HOSEA 1:7 - Lacid Common Language Bible

⁷ Nghoid loug we' Yuda byumyu" yiri gi jheddab myid toin" shed byid: wa. Ngoo nyangnu" Aseing Mangsoo gi nyangnu" ri khyoid yu wa nghoid loug we' ngoo gi hau: ziri meing: zain: khyo" akoid wa. Shamcoin"- Lid:- myoo: khaid- myang: yo' myang: jui: bang: ri aci: wa» ga: tid da:.

HOSEA 1:7 교차 참조

2 KHOKHAM 19:29

Hau: thang: Esaia gi khokham Hezekia ri «He: zigi bue" ri" wa da" asoo" nghoid. Akhizain yo' sang: nheig gi nang shivoo: lam" shoug" zoo: wa. Nghoid loug we' thang: zain gu: moo gi re" shivoo: ri sho" wigi yo" yham" yu wa. Zabyid nei joem ri sho" lho: zabyid shi" joem shau" zoo: loo wa.

2 KHOKHAM 19:34

Ngoo nya: gung ri ngi: shab da" shid mo we' nga" dei zoo: David ri ngoo byid: to" da" dangsoo" yoomo we' ngoo gi he: voomoo" ri" lhoug zung" lho: goem loem byid: wa» ga: tid da:.

2 KHOKHAM 19:35

Hau: myen moo Aseing da" moug: lagyoo: dayug Asuri dab khyoo: gyoo" re" wigi gyizoo: 185,000 yug ri said pyam da:. Hau: thang: nyid" moug: boo" zoo" ri houg moo dangain" bang: shid: jo, ago".

2 KHOKHAM 6:18

Suri byumyu" yi meing: zain: loo lang" Elisha gi «O" Aseing we"- hau: byu joem ri myo, jid, nhang: we'» ga: akyu" mho' da:. Aseing gi nya: akyu" mho' dang: ri tam" gyoo: byid: wigi nyangnu" ri myo, jid, nhang: da:.

COUNG" NGHEI 33:16

Khokham phoo gi nya: da" yoem: bo gyiphung: yoomo oung: lo" zi anghoid. gyizoo: yi we' nyangnu" yoem: boo yoomo oung: lo" zi anghoid.

COUNG" NGHEI 44:7

Nghoid loug we' nang gi ngoonu" ri gyivoo joem da" lo, mo yo" khyoid yu lho: ngoonu" ri ngheung" nyid bang: ri soem" joem: loo" nhang: abye:.

THU' LO" MOUGSOUG" 14:13

Moshe gi «Agyug goo" nanu" nya: joyoo moo yab jo ge'. Akhid" nyid" Aseing nanu" ri khasu" khyoid yu wa ein: ziri nanu" myang goo" wa zi nghoid. Nanu" Egutu byumyu" yiri khanham we' shau" myang loo zi anghoid.

THU' LO" MOUGSOUG" 14:30

Hau: nyid" ri Aseing gi Egutu byumyu" yi lo, mo Israela byumyu" yiri khyoid yu bye:. Israela byumyu" yigi thoem" yam mo Egutu byu yi da" shid: mang joem ri yo" myang bye:.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 30:18

Nghoid loug we' Aseing gi nanu" ri nheig khyeug yu wa shid re" lang" nyid wa. Nyang: gi khanham we' jo zi koid yoomo nanu" ri nheig khyeug yu wa jen" jen" nghoid da:. Aseing ri khau: nghe: bang: gi ngei pyo: ago".

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

YEREMIA 25:5

Apyaid atoo: jonu" khyo" nanu" ri yo' nanu" phoug" phyid" yiri Aseing wigi byid: to" da" mungdain: moo nanu" xo' wigi yo" nyid boem goo" wa shid re" nyangnu" gi nanu" ri nanu" da" akhyeing" kangso' dei khyoo: mo yo' nanu" koid da" akhyeing" da" lo, mo" joem mo tau" loo wa nanu" ri tid abye: go".

YEREMIA 25:6

Nyangnu" gi nanu" ri gootu: yu phara" joem ri ano' wa yo' adei byid: wa houg: lho: nanu" koid to" da" yu phara" soolhoo: joem ri no' da" khyo" Aseing ri nheig ayoo: nhang: wa shid re" tid abye: go". Nanu" Aseing ri tid dang: tam" gyo: nghoid rigi nyang: gi nanu" ri yooboo dam abyid: wa.

YEREMIA 33:26

Ngoo tid su" gyeing" nyang: koid bye: ziyo' dayhang: ti"- Yaku da" amyed ashen yi yo' nga" dei zoo: David yo' koid to" da" nga" dang: theing ri ngoo zoem: ci: wa. Abraham- Isag- Yaku bang: da" amyed ashen yiri vhoeb wa shid re" David da" amyed ashen yi' mo dayug ri ngoo khyen: yu wa. Nga" byumyu" yiri ngoo nheig khyeug shoo" myen: wigi nyangnu" ri doem nyid ge yab gi nhang: wa.

HOSEA 1:8

Gome gi nya: myiyi: zoo: ri noug" bain kang" thang: ri gung doem lid: re" lho: yuggi zoo: dayug doem yo" da:.

HOSEA 11:12

Aseing gi Israela byumyu" yigi ngoo ri mhoug tid dang: yo' mhoug fain" ziyo' lheing khoem to" abye: go". Yuda byumyu" yigi jhug zug ziyo' gyeung" shang: da" ngoo Mangsoo ri thougtheung gyi koid nyid boem shi" ago".

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

1 SAMUELA 17:47

Aseing gi nya: byumyu" yiri khyoid yu da" uri sham: lham: aca" ga: ziri hid: moo nyid da" byu dangain" mo, shau" myang wa zi nghoid. Nyang: gi gyi oung: su: nghoid da:. Nanu" dangain" mo, ri nga" lo, khyoo: nyang: ab byid: wa zi nghoid» ga: doem phug tid.