HOSEA 10:10 - Lacid Common Language Bible

¹⁰ Ngoo gi he: yooboo yo" da" byumyu" yiri khaid zain: lho: yooboo dam byid: wa. Gootu: byumyu" yigi nyangnu" shoin" wigi nyangnu" ri gyikhaid loo wa. Israela byu yi da" myoo" sho' da" yooboo joem gang mo yooboo dam byid: zi shoug" loo goo" wa.

HOSEA 10:10 교차 참조

1 KHOKHAM 12:28

Hau: ziri bain myid thang: ri nyang: gi sheing: nuloo: soolhoo: eig du: ri koid wigi nya: byumyu" yiri «Nanu" Yerusalem khyoo: lo" wigi noku wa shid re" gye" ve: nyid da:. Israela byumyu" yi we"- nanu" ri Egutu mung" mo shu" thu lo da" nanu" yu phara" gi he: joem nghoid da» ga: tid.

YOBA 39:10

Nulam" dadu: ri nang tei" wigi tei" lho: yoo yo" phug nhang: wa la". Anghoid lang" nyang: ri re" yoothung" joem moo kyi' yo" shi: nhang: wa la"

ESAIA 1:24

Houg: yoomo akhid" myhang: thang Aseing Israela da" yoem: so' bo da" Mangsoo tid nyid ziri tam" gyoo: we'. «Nga" gyivoo yi nghoid da" nanu" adang moo ngoo latoo: phug wa. Houg: lho: nang gi ngoo ri kyi" khyeug abyid: loo: wa.

YEREMIA 15:6

Byumyu" yi nanu" gi ngoo ri ngeug he: pyam ago". Nanu" gi ngoo ri nungthang phug khare" boem abye: go". Houg: yoomo ngoo gi nanu" jhang jhen" re" wigi nanu" ri khyoeb pyam bye:. Ciwim gari: ngoo gi nga" da" nheig yo: ziri zeing: ngheing" bye:.

YEREMIA 16:16

Aseing tid zigi «Ngoo gi he: byumyu" yiri myheig yu nhang: wa shid re" wimdo, kuang bang: myoo" sho' ri nhang: kaid wa. Houg: lho: nyangnu" ri boem khang" moo"- bouggung khang" moo"- lug pyo' khung" mo lug ug lug khyung: joem moo cang khaid shoo: wa shid re" shoo" kuang bang: myoo" sho' ri nhang: kaid wa.

YEREMIA 21:4

Israela da" Aseing Mangsoo tid zigi «Ngoo gi Babelon khokham ri yo' nya: gyidab ri gyi khaid zain: nyid boem da" re" gyidab ri gyo" soem" loo" nhang: wa. Re" gyizoo: yi da" gyi jonu" joem ri voomoo" voo kang khoug: moo ngoo boem too" wa.

EZEKIEL 16:37

He: gang mo ngoo gi shid phyang" mo nang jheddab ziyo' nang ngheung" da" re" zooyam phoo yi dangain" ri khe: zheing" yu wa. Ngoo gi nyangnu" ri re" lheing khoem moo shu" nyhid: to" lho: re" byimi joem ri khyoid pyam byid: wigi nyangnu" wigi nang ri shoo" cen: doem: shau" myang nhang: wa.

EZEKIEL 16:42

Houg: lang" nga" nheig yoo bei: byug wigi ngoo gi yo loo" wa. Ngoo gi nheig we' ayoo: loo: wa. Myid we' amyoo: loo: wa.

EZEKIEL 23:46

He: zigi yoem: moo" bo Aseing tid zi nghoid. «Nya: eig tang: ri kyug nhain' wa yo' lhoid zoo: wa shid re" byu daphung: ri shu" loo we'.

EZEKIEL 23:9

Hougsu" yoomo ngoo gi nyang: ri sung jheddab da" nya: Asuri yuggi yi lo, khyoo: ab byid: bye:.

EZEKIEL 5:13

«Nang gi nga" nheig yo: ziyo' nheigloem: yoin da" yoem: dangain" ri ngoo nheugdeug da" ayo, ju" sho' shoug" kham zo: loo wa. He: zi dangain" bue" loo lang" nang jhug azug ziri ngoo nheig yoo: yoomo ngoo Aseing nang ri dang: ji bye: ziri nang gyeing" se' loo wa.

HOSEA 10:9

Aseing gi «Israela byumyu" yigi Gibea moo nyangnu" yooboo koid ayo, mo shid" wigi ngoo ri yooboo koid khyoo: ri atheing: shi" goo" nghoid da:. Houg: yoomo Gibea moo nyangnu" ri gyi koid zi cang myhi: loo goo" wa.

HOSEA 4:19

Nyangnu" gi lid hau wigi hau tang" kaid yhang: ti" shu" yu pyam zi shoug" loo goo" wa. Houg: lho: nyangnu" gi nyangnu" da" tungbau yu phara" ri no' da" moo" zoo" yoomo sho' phu" loo goo" wa.

HOSEA 4:9

Hau: byumyu" yi yo' dakhyo" nanu" we' yooboo dam loem zo: loo goo" wa. Ngoo nanu" ri yooboo dam byid: wigi nanu" shoid vhang: da" akhyeing" ashoeb yooboo shid re" aphoug" xab nhang: wa.

HOSEA 8:1

Aseing gi «Gyi tid poin" thui: ri myheing kaid we'. Gyivoo yigi zoin bung yo' dakhyo" da" mougmyid moo dang: gyoo" re" nyid ago". Nga" byumyu" yigi ngo wigi nyangnu" yo' koid to" da" dang: theing ri phyo' shoin' pyam lho: ngoo jhau" shed ziri thougtheung gyi koid pyam ago".

HOSEA 8:10

Nghoid loug we' akhid" gi ngoo gi nyangnu" dangain" ri shoem" zheing" to" wigi yooboo dam byid: wa bye:. Khamyhang amyang" ri nyangnu" gi Asuri khosen ge' nyangnu" ri doem zeig zoo: lang" dam no wigi lang: thain: nyid goo" wa.

MATHE 22:7

khokham" phoo gi nheig gye yo: lo wigi Nya: gyizoo: yi ri nhang: kaid lho: wigi hau: byu said mo, ri yhe: said pyam nhang: nyangnu" voogung ri we' nghe pyam nhang.

TARHA" TID POIN" 28:63

Aseing gi nanu" ri nyid gi yab gi nhang: wigi myo: lug je: be: ri" nhang: da" uri ngei pyo: gau yi ziyo' dakhyoo" ti" nyang: nanu" ri joem: loo" nhang: wigi nanu" byo, yoin" joem: lo" uri we' ngei pyo: gau yi loo wa. Nanu" yhe: seing: yu wa za: danghoid lo: da" mung" mo we' phoin' pyam zi shoug" wa.