HOSEA 11:1 - Lacid Common Language Bible

¹ Aseing gi «Israela gi zoonu" nghoid shi" uri ngoo nyang: ri nheig dab bye:. Houg: lho: nyang: ri nga" zoo: khyo" Egutu mo khe: shu" thu yu bye:.

HOSEA 11:1 교차 참조

COUNG" NGHEI 129:1

Israela we" nang gi ngi shi" bidnyid mo wigi re" gyivoo joem gi nang ri khasu" shen" yhen bye: da" khyoo: ngoonu" ri tid kyoo" we'.

THU' LO" MOUGSOUG" 19:4

«Ngoo Aseing gi Egutu byumyu" yiri khasu" koid loo bye: ziri we' zoin gi nya: zoo: ri nya: dung yo' shu" dang: yen" yhang: ti" ngoo nanu" ri shu" loo bye: ziri we' nanu" myang ago".

THU' LO" MOUGSOUG" 4:22

Houg: lang" nang gi Ngoo Aseing tid ‹Israela gi nga" zooshid" yuggi zoo: nghoid

THU' LO" MOUGSOUG" 4:23

Nyang ngoo ri noku wa shid re" nhang: kaid we' ein: ri nang anhang: kaid. Akhid" ngoo re" zooshid" ri said pyam wa› ein: nyang: ri tid ca"» ein: Moshe ri tid kaid.

ESAIA 43:4

Re" kangso' ri khyoid yu wa shid re" ngoo gi byumyu" yi dangain" ri ab pyam wa. Ciwim gari nang gi nga" shid re" phoug" dab da:. Ciwim gari ngoo nang ri jheddab lho: nang ri ngi: shab byid: wa.

YEREMIA 12:7

Aseing tid zigi «Ngoo gi Israela ri she: pyam khoo' bye:. Ngoo khyen: yu to" da" byumyu" ngoo ngeug he: pyam bye:. Ngoo jheddab da" byumyu" yiri nyangnu" da" gyivoo yi yoem: so' khoug: khyoo: byid: pyam bye:.

YEREMIA 2:2

Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.

EZEKIEL 16:22

Nang shava myhi' khyo" aco' ajhoid kangso' dei nyid uri nang gi nanya: suid" moo shoo" cen: doem: nyid da" zooshang: yo, mo apyaid ri khanham dalheing: lang" amyid boin: nghoid da:.

EZEKIEL 16:6

«Houg: lho: ngoo re" ayam khyo" so" lid: lo" uri nang gi nanya: suid" yo' lhu" nyid ziri shau" myang. Nang gi suid" lhu" ci: loug we' ngoo gi nang ri ashid: nhang: noug.

HOSEA 10:15

Bethela mo byu yi we"- Nanu" koid lid lo da" akhyeing" ashoeb moo" zoo" joem yoomo nanu" moo hougsu" nyang: bue" loo goo" wa. Gyi khaid shid" ri" yo' dage" Israela khokham shid: loo" wa.

HOSEA 12:13

Aseing gi Egutu moo join koid nyid da" Israela byumyu" yiri khyoid khyu: yu lho: nyangnu" ri zoem: wa shid re" Lapi: dayug nhang: kaid byid: da:.

HOSEA 12:9

Nghoid loug we' nanu" ri Egutu mo shu" thu lo da" nanu" Aseing Mangsoo- ngoo gi dain" pyoid yoo moo nanu" jhang ju" ri" uri nanu" nyid lo ziyo' dakhyoo" nanu" ri zoem" joem moo doem nyid nhang: wa.

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.

HOSEA 2:15

Ngoo gi nya: zabyid khyam: joem ri doem byid: wigi yau: khe" janggyoin: ri we' myid byu wa khoem" moo" duang: bui" nhang: wa. Hau: joyoo moo nyang: gi goonham' Egutu mo nyang: phang: lo da" ayo, nyang: ngi shi" uri yo' dakhyo" ngoo ri doem phoug" myang: loo wa.

MALAKHI 1:2

Aseing gi Israela ri hid: su" ga: tid- «Ngoo gi nanu" ri khanham we' jheddab nyid.» Hougsu" nghoid loug we' nanu" tid nyid zigi «Nang gi ngoonu" da" atho' moo re" jheddab myid khasu" toin" shed loo bye: lha"» ga: tid ago". Eso yo' Yaku gi nyang: tang: nyang: nghoid- hougsu" nghoid loug we' ngoo gi Yaku yo' nya: amyed ashen yiri jheddab nyid.

MATHE 2:15

Hau: zigi «Nga" zoo: ri Egutu mung" mo ngoo khe: yu bye» ga: wigi lapi: tid to" hau: Aseing dang: byeung" loo baja" ga: bue" loo bye.

TARHA" TID POIN" 33:3

Aseing gi nya: byumyu" yiri jheddab wigi nyang: wigi seing: da" bang: ri goem loem byid: nyid. Houg: yoomo ngoonu" gi nya: khyid: yang: moo goeb pid wigi nya: amyeing" dang: joem ri tam" gyo: cang yhe: nyid boem.

TARHA" TID POIN" 7:7

Aseing gi nanu" ri byumyu" gootu: tho' je myoo: yoomo nanu" ri jheddab ziyo' khyen: yu zi anghoid. Nanu" gi mougmyid tho' moo nge thang da" byumyu" nghoid ago".