HOSEA 11:2 - Lacid Common Language Bible

² Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 11:2 교차 참조

1 KHOKHAM 12:33

Nyang: soin: phyid too" bye: da" lhammoo" shid khyab daxe: wim: nyid" nyid" ri nyang: gi Bethela khyoo: yhe: wigi Israela byumyu" yi shid re" nyang: soin' tu' too" bye: da" pui" mo phoin: tho' moo xoin" ri to' byid: bye:.

1 KHOKHAM 18:19

Kharmela boem moo ngoo yo' shoug" wa shid re" Israela byumyu" dangain" ri akhid" nyang: amyeing" byid: kaid we'. Bala lapi: 450 yug yo' dage" khokham myhi' Yezebela pang" thoug to" da" Ashera yu phara" myhi' da" lapi: 400 yug ri we' shu" ri" we'» ga: tid bye:.

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

ESAIA 65:7

Nyangnu" gi bouggung mo tungbau yu phara" no' yhoem: joem moo shoem: nam pyo: ja: nghe' ngei" byid: lho: ngoo ri akhyeing" da" dang: tid ago". Hougsu" yoomo lid lo da" ayo, mo nyangnu" lo, moo" joem shid re" moin: yi" da" yooboo dam nyangnu" ri ngoo byid: wa» ga: tid da:.

YEREMIA 18:15

Nghoid loug we' nga" byumyu" yigi ngoo ri to" myhid pyam abye: go". Nyangnu" gi yu phara" soolhoo: joem ri shoem: nam pyo: ja: nghe' ngei" abye: go". Nyangnu" yhi: eung: da" khyoo: moo nyangnu" thung" thue: leung abye: go". Goonham' mo khyoo: ri nyangnu" acang boem loo nghoid ago". Nyangnu" gi aphang to" da" khyoodeing moo so" ago".

YEREMIA 44:5

Nghoid loug we' nanu" anau gyoo:- dajhi' we' atam" gyoo: nghoid ago". Gootu: yu phara" joem ri xoin" ngei" byid: da" akhyeing" lo, moo" ri nanu" anau to" pyam nghoid ago".

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

HOSEA 2:13

Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

HOSEA 4:13

Nyangnu" gi boem gung joem mo gyeung" shang: joyoo cang xoin" to' byid: ago". Houg: lho: nyangnu" gi bouggung tho' moo yug da" myhang: lho: afu' mung" da" seiggam joem yang: moo nam pyo: ja: nghe' ngei" ago". Ciwim ga ri bid shoem: gye pyoo: yoomo nghoid. Hau: da" akyu" gi nanu" da" myiyi: nu" yigi shava myhi' khyo" dei byid: ago". Houg: lho: nanu" da" dumoo" yigi myi: shoid lang shoid ago".

HOSEA 4:17

Israela byumyu" yigi soolhoo: joem wigi fa" to" zi shoug" ago". Nyangnu" nya: khyoo: khyoo: yhe: loo" goo" baja".

ZEKHARIA 1:4

Nanu" da" phoug" phyid" yi yhang: ti" akoid goo"- shid phyang" mo lapi: yigi nyangnu" ri ‹Akhyeing" khyoo: moo anyid goo"- yooboo moo" azei: goo"› ga: nga" mungdang: ri tid kyo" boem nghoid loug we' nyangnu" gi atam" gyoo: acang yhi: nghoid ago".

ZEKHARIA 7:11

Hougsu" nghoid loug we" nga" byumyu" yigi atam" gyoo: loo: nukhyab jhid ci: ago". Nyangnu" gi nyangnu" da" nheigloem: khoem" myhid" to" lho:

LUKA 13:34

Yerusalem we"- Yerusalem we"- Lapi: yi ri said pyam pyam koid: nyid da" voogung we"- Mangsoo nhang: kaid da" lagyoo: yi ri luggo' du" said said koid: da" voo we"- Gyo, zeing gi gyo, nu" joem ri nya: dung vhoo: khoug: moo zheing" kaid to" yhangti"- ngoo gi re" zoo: re" myid: yi ri nga" lo, yoem: khoug: moo zheing" kaid too" nau zi myoo" sho' lheing: nghoid bye. Nghoidloug we' nang koem: gi ngoori houg: su" akoid: nhang noug nghoid da.

YOHAN 3:19

Tarha" dang: phyed byid: da" akhyoo" dangkang: gi hid: su" nghoid bidbang zeing gi he: mougmyid moo juri" bye: nghoid loug we' Byu xangsu: yi gi akhyeing" ashoeb mo, nghoid nyid yoomo bidbang tho' moo moug: coid ri daje vho: boem.

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

TARHA" AGYI 10:6

Israela byumyu" yigi Bala yo' Astarte yu phara" joem ri Suri mo yu phara"- Sidon mo yu phara"- Moba mo yu phara"- Amon mo yu phara"- Philisti mo yu phara" joem ri no' yhang: ti" nyang: no' wigi Aseing ri thougtheung yooboo dalheing: doem shoid ago". Nyangnu" gi Aseing ri she: pyam lho: nyang: ri noku jang" mo theing: pyam boem.

TARHA" AGYI 2:13

Nyangnu" gi Aseing ri noku ziri theing: pyam wigi Bala yu phara" joem yo' Astarte ri dei byid: ago".

TARHA" AGYI 3:7

Israela byumyu" yigi nyangnu" Aseing Mangsoo ri to" myhed pyam ago". Nyangnu" gi nyang: ri yooboo shoid thougtheung wigi Bala yo' Ashera yu phara" joem ri no' ago".