HAGI 2:5 - Lacid Common Language Bible

⁵ Nanu" gi Egutu mung" mo thu lo da" uri ngoo gi nanu" yo' khanham we' dage" nyid wa ein: dangsoo" too" kho' bye:. Ngoo gi akhid" ju" sho' nanu" yo' dage" danyid nyid yoomo agyug goo".

HAGI 2:5 교차 참조

2 KHOKHAM MHOOMYID: 20:17

He: gyipui" ri nanu" akhaid ca" goo" wa. Nanu" nyang: joyoo yu wigi lhoem: za lhoem: nyid we'. Nanu" ri oung: doid khyoo: Aseing byid: ziri nanu" shau" myang wa. Yuda yo' Yerusalem byu yi we" are" nyid goo"- agyug nyid goo"- Meing: zain: jang: khyoo: yhi: we'. Aseing gi nanu" yo' dage" nghoid loo wa» ga: tid.

NEHEMIA 9:20

Nang gi re" gyi: sheung: khyo" nyangnu" koid ca" ziri nyangnu" ri tid shid da:. Nang gi nyangnu" ri Manna byid: zho" lho: shug gyid byid: jhug da:.

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

THU' LO" MOUGSOUG" 19:4

«Ngoo Aseing gi Egutu byumyu" yiri khasu" koid loo bye: ziri we' zoin gi nya: zoo: ri nya: dung yo' shu" dang: yen" yhang: ti" ngoo nanu" ri shu" loo bye: ziri we' nanu" myang ago".

THU' LO" MOUGSOUG" 19:6

Nga" shid re" za: shugbyid: to" da" byumyu" yi nghoid wa. Houg: lho: khainjung yi khyo" nanu" gi ngoo ri dei byid: loo goo" wa ein: tid we'» ga: nyang: ri tid da:.

THU' LO" MOUGSOUG" 24:3

Moshe gyoo" lo" wigi Aseing amyeing" dang: joem yo' tarha" dangain" ziri byumyu" yiri tid kyoo" lang" byumyu" yi dangain" we' «Aseing tid to" gu: dangain" ngoonu" cang abye:» ga: dage" doem phug tid boem bye:.

THU' LO" MOUGSOUG" 24:8

Hau: thang: Moshe gi jarung: joem mo suid" ri yu wigi hau: ziri byumyu" yi adang moo peig zhain' kaid bye:. Nyang: gi «Hau: da" suid" gi nyang: amyeing" dang: dangain" ri byid: uri Aseing gi nanu" yo' koid da" dang: theing ri dazid thung" tab da» ga: tid.

THU' LO" MOUGSOUG" 34:10

Aseing gi Moshe ri «Akhid" ngoo Israela byumyu" yi yo' dang: theing daloem: koid wa. Mougmyid gyab dangain" jang" moo nyid da" byumyu" yi dangain" shidkhoin" moo khanham" we' akoid shug yu" shi" da" moo" zoo" zeing ri nyangnu" shidkhoin" moo ngoo koid shug wa. Ngoo Aseing gi hid: yhang: ti" moo" zoo" zeing ri yo" koid ga: zi byumyu" yi dangain" yo" myang goo" baja" re" shid re" gyoug dain pho" moo" zoo" ri ngoo koid shug wa.

THU' LO" MOUGSOUG" 34:8

Moshe myidgung khyoo: myab goeb pid wigi noku bye:.

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

ESAIA 41:13

Ngoo gi nanu" Aseing Mangsoo nghoid. ngoo gi nanu" ri yoem: boo nhang: lho: «Agyug goo"- nanu" ri ngoo pang" thoug wa» ein: nanu ri tid wa.

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

ZEKHARIA 8:13

Yuda yi yo' Israela yi we"- shid phyang" tungbau byumyu" yi yo' shoug" go" uri dayug yo' dayug nheing" go" uri Israela yo' Yuda byumyu" yi yhang: ti" nang yau: khe" kyi" khyeug baja" ga: tid lo yu" bye:. Nghoid loug we' ngoo gi nanu" ri khyoid khyi: yu yu" bye: yoomo hau: tungbau byumyu" yigi nyangnu" nyang: cang nang gi Yuda yo' Israela byumyu" yi yhang: ti" agyid asoo: yoo" mo, bue" loo baja" ga: tid go" lo boem wa. Houg: yoomo nanu" agyug goo"- seing" yang" yang" danyid ge'» ga: tid.

ZEKHARIA 8:15

Nghoid loug we' akhid" ngoo gi Yerusalem yo' Yuda bi" ri mainkaid byid: wa shid re" myid phyed too" bye:. Houg: yoomo nanu" agyoug nyid loo: goo".

MATHE 28:5

Hau: moug: lagyoo: gi myiyi: eig yug ri «agyug goo"- pyang" zeing moo baid jen said pyam bye da" Yesu ri re" eig yug sho: nyid zi ngoo se.

ACTS 27:24

Polu we" agyug nang gi Khosen" pho, shid khoin" moo shau" yab, jo, wa zi nghoid - Mangsoo gi nang ri nheig khyeug gi koid nyid su: nghoid wigi nang yo' dage" gyid sang phoo zhoung: lo nyid mo, ri kang: so' loid byoin, loo" nhang: wa"- ga: tid da.

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

YOSHU 8:1

Aseing gi Yoshu ri «Gyizoo: dangain" nang yo' dage" shu" wigi Ai voomoo" khyoo: yhi: we'. Agyug goo"- yoem: agyoug: goo". Ngoo gi nang ri Ai khokham adang moo: oung: doid nhang: wa. Nya: byu yi voomoo" yo' moug: ri oung: doid nhang: wa. Nya: byu yi voomoo" yo' mougmyid gi nanu" re" nghoid ri" goo" wa.

Pang Shug 1:17

Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.

1 SAMUELA 12:20

Samuela gi «Agyug goo" hid: yhang: te" da" age moo" zoo" nanu" koid shoid boem bye: nghoid loug we' Aseing jang" mo nung aphug loo" goo". Nanu" da" nheigloem: yoem: so' dangain" yo' nyang: ri loem khau: nyid ge'.