HOSEA 1:6 - Lacid Common Language Bible

⁶ Gome gi eig yug ein: da" zooshang: doem yo" da:. He: lheing: gi myiyi: nu" nghoid da:. Aseing gi Hosea ri «Nya: myeing ri ‹Ajheddab› su: ein: myheing we'. Ciwim gari ngoo gi Israela byumyu" yiri jheddab myid aci: shug byid: loo wa. Nyangnu" da" yooboo ri we' akhyoid byid: loo wa.

HOSEA 1:6 교차 참조

2 KHOKHAM 17:20

Aseing gi Israela byu yi dangain" ri ngeug pyam lho: nyangnu" ri yooboo dam byid: wigi nyangnu" ri nya: shidkhoin" mo bain sho' khaid thu pyam sho' anoug akhyoid koid da" gyivoo yi lo, khyoo: nyangnu" ri byid: pyam da:.

2 KHOKHAM 17:6

Hoshea vhoeb zi goug: zain ein: zain moo Asuri khosen gi Samari ri seing: yu lho: thung: byu yi khyo" Israela byu yiri Asuri mung" khyoo: shu" lo" ago". Dayham" ri Hala voomoo" moo dayham" ri Gozan mung" du mo Habora gyid lang nam moo dayham" rigi Media byu yi voomoo" joem moo nyhid: to" ago".

ESAIA 27:11

Seiggam joem mo seig kung: joem gi yhau" wigi kyug lo" byug ago". Myiyi: yigi hau: ziri thang" sho: yu ago". Ciwim gari byumyu" yigi ci: we' ase' gyoo: goo" nghoid da:. Nyangnu" ri phain" so: su: Mangsoo gi nyangnu" ri nheig akhyeug wa nheig khyeug shoomyen: myid aci: shug byid: wa.

HOSEA 1:8

Gome gi nya: myiyi: zoo: ri noug" bain kang" thang: ri gung doem lid: re" lho: yuggi zoo: dayug doem yo" da:.

HOSEA 2:23

Ngoo gi nga" byumyu" yiri hau: moug: moo de: nyhed: to" lho: nyangnu" ri nyid di nhang: wa. Ajheddab yug ein: myheig pyam bye: bang:- nga" byumyu" anghoid ein: myheing pyam bye: bang: ri ngo wigi jheddab myid ci: shug byid: wa. Ngoo gi «Nanu" nga" byumyu" yi nghoid» ein: tid wa Houg: lho: nyangnu" gi «Nang gi ngoonu" da" Mangsoo nghoid da» ga: tu" loo goo" wa.

HOSEA 2:4

Ngoo gi nya: zoo: yiri nheig khyeug myid aci: shug wa. Nyangnu" gi sho' ase' da" shava myhi' da" nya: zoo: yi nghoid ago". Myiyi: myhi' nyang: nyang: gi «Ngoo vho: ngei bang: jang" khyoo: yhi: wa. Nyangnu" gi ngoo ri voem: yo' gyid- soug" goug" yo' zin: yung" pain" gi zhainloin: xu: yo' zabyid yhid: byid: ago"» ga: tid nyid.

AMO 7:8

Nyang: gi ngoo ri tid zigi «Amo we" nang ce: noem myang» ga: myid: lang" «Lake' tei" ri myang» ein: tid bye:. Houg: lang" nyang: tid zigi «Nga" byumyu" yigi he: xiyam yhang: ti" kam" la' akam" la' ein: ziri toin" shed wa shid re" houg: ziri ngoo ci: yhung: nyid zi nghoid. Nyangnu" ri yooboo dam kaid wa da" nga" nheigloem: ri ngoo thid wa zi nghoid.

AMO 9:8

Ngoo yoem: moo" bo Aseing gi he: myo: thang da" Israela mung" ri zung" yu nyid zi nghoid lho: ngoo gi he: da" mougmyid tho' moo hau: mungdain:” ri phyo' shoin' pyam loo: wa zi nghoid loug we' Yaku da" amyed ashen yiri koem' gi aphyo' shoin' pyam wa.

1PETERU 2:10

Mangsoo seung: ci: da" byumyu" yi nghoid bye. Nanu" gi xang: shed" ri Mangso da" byumyu" anghoid- akhid" koem gi Mangso da" byumyu" nghoid bye- xang: shed" ri nanu" gi nheig khyeug zi shau" mo, anghoid- nghoid loug we' akhid" koem gi nanu" nheig khyeug zi shau" boem bye.