo" nghoid da:.

HOSEA 11:3 교차 참조

COUNG" NGHEI 107:20

Nyang: gi: nya: da" amyeing" dang: yo' nyangnu" ri ze: gi byid: ziyo' loeb duang: khoug: mo nyangnu" ri: xue: yu bye:.

THU' LO" MOUGSOUG" 15:26

Nyang: gi «Ngoo jo ein: koid ziri nanu" phau" myang: wigi nga" amyeing" dang: ri cang yhe: nghoid rigi ngoo nanu" ri Egutu byumyu" yiri tab byid: da" noophyoo" joem yhang: ti" yooboo dam abyid: wa nghoid. Ngoo nanu" ri noophyoo" mo gi nhang: da" Aseing nghoid» ga: tid.

THU' LO" MOUGSOUG" 19:4

«Ngoo Aseing gi Egutu byumyu" yiri khasu" koid loo bye: ziri we' zoin gi nya: zoo: ri nya: dung yo' shu" dang: yen" yhang: ti" ngoo nanu" ri shu" loo bye: ziri we' nanu" myang ago".

THU' LO" MOUGSOUG" 23:25

Ngoo nanu" da" Aseing Mangsoo ri nanu" noku nyid nghoid rigi ngoo nanu" ri zoo: noem yo' gyid ri mainkaid byid: wa ziyo' nanu" da" noophyoo" dangain" ziri we' yu pyam byid: wa.

ESAIA 1:2

Aseing gi «Mougkhung: yo myidjang we"- ngoo tid nyid ziri tam" gyoo: we'. Ngo wigi khu: gyi: kaid da" zooshang: yigi ngoo ri thougtheung gyi koid ago".

ESAIA 30:26

Lhammoo" gi bid yhi' bang loo wa. Bid gi nyhed nyid zho: zi danyid" za: zho: yhang: ti" goonham' zho: da" tho' nyhed zhang je zho: loo wa. Nya: byumyu" ri nyang: tab to" da" dam khoo: joem ri Aseing bacu' thoeb byid: wigi byang" byid: uri he: gu: dangain" bue" loo wa nghoid da:.

ESAIA 46:3

«Yaku da" amyed ashen yi nghoid boem da" nga" byumyu" nyid deing mo, dangain" we"- nga" dang: tam" gyoo ge'. Ngoo gi nanu" khu: re" da" ayo, mo nyang: goin coung: byid: bye:.

ESAIA 63:9

Nyangnu" da" kyi" khyeug yau: khi" dangain" mo khyoid yu bye:. Hau: zigi moug: lagyoo: dayug anghoid. Nghoid loug we' nyangnu" ri khyoid yu su: gi Aseing nyang: nyang: nghoid da:. Nya: jheddab myid yo' nheig khyeug myid mo nyang: nyangnu" ri khyoid yu bye:. Nyang: gi lid: lo da" ayo, moo khanham we' nyangnu" ri goin coung: byid: lo da:.

YEREMIA 30:17

Ngoo gi nanu" ri goolhoo' za: doem koid wa. Nanu" gyivoo yi «Ziun gi tungbau nghoid abye:- nyang: ri hang" ci: asoin: loo» ga: tid sho' nghoid loug we' Ngoo gi nanu" dam ri byang" gi byid: wa. Ngoo Aseing tid too" bye:».

YEREMIA 8:22

Gilead moo macid" ajo, rhe". Houg: moo macid" sara: voin: anyid goo" rhe" Houg ri ciwim yoomo nga" byumyu" yiri noo abyang" go" la".

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

HOSEA 7:1

Nga" byumyu" Israela ri ngo wigi noo byang" byid: nau uri yo' nyangnu" ri doem yoo" zoo: yoo" shug nhang: nau khang" moo" ngoo shau" myang zigi nyangnu" da" akhyeing" ziyo' nyangnu" koid da" akhyeing" ashoeb da" moo" za: nghoid da:. Nyangnu" gi nyangnu" nyang: cang" mhoug fain" zoo: go" da:. Yhoem: khoug: khyoo: ceig vang yhe: wigi khoug" zo: ago". Nyangnu" gi khyoogung moo byumyu" yiri khyangtoug: koid ago".

HOSEA 7:15

Ngoo gi nyangnu" ri khu: gyi: lho: nyangnu" ri yoem: boo nhang: yug nghoid sho' nghoid loug we' nyangnu" gi ngoo ri thougtheung gyi khau" koid da:.

ACTS 13:18

Dain" pyoid yoo moo myed: xi zain' loem: loem- Mangsoo gi nyangnu" tho' moo zeung: kham' byid: nyid.

TARHA" TID POIN" 1:31

Nya: phoo gi nya: zoo: ri vu, ci: ziyo' dayhang: ti" he: joyoo khyoo: ju" sho' khyoo: cang wigi nyang: nanu" ri goug: nyu: tung" za: shu" lo ziri nanu" myang lo abye:.›

TARHA" TID POIN" 33:27

Mangsoo gi khanham we' nanu" ri gyi khouggoo koid byid: su: nghoid. Nya: da" apyaid atoo: lo, sain: gi nanu" da" pang" thoug joyoo nghoid da:. Nanu" jhen" do, lo nyid uri nyang: gi nanu" da" gyivoo yiri khaid thu pyam byid: wigi nyangnu" dangain" ri phyo' shoin' pyam wa shid re" nanu" ri tid abye:.

TARHA" TID POIN" 8:2

Nyang: gi nanu" cikoid wa soin' nyid go" da" khyoo: we' nya: amyeing" dang: joem ri nanu" cang acang ziri myang: si wa shid re" nanu" Aseing Mangsoo gi nanu" ri jham" ca: yu" wa shid re" yau: khi" ri nhang: kaid lho: dain" pyoid yoo khyo" so" lid: da" he: gyung: sheing: khyoo: moo myid: xi: zain nanu" ri khasu" shu" lo ziri myid boin: ge'.