HOSEA 10:5 - Lacid Common Language Bible

⁵ Samari voomoo" moo nyid da" byu yigi gyoug lho: Bethaven mo sheing: nujung loo: byug wigi koug ngau loo goo" wa. Hau: nujung loo: ri dei byid: nyid da" nyangnu" yo' khainjung yigi hau: gang mo khau" ngoug loo goo" wa. Hau: da" sheing: phung bang khyeug pyam uri nyangnu" gi kougshu: yoid: ngoug loo goo" wa.

HOSEA 10:5 교차 참조

2 KHOKHAM 10:29

Nghoid loug we' nyang: gi Bethela yo' Dan moo Yeroboam zhug to" da" sheing: nu: nu" lhoo: joem ri no' byid: da" khyo" Israela byu yiri yooboo shu" koid da" khokham Yeroboam da" yooboo ri leig yu" yu da:.

2 KHOKHAM 17:16

Nyangnu" gi nyangnu" Aseing Mangso da" tarha" joem dangain" ziri phyo' pyam lho: no' wa shid re" to' nu: nu" soolhoo: eig loem: ri koid ago". Nyangnu" gi yu phara" myhi' Ashera da" soolhoo: ri we' koid lho: kyi: joem ri no' ago". Bala yu phara" ri we' dei byid: ago".

2 KHOKHAM 23:5

Nyang: gi Yuda voomoo" joem yo' Yerusalem voogung nam mo joyoo joem moo tungbau yu phara" phoin: joem adang mo xoin" ngei" byid: wa shid re" Yuda khokham yi byid: da" aya: kham: yu to" da" khainjung yi aya: ri yoeb pyam da:. Hau: khainjung yi dangain" gi Bala- bid- lhammoo"- khyoin- kyi: joem ri xoin" ngei" byid: ago".

2 KHOKHAM MHOOMYID: 11:15

Yeroboam gi tungbau yu phara" joem ri no' da" joyoo moo dei byid: wa shid re" we' yu joem ri no' wa shid re" we' nyang: wigi koid to" da" nuloo: nu" lhoo: yu phara" joem ri no' wa shid re" we' nyang: nya: da" khainjung yiri khyen: sain' to" da:.

2 KHOKHAM MHOOMYID: 13:8

Akhid" nanu" gi Aseing wigi David da" amyed ashen yiri byid: to" da" khokham a: na: ri thougtheung zain: ago". Nanu" gi gyidab moo" zeing yo' nanu" yu phara" bui" wa Yeroboam wigi koid to" da" sheing: nu: nu" lhoo: yo" ago".

ESAIA 46:2

Phara" soolhoo: joem gi nyangnu" nya: gung ri ayo" khyoid yu nghoid ago'. Nyangnu" gi myheig yu shau" wigi yu ci: lo" byug zi shau" da:. He: zigi Babelon da" yu phara" joem thang lo" da" khyoo: nghoid da:.

HOSEA 13:2

Nyangnu" gi no' wa khyo" joto' soolhoo: joem koid- byu xangsu: myid nheigloem: wigi khyang sue" lho: xangsu: byu yi lo, wigi ngei soolhoo: joem ri koid da" khyo" xo' lho: yooboo shoid nyid boem ashi". Hau: thang: nyangnu" gi «Houg: bang: ri xoin" ngei" byid: ge» ga: tid ago". Xangsu: byu yigi hau: nuloo: joem gung khyang yo' dakhyo" koid to" da" hau: soolhoo: joem ri khasu" yoomo babug yo bug wa lha".

HOSEA 4:15

Israela byumyu" nanu" gi ngoo ri jhug azug goo" nghoid loug we' Yuda gi houg: yo' dakhyo" yooboo ayo" baja". Gilgala moo we' Bethaven moo we' ano' goo". Hau: joyoo mo dei nyid da" Aseing myeing ri dangsoo" atoo" goo".

HOSEA 5:8

Gibea moo: gyi khaid yhi: wa shid re" laboo" mhoid kaid we'. Rama moo: gyi ri tid poin" da" thui: ri khyo' kaid ge'. Bethaven moo meing: zain: wa yoem: kaid thui: ri myhang: kaid ge'. Benyamin kung: mo yuggi yi we"- gyi khaid yhi: we'.

HOSEA 9:1

Israela byumyu" yi we"- Tungbau byu yi yhang: ti" nanu" da" pui" koid ziri theing: pyam we'. Nanu" gi nanu" da" Mangsoo mo phug lo" wigi nyang: ri jhug azhug loo: nghoid ago". Dameing: goin" moo nanu" nya: gung ri shava myhi' yo' dakhyo" Bala yu phara" ri oung" zo: pyam abye: go". Houg: lho: nyang: ge' nanu" ri byid: zi ga: myid jho: da" shivoo: ri jheddab abye: go".

HOSEA 9:11

Israela da" gyi: sheung: zigi ngho' yo' dakhyoo" dang: phang: byug loo wa. Houg: lho: nyangnu" mo zooshang: akhu: loo goo" wa.- myiyi: yi we' zoo: gung abui" loo: wa.- zoo: we' avoin loo goo" wa.

AMO 3:14

Israela byumyu" yiri nyangnu" da" yooboo joem yoomo yooboo dam kaid wa da" bidnyid moo Bethela mo phoin: joem ri we' ngoo phyo' sain" pyam wa. Phoin: loem: khang" moo" mo akhyoug: joem gi gyau: lo" wigi myidjang khyoo: gyoeb gyo" pyam wa.

ZEPHANI 1:4

Ngoo gi Yerusalem voomoo" yo' Yuda mung" byu dangain" ri we' shen" yhen loo" wa nghoid. Ngoo gi Bala soolhoo: yu phara" no' mo, ri we' dayug we' adeing loo: sho' phyo' shoin' pyam lho: houg: mo nya: moo" voin da" yu phara" khainjung yiri hang" we' ayo" boin: loo sho' mhoin' pyam wa.

ACTS 19:27

Houg: yoomo hid: ngoonu" da" moozoo" ri myeing ze" shoin' pyam wa zi gyoug ca". Houg: za: we' anghoid shi" - gyi: sheung: da" phara" yhoem: gi ci" we' anghoid khari" loo: wa. Houg: lang" Asia mung" bang: dangain" yo' mougmyid goin" mo, coem goeb, pid' nyid da" phara" myhi, da" phung" yoeb, ri phue: lo" byug nhang: wa zi nghoid- ga: tid.

YOSHU 7:2

Yoshu gi Yerikho mo byu dayham" ri Bethela bidthu shoid Bethaven voo nam mo Ai voomoo" khyoo: hau: mougmyid ri yhe: jooyu" wa shid re" amyeing" byid: lho: nhang: kaid da:. Nyangnu" hougsu" bain koid lang"

TARHA" AGYI 18:24

Mikha gi «‹Cica" lha"› ga: da" dang: kang: gi cinghoid lha". Nanu" gi nga" khainjung yo' ngoo koid to" da" yu phara" soolhoo: joem ri yu lho: thu lo" ago". Nga" jang cijo, lo: lha"» ga: tu" da:.