HAGI 2:19 - Lacid Common Language Bible

¹⁹ Gug zoo meiloem: ci" we' adeing loo loug we' zabyid nei yo' lafoem byab shiphain gam yo' zhainloin: gam moo ashi" azei: shi" loug akhid" nyid" mo thang: phyang" gi ngoo nanu" ri mainkaid jeju" byid: wa bye:» ga: tid.

HAGI 2:19 교차 참조

APOEM AYANG: 26:12

Isag gi hau: mung" moo yoo koid wigi hau: zain moo azhang dashoo: yo" yham" zheing" yu bye:. Khasu" wim ga: ri Aseing gi nyang: ri mainkaid byid: bye:.

YOBA 39:12

Nang gi nyang: ri shivoo: yham" di" nhang: wigi re" gug nang: jang: mo gug zoo joem ri yo" shoem" zheing" nhang: rhe".

COUNG" NGHEI 133:3

Hau: lho: hermon boem tho' moo: gyo" da" gyu: gi Ziun boem tho' moo: khyo' da" gyu: yo' dakhyoo" ti" nghoid. Aseing gi hau: joyoo moo khanham we' athang agoin da" kangso' mainkaid jeju" byid: wa ga: dangsoo" byid: too" bye:.

COUNG" NGHEI 84:12

Gyi: myhang: thang da" Aseing we" nang ri loem khau: nyid bang: gi khayhi' ngilho' nyid boem lha".

YEREMIA 31:12

Nyangnu" re" wigi Ziun boem tho' moo ngei pyo: jikhoin" khoin" boem wa. Houg: lho: nga" jhungshug joem yoomo gau boem goo" wa. Hau: jhungshug joem gi shivoo- zabyid yhid:- zhainloin: xu: Yang yo' nu: jhungshug joem nghoid da:. Nyangnu" gi gyid goolhoo' za: shoin" da" khyam: yo' du loo goo" wa. Nyangnu" ca" ja: ja: khang" moo" yo" yu loo goo" wa.

YEREMIA 31:14

Khainjung yiri zoo: noem gi yo' ngoo pyeing byid: wa. Houg: lho: nga" byumyu" yi ca" khyoo: dangain" ziri ngoo nheugdeug nhang: wa. Ngoo Aseing tid too" bye:»

YOELA 1:12

Zabyid nei joem yo' lafoem gam joem we' yhau" loo" bye:. Shigam joem dangain" gi yhau" shid: lo" abye: go". Byu yi da" gau yi ngei pyo: khyoo: ein: zigi bei: lo" byug bye:.

YOELA 2:14

Nanu" da" Aseing Mangsoo gi nheigloem: thid lo lho: nanu" ri shivoo: shiloem myoo" sho' mainkaid byid: loo abe. Houg: lang" gi nanu" nyang: ri shivoo: yo' zabyid yhid: xoin" yo" to ngei" byid: wa zi nghoid.

HAGI 1:11

Ngoo gi myidjang ri kyug nhang: wigi boem tho' moo we' yoodam moo we' shivoo: khyam: moo we' zabyid khyam: yo' zhainloin: khyam: moo we' hau: lho: shoo" zoo: shoo" shug noem ce" ja: moo we' byu xangsu: shid re" we' gougnyhoug goug: do: tho' moo we' nanu" gyi: sheung: loo wa ga: yoem: kaid nyid moo" zoo" dangain" tho' moo we' kyug fo: loo" nhang: bye:» ga: tid.

MALAKHI 3:10

Noku Yhoem: Moo" moo zoo: noem byeung" jo, wa shid re" nanu" da" xi: boem mo daboem gu: dangain" yhoem: moo" khyoo: ci: ri" we'. Ngoo ri byid: jham" yu" we'. Mougkhung: mo khoem" moo" phang kaid lho: nanu" da" tho' moo ge da" khyoo: joem dangain" ri agoin ayu: foid shoin" byid: wa afoid shoin" byid: wa ziri akhid" ngoo ri jham" yu" ge'» ga: yoem: moo" bo da" Aseing gi tid nyid.

MATHE 6:33

Nanu" koem gi nya: da" mungdain: yo' nya: da" deung byeung" khyoo: ri xang: shid" sho: nyid ge'. houg: lang" hau: zi dangain" nanu" ri poug lung: byid: wa nghoid.

TARHA" TID POIN" 15:10

Nyang: ri acen" lho: agoin: nyang: byid: we'. Houg: lang" Aseing gi nanu" koid da" moo" zoo" dangain" moo mainkaid byid: loo wa.

TARHA" TID POIN" 28:22

Aseing gi nanu" ri dab lo ja: noo joem yo' gung yam: lo ziyo' nooyoem" yo' shen" yhen wa nghoid. Nyang: gi nanu" da" shivoo: joem ri phyo' shoin' pyam wa shid re" moug: kyug myid kyug ziyo' lid lung ri nhang: kaid byid: wa nghoid. He: byo, yoin" lo" zigi nanu" shid: sho' nanu" yo' dage" jo, jo, wa zi nghoid.