HOSEA 10:1 - Lacid Common Language Bible

¹ Israela byumyu" yigi zabyid shi" byeung" sho' zei: da" zabyid nei yo' du lo ago". Nyangnu" je yoo" zoo: yoo" shug loo lang" phoin: joem je myoo: sho' zhug lo ago". Nyangnu" mougmyid mo shivoo: ziyoo je thu lang" nyangnu" no' wa da" gyeung" shang: lug zeingboung: joem je zhug ago".

HOSEA 10:1 교차 참조

1 KHOKHAM 14:23

Nyangnu" gi anghoid da" yu phara" joem shid re" no' joyoo ri koid bye:. Bau gung tho' moo we' seiggam yoeb vhoo: moo we' no' wa shid re" lug zeingboung: joem yo' Ashera yu soolhoo: joem ri zhug to" boem da:.

YEREMIA 11:13

Yuda mung" byu yigi nyangnu" yo" da" voomoo" joem myhoo' yu phara" joem yo" ago". Houg: lho: Yerusalem moo nyid bang: gi hau: voomoo" moo jo, da" fu" moo" khyoo: joem myhoo' nyang: hau: aco' ajhoid da" Bala yu phara" ri xoin" ngei" byid: wa phoin: joem zhug to" ago".

YEREMIA 11:17

«Ngoo myhang: thang Aseing gi Israela yo' Yuda ri sho" too" bye:. Nghoid loug we' akhid" ngoo gi hau: bang: ri byo, yoin" khyoo: yo' kyug tain' nyid bye:. Nyangnu" gi shoid zi koid yoomo he: ziri nyangnu" ri gyo" zang" abye:. Nyangnu" gi Bala yu phara" ri xoin" ngei" byid: yoomo ngoo ri nheig yoo: nhang: bye:» ga: tid.

YEREMIA 2:28

«Nanu" nya: shid re" nanu" koid yu da" yu phara" joem gi khakhyoo: loo" bye: la" Nanu" yau: khi" shoug" nyid uri nanu" ri nyangnu" yo" khyoid yu boem nghoid ri khyoid yu boem baja". Yuda we" nang moo voomoo" joem jo, myhoo' yu phara" joem yo" da:.

HOSEA 12:11

Nghoid loug we' Gilead mo soolhoo: joem ri no' ago". Houg: lho: hau: joem ri no' bang: gi shid: loo goo" wa. Gilgala mo nujung loo: joem ri xoin" ngei" byid: ago". Houg: lho: hau: joyoo mo phoin: joem gi jang: pa: moo lug go, boem bue" loo goo" wa.

HOSEA 12:8

Nyangnu" gi ‹Ngoonu" gi yoo" zoo: yoo" shug da:. Ngoonu" moo zhafa: bo. Ngoonu" adeingmain" da" khyo" jonu" yo" ziri hang" wigi yooboo ayo" zhug› ga: tid ago".

HOSEA 13:15

Israela byumyu" yigi myo, gam yo' dakhyoo" ti" yug mung" ri" nghoid loug we' ngoo gi bidthu shoid dain" pyoid yoo mo lid lung ri nhang: kaid lho: hau: lid lung gi nyangnu" da" gyid bug yo' gyid thung" joem ri kyug hei' pyam nhang: wa. Hau: zigi phoug" dab da" ja: khang" moo" ri yu pyam byid: loo wa.

HOSEA 13:2

Nyangnu" gi no' wa khyo" joto' soolhoo: joem koid- byu xangsu: myid nheigloem: wigi khyang sue" lho: xangsu: byu yi lo, wigi ngei soolhoo: joem ri koid da" khyo" xo' lho: yooboo shoid nyid boem ashi". Hau: thang: nyangnu" gi «Houg: bang: ri xoin" ngei" byid: ge» ga: tid ago". Xangsu: byu yigi hau: nuloo: joem gung khyang yo' dakhyo" koid to" da" hau: soolhoo: joem ri khasu" yoomo babug yo bug wa lha".

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

HOSEA 2:10

Ngoo gi nyang: ri nya: vho: ngei bang: da" shidkhoin" moo byimi khyoid pyam byid: lho: gung cen: koid pyam byid: wa. Nga" lo, yoem: so' mo nyang: ri hang" dayug we' are" yo" khyoid yu wa.

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

HOSEA 4:7

Nanu" khainjung je myo: ri je nanu" gi ngoo ri je yooboo shoid ago". Houg: yoomo ngoo gi nanu" da" ngi: shab khyoo: ri phue: loo" nhang: wa.

HOSEA 8:11

Israela byumyu" yigi yooboo joem ri yu pyam wa shid re" phoin: myoo: sho' je zhug lang" yooboo koid wa jo yoo je myoo: sho' yo" ago".

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

XOIN" NGEI" 26:1

Aseing gi «No' wa shid re" soolhoo: joem yu phara" alhoo:- lug zeingboung: azhug goo"- lugzeing akyung" goo". Ngoo gi nanu" Aseing Mangsoo nghoid.

NAHUM 2:2

Aseing gi Israela byumyu" yiri nya: gyivoo joem nyang: ri abyo, sain" alhoid yu pyam shi" uri yhang: ti" nya: myonhoo: phung" yoeb ri doem tu: shab byid: wa zi nghoid.)

2~KORINTHU 5:16

Hougsu" nghoid yoomo ngoonu" gi akhid" mo wigi hang" ri we' byu da" aklhyoo" laki khyo" cang lho: tarha" dang: phyed khyoo: akoid boem loo. Xang: shid" ayo, moo Khristu ri byu da" akhyoo" alai khyo" cang lho -soin: dang: phyed da" khyoo: koid lailo lboem bye. Nghoid loug we' akhid" hougsu" akoid lo: boem.

PHILIPI 2:21

Byu gooji dangain" mo, gi-nyang: tu: nya: khyoo: ri za: seing" kho"- gung youg yau nyid boem ago- Khristu Yesu yo' sen: da" khyoo: moo myid' abo boem nghoid ago".