HAGI 2:22 - Lacid Common Language Bible

²² Khokham mungdain: dangain" ri we' tu: mhug sain" khyo' pyam wigi nyangnu" da" yoem: so' ri we' thang loo" nhang: wa nyangnu" da" gyi rheing" joem yo' houg: moo zhung: mo, dangain" ri tu: sain" pyam byid: wa zi nghoid. Myang: joem we' shid: lo" boem wigi myang: jui: mo, we' nyang: cang" nyang: said go" lho: doem thang lo" byug boem wa.

HAGI 2:22 교차 참조

2 KHOKHAM MHOOMYID: 15:6

Byumyu" damyu" gi gootu: damyu" ri zeig zoo: ago". Voomoo" daloem: gi gootu: daloem: ri zeig zoo: ago". Ciwim gari Mangsoo gi nyangnu" adang moo yau: khi" yo' nheigloem: amyen zi ju" ri" nhang: da:.

2 KHOKHAM MHOOMYID: 20:22

Nyangnu" jikhoin" khoin" shid" lo uri Aseing gi jhen" vang re" nyid boem da" gyizoo: yiri byoo dain byoo shoo" bui" nhang: da:.

2 KHOKHAM MHOOMYID: 20:23

Amon byu yi yo' Moba byu yigi Edom gyidab ri khaid zain: lho: bain sho' said toem" pyam ago". Hau: thang: ri nyang: cang" yu" gyoug yu" lhung: khaid zain: ago".

COUNG" NGHEI 46:9

Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.

COUNG" NGHEI 76:6

Yaku da" Mangsoo we"- nang gi nyangnu" ri kyug nhain'" kaid uri myang: joem yo' Nyangnu" da" myang: jui: bang: gi byed gyo" shid: loo" byoug boem bye:.

THU' LO" MOUGSOUG" 14:17

Ngoo gi Egutu byumyu" yiri nheigloem: thain: nhang: wigi houg bang: thang: cang re" da" khokham nya: gyidab joem nya: gyimyang: rheing" joem yo' nya: myang: rheing" koin" mo, yo' dage" khokham phoo ri oung: pyam da" khyo" wigi ngoo gi ngi: shab zi shoug" yu loo wa.

THU' LO" MOUGSOUG" 14:28

Gyid gi doem tau" wigi Israela byumyu" yi thang: moo cang khaid lho: thoem" khyoo: vang mo, dangain" dayug we' adeing loo sho' Egutu byumyu" gyizoo: yi dangain" mo, we' gyimyang: rheing" we' myang: jui: mo, adang moo we' lo nhau pyam bye: zi nghoid.

THU' LO" MOUGSOUG" 15:19

Israela byumyu" yi panglai: moo myidgung cen: khyo" lid phyed loo" bye:. Nghoid loug we' Egutu byumyu" yi gyimyang: rheing" we' nyangnu" myang: joem we' myang: jui: mo, we' panglai: khyoo: vang yhe: uri Aseing gi gyid ri doem tau" nhang: wigi nyangnu" ri nhau pyam bye:.

THU' LO" MOUGSOUG" 15:4

«Nyang: gi Egutu mo gyidab yo' gyimyang: rheing" joem ri panglai: khyoo: she: khyoo' bye:. Ge thang da" moo" voin mo, ri we' Thoem" Ni moo nhoeb said pyam bye:.

ESAIA 19:2

Aseing tid zigi «Ngoo gi Egutu mung" khoug: moo gyipui" lhu: zhuang" to' kaid wigi nya: mang: nya: nhung" nyang: cang" thougtheung gyi koid lho: yhoem: kyoo" cang" nyang: cang" thougtheung gyi bui" nhang: wa. Shi' go" nyid da" voomoo" joem ri nyang: cang" gyi zain: nhang: wigi shi' go" nyid da" khokham yigi yoem: so' shid re" yoem: kaid ri" goo" wa.

ESAIA 60:12

Nghoid loug we' nang ri adei byid: da" byumyu" yigi Bain sho' phyo' shoin' pyam' zi shau" loo goo" wa.

ESAIA 9:19

Myhang: thang Aseing gi nheig yoo wigi nya: yooboo dam byi: zigi mung" goin" moo myi: yo' dayhang: ti" nge" wigi byumyu" yiri said toem" pyam da:. Byu yigi nyangnu" da" mang: nhung" hang" ri we' ateing too" nghoid ago".

EZEKIEL 21:27

Byo, yoin" bye:. Byo, yoin" bye:. Nghoid bye:. Ngoo gi voomoo" ri byo, yoin" jo, nhang: wa. Nghoid loug we' hau: voomoo" ri yooboo dam byid: wa shid re" ngoo khyen: to" da" su: aju" ju" gi hau: zi abui" wa. Ngoo gi nyang: ri hau: ziri ab byid: pyam wa.

EZEKIEL 26:16

Panglai: moo shoo: zoo: shoo: shug da" byumyu" yi da" khokham yi dangain" bang: gi nyangnu" da" khokham zhungtang joem mo gyoo" lo boem goo" wa. Nyangnu" gi nyangnu" da" byisheing: joem yo' za: thau" yung" to" da" nyangnu" da" byimi joem ri khyoid pyam lho: myidgung moo nain" zhung: jo, boem wa. Nyangnu" gi re" vhu" pid: lo, kyo' ri myang lho: atho' tid dain mau" wigi nain" nyid zi ayo" theing: loo: nghoid da:.

EZEKIEL 38:21

Ngoo gi yau: khi" acang: joeb wigi Goga ri kyug nain' wa› Ngoo yoem: moo" bo Aseing tid too" bye:. Nya: da" byu yigi nyangnu" da" shamcoin" joem wigi nyang: cang" nyang: zain: go" loo wa.

EZEKIEL 39:20

Nyangnu" gi nga" da" zoobui" moo myang: joem yo' myang: zhung: bang: gyizoo: yi yo' gyi khaid bang: ri nyangnu" yo" zo: yhi' zo: boem goo" wa. Ngoo yoem: moo" bo Aseing tid too" bye:.

DANIELA 8:25

Nyang: gi nheigloem: guid" yoomo nyang: mhau' pyoid moo" joem dangain" oung: doid wa. Nyang: nya: gung ri nghoid boin: nhang: lho: byu myoo" sho' ri ci: atid lho: said toem" pyam loo wa. Nyang: gi khokham dangain" mo gyi: sheung: thang da" yug rilang" aphyoug akhyoid koid loo wa. Nghoid loug we' xangsu: byu da" yoem: so' ri aci: loo: nyang: ri phyo' shoin' pyam loo wa.

AMO 2:15

Lo, lid: ci: mo, gi nyangnu" joyoo moo ayo" yab jo, loo: goo" wa. Gye" yo" tang" mo, we' ayo" phang: loid loo: goo" wa. Myang: ju: ju: mo, we' nyangnu" kangso' yo" phang: loid loo goo" wa anghoid.

MIKHA 5:10

Aseing tid zigi hau: da" bidnyid moo ngoo gi nanu" da" myang: joem ri yu pyam byid: wigi nanu" da" gyi myang rheing" joem ri phyo' shoin' pyam byid: wa.

MIKHA 5:15

Hau: lho: nga" da" nheig yo: zi yoomo nga" da" dang: atam" gyo: da" byumyu" yi dangain" ri ngo wigi latoo: phug byid: wa zi nghoid.

MIKHA 5:8

Byumyu" yi moo nyid deung gyoo" mo, gi siyoo moo zoo: noem ri kuang yen" da" khangkhyi joem yo' dakhyoo" ti" nghoid boem wa. Nyangnu" gi yang phung: gung khyoo: vang yhe: lho: yang joem ri byam zeug myheug yu wigi adu atoem ngaid phyed pyam lho: houg: mo yo" khyoid yu wa da" nheig byu jang: ajo, loo.

MIKHA 5:9

Israela byumyu" yigi nyangnu" da" gyivoo joem ri meing: zain: oung: pyam lho: nyangnu" dangain" ri yo" phyo' shoin' pyam wa zi nghoid.

MIKHA 7:16

Byumyu" yigi he: da" khyoo: ri myang lang" nyangnu" gi yoem: boo nghoid loug we' vhooloo yu" kho" byug boem wa zi nghoid. Nyangnu" gi nheigloem: thang boem ziyo' nhoid myhid" ci: boem lho: nukhyab jhid ci: lo boem wa nghoid.

ZEPHANI 3:8

Aseing tid zigi «Lang" shige'. Ngoo to' lho: mungdain: joem ri yooboo foin: da" bidnyid ju" sho' dalang" nyid yu" shige'. Ngoo gi mungdain: joem yo' byumyu" joem ri khe: zheung" lho: nga" da" nheig joem: yo: da" khyoo: ri dam kham zoo: nhang: wa shid re" myid phyed too" bye:. Moug: gyab goin" gi nga" nheig joem: yo: myi: wigi phyo' shoin' pyam zi shau" loo wa nghoid.

ZEKHARIA 10:11

Nyangnu" gi yau: khi" da" Panglai yo' thung" shoug" goo" loug we' gyid being: mhoid joem ri ngoo Aseing baid wigi Nila gyid lang gi kain" loo" wa nghoid. Nghoid boin: nyid da" Asuri ri we' nyhoem: khyo' pyam' byid: wa nghoid. Yoem: bo nyid da" Egutu we' phung" yoeb byug loo" wa.

ZEKHARIA 10:5

Yuda byumyu" yigi fu" moo" khyoo: joem moo nyangnu" da" gyivoo joem ri nang: nhe" nhoeb pyam' da" gyizoo: yi yo' dakhyoo" ti" oung: doid lo" boem wa. Aseing gi nyangnu" yo' dage" nyid yoomo nyangnu" gi gyizoo joem yo' meing: zain: go" ri myang: zhung: da" gyiphung: rilang" yo" zain: oung: pyam' wa zi nghoid.

ZEKHARIA 12:9

Hau: ayo, moo ngoo gi Yerusalem ri zain: wa ga: soin' da" byumyu" ja: khang" moo" ri phyo' shoin' pyam' wa.

ZEKHARIA 14:3

Hau: thang: ri Aseing gi shid phyang" nyang: meing: zain: lo yu" bye: yhang: ti" nyangnu" ri shu" thu lo" lho: hau: byumyu" yiri zain: loo wa zi nghoid.

ZEKHARIA 4:6

Aseing wigi Zerubabela ri tid kyoo" wa da" mungdang: ri moug: lagyoo: gi ngoo ri tid kyo". Hau: mungdang: gi «Nanu" da" yoem: so' khyo" meing: zain: go" khyo" yo" bue" loo wa zi anghoid- nga" Venyi: khyo" za: danghoid» ga: tid.

ZEKHARIA 9:10

Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.

MATHE 24:7

Damoug: yo' damoug:- mungdain: daloem: yo" daloem:- gyipui" bue" lo boem wa joyoo khyi, khang" moo" moo phang" khoug myid leig leig loo wa.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

TARHA" AGYI 7:22

Gideon da" byu gi nyangnu" da" laboo" moid nyid boem uri Aseing gi gyivo gyidab ri nyangnu" sham: yo' nyang: cang" nyang: gyi zain: nhang: da:. Nyangnu" gi Zarethan shoid khyoo: Bed Shila yo' Tabad nam mo Abemehola voogung ju" sho' tang" phang: lo" ago".

1 SAMUELA 14:16

Sholu da" byu yi Benyamin moug: mo Gibea joyoo moo zung" yu" nyid ri Philisti byu yi amyhoo: asain" tang" phang: yen" ziri myang bye: zi nghoid.