HOSEA 1:11 - Lacid Common Language Bible

¹¹ Yuda byumyu" yi yo' Israela byumyu" yigi dadeing: daloem: za: doem bue" byug loo goo" wa. Nyangnu" gi nyangnu" shid re" vhujhung: dayug ri za: khyen: yu loo goo" wa. Houg: lho: nyangnu" gi nyangnu" da" mougmyid moo dalheing: dam gyi: sheung: lho: nyid gi yab ge yoo" zoo: yoo" shug loo goo" wa. Nghoid bye:. Yezerela bidnyid gi bidnyid zeing danyid" nghoid loo wa.

HOSEA 1:11 교차 참조

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

YEREMIA 30:21

Nyangnu" da" vhoebkhang" su: gi nyangnu" nya: byumyu" mo thu loo wa. Nyangnu" da" khokham nya: zoo: gi nyangnu" nya: byumyu" mo thu loo wa. Nyang: ri ngoo khi: lang" nyang: gi nga" jhang tab lo loo wa. Akhe: ri hang" voem" loo wa la. Nyangnu" gi nga" byu yi nghoid lo wigi ngoo gi nyangnu" Mangsoo nghoid wa. Ngoo Aseing tid too" bye:».

YEREMIA 30:3

Ciwim gari nga" byumyu" Israela yo' Yuda ri doem shu" tau" wa ayo, ju" lo nyid da:. Ngoo gi nyangnu" phoug" phyid" yiri byid: to" da" mungdain: khyoo: nyangnu" ri doem shu" tau" lo wigi nyangnu" hau: ziri doem yo" seing: yu loo goo" wa. Ngoo Aseing tid too" bye:» ga: tid da:.

YEREMIA 30:7

Gyug dain pho" da" bidnyid gi ju" lo nyid da:. Nga" byumyu" yi shid re" gootu: bidnyid yo' ayo" tu' da" Kyi" khyeug da" ayo, ju" lo nyid da:. Nghoid loug we' nyangnu" gi nyid deing nyid goo" wa» ga.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

YEREMIA 32:37

Ngoo nheig yo: wigi nyangnu" ri ngoo nyhid: sain" to" da" mungdain: dangain" mo byu yiri ngoo zheing" yu wa. Nyangnu" ri ngoo he: joyoo khyoo: doem shu" tau" yu wigi hid moo: gau: gau: za: nyangnu" ri nyid nhang: wa.

YEREMIA 50:19

Israela byu yiri nyangnu" mougmyid moo doem nyid nhang: wa. Nyangnu" gi Kamela boem mo yo' Bashan moug: moo sho" da" zoo: noem ri zo: boem wa. Nyangnu" gi Ephrim yo' Gilead mougmyid moo sho" to" da" shivoo: shiloem joem ri nyangnu" vho: nhoo' shoug" zo: loo goo" wa.

EZEKIEL 39:25

Yoem: moo" bo Aseing tid zigi «Nghoid loug we' akhid" ngoo gi Israela byumyu" yi nghoid da" Yaku da" amyed ashen yiri nheig khyeug yu wigi nyangnu" ri dalheing: doem nyid gi yab ge nhang: wa. Ngoo gi nga" gyeung" shang: myeing ri goem loem yu wa.

HOSEA 2:1

Houg: yoomo re" Israela mang: nhung" yiri «Mangso byumyu" yo' ‹Aseing wigi' jheddab bang:› ein: khi: we'» ga: tid da:.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

Roma 11:15

Mangsoo: gi nga" da" byumyu" ri she: pyam da" uri mougmyid byu yi ri nya gyivoo nghoid nyid jang" mo bidnoem yi bue" loo nhang: - hougsu" nghoid yoomo - Yuda byumyu" ri Mangsoo: doem kham: yu da" uri - Khasu" bue" loo wa lha". Shid: mang ri doem dei loo nhang: yhang: ti" mau" pho" moozoo" bue" loo wa nghoid.