HEBRE 4:3 - Lacid Common Language Bible

³ Loem" jeung" nyid mo, ngoonu" koem gi Mangsoo dang: theung to" da" ngei bu doug no: khyoo: ri shau" kham: yu boem bye. Hougsu" nghoid yoomo Ngoo nyangnu" ri nheig yoo: yoomo nyangnu" ri ngoo byid: wa ein: da" ngei bu myen, jham" da" mung" khyoo:- khanham we' ayo" vang loo" goo" baja"- ein: wigi ngoo dang: theung ziyo' nheung" too" bye ga: wigi nyang: tid nyid ziyo' dakhyoo" ti"- nghoid nyid. Moug: myid ri Aseing: nyang: phain" to" jang" mo wigi nyang: zei: ca" da" moo" ri dangain" zei: pyam bye. Nghoid loug we' nyang: dang: da tid nyid shi".

HEBRE 4:3 교차 참조

COUNG" NGHEI 95:11

Ngoo gi nheig yoo: nau nyid ziyo' Nyangnu" ri myenjham" za: shoug" nyid wa shid re" ngoo byid: wa ein: da" mungdain: khyoo: khanham we' ayo" vang loo" goo" wa ein: ngoo nheung" too" bye:.

1PETERU 1:20

He: da" mougmyid ajo, shi" mo Mangsoo gi nyang: ri khyen: yu to" lho: he: mougmyid' lo" thang da" bidnyid moo nanu" da" akyu" shid re" nyang: ri myang nhang: bye.

HEBRE 9:26

Houg: su" xoin" myo" sho' lheing: dato' nyid ca" shi" nghoid rigi mougmyid' ri phain" shed" jang" mo nyang- myo" sho' lheing: doem: shid: kham: kham: koid nyid wam: bye. Akhid" koem' gi mougmyid pyaid thang wa zi jhang lo nyid uri pyaid didu shid mo dalheing: dam, bain sho' nya: gung du: ri xoin" to' pyam' bye: ziyo' youg: noo yooboo ri shoem" shoung: pyam byid: bye.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

APOEM AYANG: 1:31

Mangsoo gi nyang: zei bue" too" bye: da" lo, moo" dangain" ri yu" lho: gye" nheig yu" shid: nyid bye:. Myen" thang: ayo, lid: khare" lho: nab soin: ayo, ju" lang" hau: zigi khyug nyid" nghoid bye:.

HEBRE 3:11

Ngoo nheig yoo: nau ziyo' nyangnu" gi ngoo nyangnu" ri byid: wa ein: da" doug noo: joyoo khyoo:- khanham we' ayo' vang lo" boem loo: wa ein:- ngoo nheung" too" bye.

MATHE 13:35

Hid: su" kho" kyo" da" khyoo: gi Lapi: yi da" dang: moo Nga" da" nhoid phang lho: «dangtu' khyo" ngoo tid wa. Moug: phain" myid phain" da" bidnyid mo wigi yhoem" to" da" khyoo: ri ngoo phoid: kyoo" wa» ga: Lapi: tid to" dang: zung: loo wa shed re" nghoid bye.

ESAIA 28:12

Nyang: gi nanu" dangain" bang: ri dougno: khyoo: yo' nheig teing khyoo: byid: da:. Nghoid loug we' nanu" nyang: ri atam" gyoo: loo: he: pyam ago".

THU' LO" MOUGSOUG" 20:11

Khyug nyid" ju" sho' akhoug: moo ngoo Aseing gi myid phain" so: moug phain" so: panglai: yo' hau: akhoug: moo bo da" dangain" ziri phain" so: to" da:. Nghoid loug we' nyhed nyid" nyid" rigi ngoo theing: nyid. Houg: yoomo ngoo Aseing gi Dougno: Bidnyid ri mainkaid wigi hau: nyid" ri gyeung" shang: nhang: bye:.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

YEREMIA 6:16

Aseing gi nya: byumyu" yiri «Khyoo: kang" moo yab jo, wigi yu" kaid we'. Goonham' mo khyoo: ri myid: yu" wigi khyoo: khakhaid je ge thang ziri myid: yu" we'. Hau: khyoo: khyo" soo" ge' houg: lang" nanu" gi yug yo myenjham" ziyo yo" nyid goo" wa» ga: tid da:. Nghoid loug we' nyangnu" gi «Anghoid- ngoonu" asoo"» ga: tid boem.

EZEKIEL 20:38

Ngoo gi nanu" da" phung: moo thougtheung gyi koid bang: yo' yooboo shoid bang: ri yu pyam wa. Ngoo gi nyangnu" ri akhid" nyangnu" nyid da" mougmyid mo yu pyam wa. Nghoid loug we' nyangnu" ri Israela mung" khyoo: adoem tau" loo" nhang: wa. Houg: lang" ngoo Aseing nghoid khyoo: ri nanu" se' loo goo" wa».

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.