HOSEA 1:4 - Lacid Common Language Bible

⁴ Aseing gi Hosea ri «Nyang: ri Yezerela ein: myheing byid: we'. Ciwim ga ri Yezerela moo Israela khokham da" phoug" phyid" Yehu wigi byu said da" gang mo Israela khokham ri yooboo dam byid: wa amyang" loo. Ngoo gi Yehu da" khokham byuxeig ri thang nhang: loo: wa.

HOSEA 1:4 교차 참조

2 KHOKHAM 10:1

Samari voomoo" moo Ahab da" amyed ashen yi nyhed xi: yug nyid ago". Yehu gi mougsoug" dakhyab lhid" lho: hau: da" yang: je: joem ri voomoo" mo vhoebkhang" bang: ri byumyu" yi da" vhujhung: yiri Ahab da" amyed ashen yiri gung zung" bang: ri foin: kaid byid: da:. Mougsoug" moo

2 KHOKHAM 10:17

Nya: eig yug houg khyoo: ju" yhi: lang" Yehu gi Ahab da" bidnoem dangain" ri dayug ri we' ateing too" loo: said pyam da:. He: zigi Aseing wigi Elia ri tid to" da" khyoo: joem bue" lo zi nghoid da:.

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

2 KHOKHAM 15:8

Yuda khokham Uzia vhoeb zi soem" xe: shed zain moo Yeroboam II nya: yuggi zoo: Zekharia gi Israela khokham bui" lo da:. Nyang: gi Samari moo lhammoo" khyug khyab vhoeb da:.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

ESAIA 8:3

Hau: thang: amyang" ri nga" yhoem: seing: myhi' gi gung lid: re" da:. Nga" eig tang: yuggi zoo: khu: ri" lang" Aseing gi «nyang: ri ‹Nyeigdain tung" khaid zain:- myab myab yhe: lhoid yu khyoo: ein: myeing myheung.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

YEREMIA 20:3

Thang: nab kyoo'- Pashura wigi ngoo ri jangcoo" mo phid: kaid thang: ngoo gi nyang: ri «Aseing gi nang ri Pashura ga: myeing amyheing nghoid da:. Nyang: wigi nang ri myheing to" zigi ‹Khyi' khang" moo" gyoug pho"› ga: zi nghoid.

YEREMIA 23:2

He: zigi nya: byumyu" yiri yu" goin coung: byid: da" vhoebkhang" bang: yo' sen: wigi Israela Aseing Mangsoo tid to" zi nghoid da:. Hau: zigi «Nanu" gi nga" byumyu" yiri agoin' coung: byid: nghoid ago". Nanu" gi nyangnu" ri abyoo asain" koid pyam wigi khaid lham' pyam da:. Akhid" ngoo gi nanu" koid lo da" akhyeing" da" lo, moo" shid re" yooboo dam byid: loo wa.

YEREMIA 3:8

Nyang: gi hougsu" ngoo mo phug lo" wigi shava myhi' bue" byug da" gang mo Israela ri ngoo kang" pyam wigi phang: nhang: pyam bye: ziri we' Yuda shau" myang da:. Nghoid loug we' Israela da" jhug azug da" bi: nhung" Yuda gi agyug nghoid da:. Nyang: we' shava myhi' bue" re" wigi

EZEKIEL 23:10

Nyangnu" gi nyang: ri gung cen: khyoid shang: pyam byid: lho: nya: yuggi zoo: yi yo' myiyi: zoo: yiri shu" yu pyam da:. Houg: lho: nyang: ri shamcoin" yo' said pyam da:. Myiyi: yigi khyi' khang" moo" moo nyang: loem zo: da" khyoo: ri gei sang: yen" da:.

EZEKIEL 23:31

Nang gi re" be da" khyid: byi moo cang yoomo ngoo gi nang ri daja: za: da" yooboo dam koem: ri shug nhang: wa.

HOSEA 1:6

Gome gi eig yug ein: da" zooshang: doem yo" da:. He: lheing: gi myiyi: nu" nghoid da:. Aseing gi Hosea ri «Nya: myeing ri ‹Ajheddab› su: ein: myheing we'. Ciwim gari ngoo gi Israela byumyu" yiri jheddab myid aci: shug byid: loo wa. Nyangnu" da" yooboo ri we' akhyoid byid: loo wa.

HOSEA 1:9

Aseing gi Hosea ri «Nyang: ri ‹Nga" byumyu" anghoid› ein: myeing byid: we'. Ciwim ga ri Israela byumyu" gi nga" byumyu" anghoid. Ngoo we' nyangnu" da" Mangsoo anghoid» ga: tid da:.

HOSEA 2:13

Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

HOSEA 9:17

Ngoo dei byid: nyid da" Mangsoo gi nya: byumyu" yiri ngeug pyam wa. Ciwim gari nyangnu" gi nyang: tid dang: ri atam" gyoo: yoomo nghoid da:. Nyangnu" gi byumyu" yi phung: gung moo nyid lam" yen" ca" loo goo" wa.

AMO 9:8

Ngoo yoem: moo" bo Aseing gi he: myo: thang da" Israela mung" ri zung" yu nyid zi nghoid lho: ngoo gi he: da" mougmyid tho' moo hau: mungdain:” ri phyo' shoin' pyam loo: wa zi nghoid loug we' Yaku da" amyed ashen yiri koem' gi aphyo' shoin' pyam wa.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

LUKA 1:13

Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

LUKA 1:31

Nang gi gung lid: lo lho: Yuggi zoo: da" agyid asoo: ri yo" khu: loo wa Hau: yuggi zoo: ri Yesu ein: myeing myheing byid: ca.

LUKA 1:63

Zakhari gi lug yho' dakhyab ri mho' yu lho: zoonu" da" myeing gi Yohan nghoid ga: lhid" shug.

YOHAN 1:42

Hau: thang: ri nyang: gi Simun ri Yesu jhang khyoo: khe: shu" yhe. Yesu gi Simun ri yu" lho: tid zigi ‹‹Nang gi Yohan nya: zoo: Simun nghoid. Nghoidloug we' nang rigi Kepha ein: myheing wa zi nghoid. (Hau: zigi Petru ga: ziyo' du: lho: lung: moo" boem ga: da" dangkang: bo.)

YOSHU 19:18

Hau: mougmyid moo: Yezrela- Khesulod- Shunem