HAGI 2:23 - Lacid Common Language Bible

²³ Hau: bidnyid moo Shelati da" nya: zoo: nga" join Zerubabela nang ri ngoo shu" yu lho: nga" myeing ri ci: wigi yo" vhoebkhang" nyid wa shid re" nang ri gain khain" byid: too" wa. Nang gi ngoo khyen: yu too" su: nyang: nghoid ga: yoem: moo" bo da" Aseing tid nyid.

HAGI 2:23 교차 참조

COUNG" NGHEI 65:5

Nang gi ngoonu" ri oung: doid loo" nhang: khyo" ngoonu" ri tu" byid: nyid lho: ngoonu" ri khyoid yu wa da- mau" pho" moo" zeing: ri zei: byid: nyid bye:. Moug: gyab, goin" yo' panglai: kyo: da" joyoo loem: khang" moo" mo byumyu" yigi nang ri loem khau: nyid.

SHOLUMON JIKHOIN" 8:6

Nang gi nga" re" nghoid nyid yoomo gooyug ri jheddab myid acang byid: yen". Re" lo, gi hang" ri we' azei: ngoo ri za: zei: we'. Jheddab myid gi shid: gyoin' noo gyoin da" yoem: so' yo' du nyid da:. Jheddab kang: tei" khyoo: gi nyang: gung nyang: ri yo" shid: nhang: da" yoem: so' bo nyid da:. Hau: zigi myi: yhang: ti" nge" boug lo lho: gye" thain: da" myi: yo' du nyid da:.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 43:10

Israela byumyu" yi we"- nanu" gi nga" sagse: nghoid ago". Ngoo gi nang ri nga" dei zoo: khyo" khyen: yu bye:. Houg: lang" nang ngoo ri se wigi loem" jeing" wa ziyo' ngoo dayug kyeing" Mangsoo nghoid ziri se' gyoo: wa shid re" nghoid. Ngoo mo lid wigi yu phara" gootu: anyid. Khanham we anyid yu" khanham we' nyid zi anghoid.

ESAIA 49:16

Yerusalem we"- ngoo nang ri khanham we' ayo" tho' to" myhid. Nga" lo, voo: tho' moo re" myeing ri ngoo lhid" tab too" bye:.

YEREMIA 22:24

Aseing gi Yuda khokham Yehoiakim da" yuggi zoo: khokham Yehoiakhin ri «Ngoo gi kangso' dei da" Mangsoo gyeing" nyang: nghoid. Nang gi nga" lo, yo lo, mo dazid lo, pain" nghoid rilang" nang ri ngoo khyoid khyo, pyam wa.

MATHE 12:18

«Ngoo khyen: yu da" nga" dei zooshang:- Ngoo vho: ngei da" jheddab su: nghoid. Nga" Venyi: nya: da" tho' moo ngoo kaid byid: to" wigi Tungbau byumyu" ri nya: da" deung main" da" mungdang: ri kho" kyoo" wa zi nghoid.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

1PETERU 2:4

Houg: yoomo Aseung: jhang khyoo: tain" tab loo ge' nyang: gi kangso' dei nyid da" lung moo" beom nghoid. Hau: lug moo" boem' gi ce: phoug" adab ga: byu yi gi khyen: pyam' too" nghoid loug we' Mangso wigi phoug" dab, ga: khyen: yu bye.