HOSEA 11:10
36 교차 참조
Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".
Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.
«Nang Yeremia we"- ngoo tid to" gu: dangain" ri tid fu" ca" da:. Nang gi he: byu yiri ‹Aseing gi mougkhung: mo nyho: loo wa. houg: lho: myhang: da" mougkhung: mo mouggoem: goem: loo wa. Nyang: gi nya: byumyu" yiri thougtheung wigi nyho: loo wa. Nyang: gi zabyid shi" nang: su: yhang: ti" nyho: loo wa. Mougmyid tho' mo yugkhang" moo" nya: thui: ri shau" gyo: loo goo" wa.
Nga" byumyu" yigi ngoo nyangnu" ri shu" tau" lo uri ngau zoo" re akyu" mho' wigi tau" loo goo" wa. Ngoo gi nyangnu" ri gyid zoo: gyung: khyo" nyangnu" khyid: vhu" azang" thung" wa da" khyoo: dam khyo" shu" yhi: wa. Ngoo gi Israela da" nya: phoo nghoid wigi Ephrim gi nga" zooshid" yuggi zoo: nghoid da» ga: tid.
Yerusalem gi ngei bu khyoo:- ngi: shab khyoo:- nga" gang mo phau: khyoo: joem da" ajhung: bue" loo wa. Mougmyid dang moo nyid boem da" byumyu" khang" moo" gi Yerusalem byu yi shid re" ngoo koid byid: da" ge da" moo" zoo" joem yo' ngo wigi voomoo" ri nyid gi yab gi nhang: da" khyoo: joem yo' sen: wigi nyangnu" shoug" gyoo: lang" gyoug wigi ko' ko' nain" loo goo" wa» ga: tid da:.
Ngoo gi Aseing nghoid. Nanu" gi ngoo ri ciwim agyug go" la". Nga" shidkhoin" moo ciwim yoomo nanu" ko' ko' anain" boem la". Ngoo gi panglai: da" mougkyoo" khyo" midcoo: doem: ri to" too" byid: bye:. Hau: ziri ayo" ge lid: phyid yhe: da" apyaid atoo: moo geing: teing bye: mougkyoo" nghoid da:. Panglai: gyid boug joem to' ri too' wa nghoid loug we' hau: zigi hau: mougkyoo" mo ayo" lid: nghoid da:. Being: lhung" joem myeing ri myeing wa nghoid loug we' hau: joem gi ayo" lid: phyed goo" wa.
Panglai: moo shoo: zoo: shoo: shug da" byumyu" yi da" khokham yi dangain" bang: gi nyangnu" da" khokham zhungtang joem mo gyoo" lo boem goo" wa. Nyangnu" gi nyangnu" da" byisheing: joem yo' za: thau" yung" to" da" nyangnu" da" byimi joem ri khyoid pyam lho: myidgung moo nain" zhung: jo, boem wa. Nyangnu" gi re" vhu" pid: lo, kyo' ri myang lho: atho' tid dain mau" wigi nain" nyid zi ayo" theing: loo: nghoid da:.
He: khyoo: dangain" ri ngoo shau" gyo: lho: ngoo gi gyoug nain" nyid. Nga" nhoid yid we' gyoug wigi nain" nyid bye:. Nga" gung du: gi ayo" dei loeb loo: nga" khyid: we' khyid: vhu" thung" bye:. Ngoonu" ri gyi zain: loo mo, ri Mangsoo gi dam byid: da" ayo, ju" loo wa shid re" ngoo gi sam: zoo: lang" nyid wa nghoid.
Je" wigi gungsho" da" aco' ajhoid- nyam, da" khyoo: mo: zheung: cang nyid boem wigi Mangso da" amyeung" akhang" ri aphoug" akhyoid koid nyid bang: gi houg: yhang: te" khyoo: deung" deung shug wa zi nghoid. He: da" mhau' sara yi gi gye" ngi thu' boem wigi-nghoid boin: boem ziyo' tho' phung" yoeb boo bang: ri phau" myang: khyoo: atoin" loo: za: nyangnu" ri juang" yi geisang: boem da.
광고