HOSEA 10:13 - Lacid Common Language Bible

¹³ Nghoid loug we' nanu" gi hau: gungthid- akhyeing" ashoeb ziri sho" lho: hau: ashi" ri shoug" yhoem" yu da:. Nanu" gi nanu" da" mhoug jang" mo thu re" da" ashi" ri zo: abye: da:. Nanu" gi nanu" da gyi myang: rheing" joem yo' gye myo: da" nanu" da" gyi zoo yiri loem yoomo

HOSEA 10:13 교차 참조

YOBA 4:8

Akhyeing" da" yoothung" phug lho: Akhyeing" ashoeb da" myoug: shi" sain" da" bang: Akhyeing" ziyo akhyeing" ashoeb ziri yham" yu boem ziri ngoo myang yu" bye:.

COUNG" NGHEI 33:16

Khokham phoo gi nya: da" yoem: bo gyiphung: yoomo oung: lo" zi anghoid. gyizoo: yi we' nyangnu" yoem: boo yoomo oung: lo" zi anghoid.

COUNG" NGHEI 52:7

Yu" ge' nyang: gau: nyu: wa shid re" Mangsoo ri aloem loo za: hau: gungkhoo: nya: da" myo: tham: jonu" yo' akhyeing" ashoeb khyoo: moo gau: nyu: khyoo: sho: nyid da" byu dayug hid: moo: nyid" ga: wigi tid.

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

DANG: ZHOEM 1:31

Hougsu" nghoid yoomo nang koid ziyo' dakhyoo" ti"- shoug" kham: yu wa zi nghoid wigi nanyang: koid moo" zoo" gi nang ri amyen akhyoid shen" yhen zi shoug" nhang: nyid.

DANG: ZHOEM 12:19

Mhau' fain" nyid su: gi kang: leung" nyid nghoid loug we' deingmain" khyoo: gi pyaid moo: too: moo: dageung: teung jo.

DANG: ZHOEM 13:2

Byu gi yigi nyangnu" tid sang: da" khoin" thui: yoomo coung" nghei ngi: shab jhungshug shoug" kham: yu boem- nghoid loug we'-fain" zoo: mhoug zo: nyid mo, koem gi lhoid zoo: fain" zoo: wa da" khyoo: ri za: zooyoid gyid shed yhang: ti"- dayoid, shed nyid boem ago".

DANG: ZHOEM 19:5

Tarha" yung" moo: nang mhau, tid nghoid rigi yooboo dam byid: zi shoug" wa nghoid- hougmoo: lhoid pyoin khyoo: jo, zi anghoid.

DANG: ZHOEM 22:8

Atarha" da" myoug" shi" sain" rigi byo, yoin" lo" khyoo: youg thu' lo lho: subi" ri nang doin: zeig zo: khyoo: thang byug wa zi nghoid.

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

ESAIA 17:11

Nang hau: joem ri sho" da" nab soin: ri nyang: hau: joem yug thu re" lho: aboo" bo" loo nghoid loug we' yham" yu zi ajo, wa. Hau: zigi yau: khi" yo' age byang" da" noo phyoo" za: bue" loo wa.

HOSEA 11:12

Aseing gi Israela byumyu" yigi ngoo ri mhoug tid dang: yo' mhoug fain" ziyo' lheing khoem to" abye: go". Yuda byumyu" yigi jhug zug ziyo' gyeung" shang: da" ngoo Mangsoo ri thougtheung gyi koid nyid boem shi" ago".

HOSEA 4:2

Nyangnu" gi dangsoo" to" to" lho: hau: ziri doem phyo' pyam ago". Nyangnu" gi mhau' tid- byu said- khau" ziyo' myi: shoid lang shoid ago". Yooboo koid moo" je myoo: nhang: wigi byu said moo" ri daloem: bain thang: daloem: koid thu ago".

HOSEA 4:8

Nanu" gi nga" byumyu" yi da" yooboo mo yoo" zoo: yoo" shug lo ago". Houg: yoomo nanu" gi nyangnu" ri je wigi yooboo xo' koid nhang: nau ago".

HOSEA 7:3

Aseing gi «Mung" byu yigi nyangnu" da" akhyeing" ashoeb da" khoug: lheing: lheing: wigi khokham yo' nya: gyizoug: yiri mhau' fain" pyam ago".

HOSEA 8:7

Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.

1 SAMUELA 24:14

Israela khokham phoo ciri said wa ga: yoem: kaid yen" ziri yu" yu" ge'. Lakhuid shid: mang la'- khoo" lhid" la'.