HAGI 2:14 - Lacid Common Language Bible

¹⁴ Houg: lang" Hagi doem tid zigi ‹Aseing tid zigi houg: yo' dakhyoo" ti" he: nga" da" byumyu" yigi nyangnu" koid thu da" ce" noem yo' we' phoin: moo nyangnu" ngei" byid: wa ga: ci: re" da" xoin" du: dangain" we' nga" shidkhoin" moo hougsu" nyang: agyeungshang: zi nghoid nyid.

HAGI 2:14 교차 참조

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 21:27

Akhyeing" ashoeb, mo, xoin" ngei" byid: ziri Aseing ngheung" nyid. Nyangnu" da" nheigloem: moo: age ziri myid lho: ngei" byid: xoin" ri je" ngheung" nyid.

DANG: ZHOEM 21:4

Akhyeing" ashoeb mo, da" nheigloem: moo: gi nghoid boin: ziyo' phau: khuang khyoo: gi vhoebkhang" nyid. Houg: gi yooboo nghoid.

DANG: ZHOEM 28:9

Nang tarha" acang nyid nghoid rigi re" da" akyu" mho' thui: ri Mangsoo gyoo: byid wa tho' re" gi gyo: ngheing" wa zi nghoid.

ESAIA 66:3

«Byu yi nyangnu" vho: ngei khyo" koid ago". Nyangnu" gi xoin" khyo" nu: loo: said loug we' xangsu: byu ri xoin" khyo" ngei" byid: loug we' nyangnu" yang nu" ri xoin" ngei" byid: loug we' Lakhuid" leung zeung: jab ceing ngei" byid: nghoid loug we' nyangnu" shivoo: xoin" anghoid lang" vu, suid" ngei" byid: loug we' nyangnu" shoem: nam pyo: ja: nghe' ngei" byid: nghoid loug we' yu phara" soolhoo: ri akyu" mho' loug we' dangain" gi nyangnu" shid re" dayhang: ti" `za: nghoid da:. Nyangnu" aco' ajhoid moo" khyo" no' jang" moo pyo: khyoo: ri sho: ago".

HOSEA 9:4

Hau: tungbau meing: joem moo nyangnu" gi Aseing ri zabyid yhid: ayo" ngei" byid: goo" wa. Nyang: ri xoin" we' ayo" ci: yhi: byid: goo" wa. Nyangnu" da" zooshug gi byu shid: yhoem: moo zoo: shug boem da" zooshug yo' dakhyo" hau: ziri zoo: bang: yugkhang" moo" gi ayung" alho' bang: bue" loo wa. Hau: ziri nyangnu" zhoo yoid bei: wa shid re" za: zooshug ca" loo goo" wa. Hau: gu: mo daja: ri we' Aseing da" Noku Yhoem: Moo" khyoo: xoin" khyo" aci: yhi: goo" wa.

TITU 1:15

Nyang: tu: nyang: hougsu" gyeungshang: nyid bye: bang: shid re" zi jo, moo jo, gi young" shang: jo. Nghoid loug we' nyang: tu: nyang: agyeing" ashang: mo, yo' Aseing: yesu ri aloem" jeing" bang: shid re" koem gi ce" ja: we' agyeing" ashang: zi nghoid nyid. Khasu" wim ga: ri nyangnu" da" myid soin: khyoo: yo' nheigloem: ung: khoug: gi anyhoin: athoung" zi zheung: nghoid nyid boem.

YUDA 1:23

Dayham" ri myi: khyoem, mo xue: yu ge'. dayham" bang: rigi gyoug nheigloem: yo' nheig khyeug nheigloem: toin" shid' nyid ge'. Nghoid loug we' nyang: bang: vhoo: boo myo, no, da" moo" yo' aco' ajhoid da" byimi ri co, ngheung" nyid ge'.