HOSEA 10:8 - Lacid Common Language Bible

⁸ Israela byumyu" yi soolhoo: ri no' byid: da" joyoo- Aven mo bouggung tho' mo jo, da" phoin: yhoem: joem gi phyo' shoin' pyam zi shoug" goo" wa. Nyangnu" da" phoin: tho' moo zu: kyen: yo' myo, yug nghoeb pyam byid: loo goo" wa. Byu yigi boem joem ri «Ngoonu" ri shoung: pyam ge'» ga: bouggung joem ri we" «Ngoonu" ri lo nhe' pyam ge'» ga: mho' yoid loo goo" wa.

HOSEA 10:8 교차 참조

APOEM AYANG: 3:8

Myen" thang: ayo, moo: Aseing Mangsoo gi khyam: khoug: moo khyoo: so" nyid zi shoug" gyoo: lang" nya: tang: gi seiggam joem agyoo: moo gau" ago".

1 KHOKHAM 13:2

Vhoo: mo Aseing da" amyeing" dang: ri lapi: phoo gi phoin: ri tid phu: nyid. «O" phoin: we"- phoin: we" he: zigi Aseing tid da" dang: nghoid. Yoshia ga: da" zoonu" dayug gi David ikoin deungkhu: mo khu ri" wa zi nghoid. Nyang: gi tungbau yu phara" phoin: joem moo: re" shid re" xoin" to' byid: wigi dei byid: nyid da" khainjung ri re" dang moo said noung" lho: nyang: gi re" adang moo byu shooyoug: ri we' nghe' ngei" wa zi nghoid» ga: tid.

1 KHOKHAM 13:34

He: nya: da" yooboo gi nya: khokham akung: ri byo, yoin nhang: wigi dangain" ri doem: loo" nhang: bye:.

1 KHOKHAM 14:16

Yeroboam yooboo shoid wigi Israela byumyu" yiri yooboo khoug: khyoo: shu" loo yoomo Aseing gi Israela byumyu" yiri she: pyam wa zi nghoid» ga: tid.

2 KHOKHAM 23:15

Yoshia gi Israela byu yiri yooboo shu' shoid da" su: nghoid da" khokham Yeroboam ga: da" Nebad nya: zoo: koid to" kho' da" Bethela mo noku ku" joyoo ri we' phyo' khyo' pyam da:. Yoshia gi phoin: joem ri lang: lheing: khyo' pyam lho: houg lugzeing joem ri ajab jab baid kho' pyam wigi hau: joem ri pheilhoug: bui" sho' thung" mhoin' pyam da:. Nyang: gi yu phara" Ashera da" soolhoo: ri we' nghe' pyam da:.

2 KHOKHAM MHOOMYID: 31:1

Pui" bain thang: ri Israela byumyu" yi dangain" bang: gi Yuda mung" mo voomoo" khang" moo" khyoo: yhe: wigi lug zeingboung: joem ri baid khyau" pyam- Ashera yu phara" myhi' da" gungdu soolhoo: joem baid lheing: pyam- phoin: joem yo' tungbau yu phara" ri no' da" joyoo joem ri phyo' pyam boem. Nyangnu" gi deung da" Yuda mung" goin" mo Benyamin- Ephrim- Manashe mougmyid moo we' dakhyo" kyeing" za: koid ago". Hau: thang: ri nyangnu" yhoem: khyoo: tau" lo" ago".

ESAIA 2:19

Myid gung ri lhu nhoin' wa nyang: ju" ri" lang" nyangnu" gi Aseing da" nheig joem: yo: jang" mo nya: da" yoem: so' mo yo' nyang: da" phung" yoeb mo phang: loid wa shid re" bouggung lug pyo' yoin" mo lug khyung: cang anghoid lang" myidgung moo duang: du: lho gau" nyid boem wa zi nghoid.

ESAIA 2:21

Mougmyid ri re" nhoin' wa shid re" Aseing ju" re" uri nya: nheig joem yo: jang mo yo' nya: yoem: so' yo' phung" yoeb joem mo phang: gau" loid byoin: wa shid re" bouggung lug pyo' yoin" mo lug ug yo' lug khyung: cang gau" nyid boem wa.

ESAIA 32:13

Zu: bang yo' zukyen: gam joem gi nga" byumyu" yi da" mougmyid moo yug jo, da:. Byu joem ngei pyo: nyid boem da" yhoem: joem dangain" shid re" yo' dei noem byeung" sho' nyid da" voomoo" shid re" ngoug byid gyoo" ge'.

ESAIA 34:13

Zu: bang yo' phyoopaid gam joem gi khokham kho" dangain" moo yo' vang khyam: bo da" voomoo" dangain" ri yug se: nghoeb pyam loo wa. Hau: akhau: moo khuidkoo" yo' khung" boeb joem nyid loo goo" wa.

HOSEA 10:2

Nheigloem: mhoug fain" da" byumyu" yigi nyangnu" da" yooboo joem gang mo akhid" kyi" khyeug kham zoo: ca" abye:. Mangsoo gi nyangnu" phoin: joem ri baid kho' mhoin' pyam byid: lho: nyangnu" da" gyeung" shang: zeing bung: joem ri phyo' shoin' pyam loo wa.

HOSEA 10:5

Samari voomoo" moo nyid da" byu yigi gyoug lho: Bethaven mo sheing: nujung loo: byug wigi koug ngau loo goo" wa. Hau: nujung loo: ri dei byid: nyid da" nyangnu" yo' khainjung yigi hau: gang mo khau" ngoug loo goo" wa. Hau: da" sheing: phung bang khyeug pyam uri nyangnu" gi kougshu: yoid: ngoug loo goo" wa.

HOSEA 10:9

Aseing gi «Israela byumyu" yigi Gibea moo nyangnu" yooboo koid ayo, mo shid" wigi ngoo ri yooboo koid khyoo: ri atheing: shi" goo" nghoid da:. Houg: yoomo Gibea moo nyangnu" ri gyi koid zi cang myhi: loo goo" wa.

HOSEA 2:6

Houg: yoomo ngoo gi nyang: ri zu: kyen: pung yo' kyam' pyam lho: nya: khyoo: moo vang khyam: koid xau' pyam wa bye:.

HOSEA 4:13

Nyangnu" gi boem gung joem mo gyeung" shang: joyoo cang xoin" to' byid: ago". Houg: lho: nyangnu" gi bouggung tho' moo yug da" myhang: lho: afu' mung" da" seiggam joem yang: moo nam pyo: ja: nghe' ngei" ago". Ciwim ga ri bid shoem: gye pyoo: yoomo nghoid. Hau: da" akyu" gi nanu" da" myiyi: nu" yigi shava myhi' khyo" dei byid: ago". Houg: lho: nanu" da" dumoo" yigi myi: shoid lang shoid ago".

HOSEA 4:15

Israela byumyu" nanu" gi ngoo ri jhug azug goo" nghoid loug we' Yuda gi houg: yo' dakhyo" yooboo ayo" baja". Gilgala moo we' Bethaven moo we' ano' goo". Hau: joyoo mo dei nyid da" Aseing myeing ri dangsoo" atoo" goo".

HOSEA 5:8

Gibea moo: gyi khaid yhi: wa shid re" laboo" mhoid kaid we'. Rama moo: gyi ri tid poin" da" thui: ri khyo' kaid ge'. Bethaven moo meing: zain: wa yoem: kaid thui: ri myhang: kaid ge'. Benyamin kung: mo yuggi yi we"- gyi khaid yhi: we'.

HOSEA 8:5

Samari voomoo" mo byumyu" yi no' da" sheing: nujung loo: ri ngoo ngheing" da:. Ngoo gi nyangnu" ri nheig joem yo: da:. Khamyhang myang" ri she' nyangnu" gi soolhoo: ri no khyoo: ri to" pyam goo" wa lug la".

HOSEA 9:6

Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

AMO 1:5

Ngoo gi Damasku da" vang" khoem" duang: ri we' phyo' mhoin' pyam lho: Aven pa: dam moo nyid mo, yo' Beddiden mung" zoug: yiri yu pyam wa. Suri mo byu yi rigi Kira mung" khyoo: thung: byu yiri yhang: ti" shu" lo" zi shoug" nhang: wa» ga: tid.

AMO 3:14

Israela byumyu" yiri nyangnu" da" yooboo joem yoomo yooboo dam kaid wa da" bidnyid moo Bethela mo phoin: joem ri we' ngoo phyo' sain" pyam wa. Phoin: loem: khang" moo" mo akhyoug: joem gi gyau: lo" wigi myidjang khyoo: gyoeb gyo" pyam wa.

AMO 7:9

Isag nya: myid: nya: zoo: yi da" noku joyoo joem gi phyo' shoin' pyam wa zi nghoid. Israela mung" mo gyeung" shang: da" joyoo gi byo, yoin" joyoo moo she: pyam too" shoug" wa. Khokham Yeroboam khoo" ri amyoug: thang nhang: wa» ga: tid.

AMO 8:14

Samari voo mo soolhoo: yu phara" joem ri jham' tang: lho: «Dan mung" mo yu phara" khyo" hougsu" anghoid lang" gi Berasheba mo yu phara" khyo" ga: jham' tang: da" byu yigi gyoeb gyo" lo" lho: khanham we' adoem yo" too' loo: goo" wa» ga: tid nyid.

MIKHA 1:13

Lakhisha voobyu yi we"- myang: joem ri myang: rheing" moo tab ge'. Nanu" gi Israela yi da" yooboo ri gei yu" yoomo Yerusalem ri yooboo koid nhang: bye:.

MIKHA 1:5

He: khyoo: dangain" gi Israela byumyu" yigi yooboo koid lho: Mangsoo ri thougtheung yoomo bue" loo wa zi nghoid. Israela yi thougtheung zigi hang" ri yooboo foin: wa lha". Gyi: thang da" voomoo" Samari nyang: nghoid bye:. Yuda mung" mo phara" soolhoo: pid su: gi hang" nghoid lha". Yerusalem nyang: nghoid bye:.

NAHUM 3:11

Nineve we" nang we' yhid: yed su: yhang: ti" bue" loo wa. Nanyang: we' re" gyivoo lo, mo loid khyoo: sho: loo wa nghoid.

LUKA 23:30

Hau: da" bidnyid moo byu yi gi boem lang joem ri ngoonu" tho' moo re" byo, gyo" du" boem" too" byid: ge' ga: we' bouggung joem ri ngoonu" tho' moo re" boid zeig too" byid: ge' ga: wigi we' mho' yoid da" ayo, gi ju" lo boem wa.

TARHA" TID POIN" 9:21

Ngoo gi yooboo bui" nhang: da" nanu" koid to" da" hau: to' nuloo: nu" soolhoo: ri yu lho: myi: moo du" khyo' pyam bye:. Hau: thang: ngoo hau: ziri baid khyoeb lho: aphei" gyeig mhoin' wigi boem khyo" yau gyoo" lo da" gyid lang moo du" zei pyam bye:.

Pang Shug 6:16

Boem yi yo' lug ug joem ri yoid khe: zigi " Ngoonu" da" atho' moo gyo" baid' zeug lho:-m zhung: tang moo zhoung: jo, su: yo' yang nu" da" nheigkhoo" yo: nyid da" myonhoo: mo ngoonu" ri nghoeb, too" byid: ge, o"- ga: mho' yoid nyid boem ago".

Pang Shug 9:6

Hau: lham" moo" wim: khyab, da" ayo, gu: moo nyangnu" gi shid: khyoo: sho: nyid boem wa zi nghoid- nghoid loug we' shau" sho: boem wa zi anghoid. nyangnu" gi gye" shid: nau boem nghoid loug we' shid: zoug: gi nyangnu" riphang: lhei" too" khari" wa zi nghoid.