HAGI 2:17 - Lacid Common Language Bible

¹⁷ Ngoo gi nanu" yoem: kaid nyid da" shoo" zoo: shoo" shug shivoo: shiloem kyug shid: loo" wa shid re" lid lung ri houg nhang: lho: leig voo ri khyoo' byid: nghoid loug we' nanu" gi nheigloem: athid lo boem.

HAGI 2:17 교차 참조

APOEM AYANG: 42:23

Yoseb gi nyangnu" citid go" nyid ziri se'- nghoid loug nyangnu" gi hau: ziri asi'. Khasu" wim ga: ri nyangnu" gi nyang: yo' dang: di" de" byid: su: dayug khyo" dang: dashau" ji boem yoomo nghoid.

APOEM AYANG: 42:27

Nyangnu" yhoeb da" joyoo mo dayug su: gi nya: loo zei: ri zoo zhoo" wa shid re" thung: ri phang kaid ri thung: da" atho' moo nya: ngei ri myang bye:.

APOEM AYANG: 42:6

Egutu mung" mo meing: vhoeb zoug: moo" Yoseb gi moug: gyab goin" mo mung" byu yiri gug zoo oung" byid: nyid. Houg: yoomo Yoseb da" nya: mang: yigi re" lho: nyangnu" da" myonhoo: ri myidjang khyoo: goeb khyo' lho: nya: shidkhoin" moo re" pid nyid boem.

1 KHOKHAM 8:37

«Hau: meing: moo phang" khoug gyo" uri anghoid lang" lang: yoem" gyo" anghoid lang" lid ngi" wigi lhu: shoin' pyam da" gug shi" mei: shi" anghoid lang" jhenkhyeug phung: moo" dang: yen" anghoid lang" re" byumyu" yiri nyangnu" gyivoo wigi zain: lo uri anghoid lang" noo phyoo" shoug" uri anghoid lang" nyangnu" no nyid uri

2 KHOKHAM MHOOMYID: 28:22

Nyang: shau" da" yau: khi" gi gye" xo: loo lang" Ahaza gi Aseing ri goo vhu" tho' yooboo je shoid lo da:.

2 KHOKHAM MHOOMYID: 6:28

«Mungdain: khoug: moo phang" khoug khoug zi lang: yoem" gyo" zi lid lung yo' jhenkhyeug joem wigi gug zoo mei: loem ri phyo' shoin' pyam shau" wigi re" byumyu" yi nyangnu" da" gyivoo yi wigi khaid zain: zi shoug" lang" nyangnu" phung: moo: noobau: phyoobau:- noo phyo" shoug" lang"

YOBA 36:13

Mangsoo ayoo" bang: gi xo' wigi nheig yo: nyid ago". Houg: lho: yooboo dam byid: zi shoug" rilang" nyangnu" gi pang" yu wa shid re" akyu" amho' nghoid ago".

COUNG" NGHEI 128:2

Re" da" lo, moo" gi nang ca" yo nyid da" khyoo: joem ri pang" thoug loo wa zi nghoid. Nang gi ngei pyo: gau yi lho: yo" loo se' loo wa.

COUNG" NGHEI 78:46

Nyangnu" da" shivoo: shiloem joem ri zo: pyam byid: lho: nyangnu" da" khyam: joem ri phyo' shoin' pyam byid: wa shid re" jhen" khyeug nyoug joem ri nhang: kaid bye:.

ESAIA 28:2

Aseing gi nyangnu" ri gyi zain: wa shid re" jen" jen" nghoid da" yoem: bo wigi yoem: so' gyi: da" byu dayug yo" da:. Hau: yug gi leug voo yhang: ti"- moug: moo" yu: yhang: ti" gyid khyoid khyoid nhe' lo yhang: ti" ju" re" wigi mungdain: ri oung: nghoeb pyam wa.

ESAIA 37:27

Houg: moo nyid bang: gi yoem: so' aboo goo" nghoid da:. Nyangnu" gyoug dain wigi mo, byug ago". Nyangnu" gi bidthu shoid mo lid lung wigi lo hau' nyid uri pa: dain" mo myo, gam anghoid lang" yhoemkhung: mo myo, gam yo' du da:.

ESAIA 42:25

Houg: yoomo nyang: gi ngoonu ri nya: nheig yo: da" yoem: so' ri kham zoo: nhang: wigi gyi khaid pui: da" pyijoem: sho: khaid said khyoo: moo kyi" khyeug shoug" nhang: da:. Nya: nheig joem yo: zigi myi: yhang: ti" Israela mung" goin" ri nge" lo byug da:. nghoid loug we' cibue" nyid ziri ngoonu khanham we' asi'.. Ngoonu" gi hau dangain" mo ciri we' ajhau" yu nghoid da:.

ESAIA 62:8

Aseing gi geing: teing da" dangsoo" koid too" bye:. Hau: ziri nya: yoem: so' khyo" koid thu kaid bye:. «Re" shivoo: gi re" gyivoo yi da" zoo: noem abui" loo: wa. Houglho: tungbau byu yigi re" zabyid yhid: ri ashug loo goo" wa.

ESAIA 9:13

Israela byumyu" yigi nheigloem: athid boem nghoid ago". Myhang: thang Aseing gi nyangnu" ri yooboo dam byid: nghoid rilang" nyangnu" nya: jhang aphoug loo nghoid ago".

YEREMIA 3:24

Nghoid loug we' asho' ashid: da" yu phara" Bala ri no' zigi ngoonu" da" coidbaid kyung- yang kyung yo' nu: kyung joem yuggi zoo:- myiyi: zoo: yi soem" thang loo" nhang: wigi goonham" yo' mo ngoonu" da" phoug" phyid" yi moo" zei: wigi shoug" to" zi ja: khang" moo" soem" pyam bye:.

YEREMIA 5:3

Gyeing" nyang: Aseing gi jhug zug ziri sho: da:. Nyang: gi nanu" ri baid da:. Nghoid loug we' nanu" gi ci: atam" gyoo: nghoid da:. Nyang: gi nanu" ri phyo' pyam da:. Nghoid loug we' nanu" jhau" yu wa he: ngeug pyam ago". Nanu" gi nheigloem: thain: wigi nanu" da" yooboo joem mo anau lheing: phoug loo nghoid ago".

AMO 4:6

Ngoo gi nanu" da" voomoo" joem dangain" jang" moo zooyoid phang" khoug ri khyo' kaid nghoid loug we' nanu" gi nga" jhang khyoo: aphug lo boem nghoid ago".

HAGI 1:11

Ngoo gi myidjang ri kyug nhang: wigi boem tho' moo we' yoodam moo we' shivoo: khyam: moo we' zabyid khyam: yo' zhainloin: khyam: moo we' hau: lho: shoo" zoo: shoo" shug noem ce" ja: moo we' byu xangsu: shid re" we' gougnyhoug goug: do: tho' moo we' nanu" gyi: sheung: loo wa ga: yoem: kaid nyid moo" zoo" dangain" tho' moo we' kyug fo: loo" nhang: bye:» ga: tid.

HAGI 1:6

Nanu" gi shivoo: myoo" sho' sho" too" nghoid loug we' dajhi' za: dashau" yham" yu boem. Zo: ri we' agyi:-shug wa da" zabyid yoo" loug we' atham: shoug boem- byimi yo" boem nghoid loug we' loem loem nyu: nyu: ashau" void boem- moo" zei: zoo: mo, we' kangso' dei wa shid re" atham: yoo" nghoid ago".

HAGI 1:9

Nanu" gi myoo" sho' shau" yham" yu wa ga: myid too" goo" nghoid loug we' dajhi' za: date: shau" yham" yu boem- nanu" shoug" yhoem" yu da" shivoo: shiloem ri yhoem: moo: voin ju" lo" ri ngoo wigi doem moid sain" pyam byid: wa. Ciwim wigi ngoo hid: su" koid lha". Nga" yhoem: gi byo, yoin" jo, lho: nanu" gi nyang: yug nya: da" yhoem: ri yoem: kaid koid nyid boem yoomo nghoid.

HAGI 2:16

Gug shi" meishi" yoo mo, eig xi: tang koo: yo" yu wa› ga: myid ci: loug daxi: tang za: dashau" yu ago". Zabyid yhid: 50 ga: lain: yo" yu wa ga: soin: ci: lho: yhe: ri: zabyid pyeig jang: moo: ga: lain: 20 za: dashau" yu ago".

MALAKHI 3:11

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" Aseing gi tid nyid.

TARHA" TID POIN" 28:22

Aseing gi nanu" ri dab lo ja: noo joem yo' gung yam: lo ziyo' nooyoem" yo' shen" yhen wa nghoid. Nyang: gi nanu" da" shivoo: joem ri phyo' shoin' pyam wa shid re" moug: kyug myid kyug ziyo' lid lung ri nhang: kaid byid: wa nghoid. He: byo, yoin" lo" zigi nanu" shid: sho' nanu" yo' dage" jo, jo, wa zi nghoid.

Pang Shug 2:21

Nyang: ri nya: yooboo mo nheigloem: thed loo wa shid re" ngoo ayo, byid: too" bye- nghoid loug we' nyang: gi nya: avoid avhu: koid khyoo: mo nheigloem: anau htid' loo: nghoid da.