HAGI 1:9 - Lacid Common Language Bible

⁹ Nanu" gi myoo" sho' shau" yham" yu wa ga: myid too" goo" nghoid loug we' dajhi' za: date: shau" yham" yu boem- nanu" shoug" yhoem" yu da" shivoo: shiloem ri yhoem: moo: voin ju" lo" ri ngoo wigi doem moid sain" pyam byid: wa. Ciwim wigi ngoo hid: su" koid lha". Nga" yhoem: gi byo, yoin" jo, lho: nanu" gi nyang: yug nya: da" yhoem: ri yoem: kaid koid nyid boem yoomo nghoid.

HAGI 1:9 교차 참조

2 SAMUELA 21:1

David vhoeb khang" da" ayo, khoug: moo soem" zain nyang: gye" thain: da" phang" khoug ju" loo bye:. Houg: yoomo David gi hau: akhyoo: yo' sen: wigi Aseing ri myid: yu" ri Aseing gi «Sholu yo' nya: ikoin deungkhu: byu yigi byu said da" youg: shoug" nyid da:. Nyang: gi Gibeon byumyu" yiri said pyam da» ga: tid. (

2 SAMUELA 22:16

Aseing we" nang gi gyivoo joem ri gyi koid lho: nyangnu" ri nheug khoo" yo: nhain' nyid da" uri panglai: gyid thoem" thi" gi akoem: bue" lo" byug bye:. Mougmyid da" apoem: ayang: gi yhoin" thu' lo nyid bye:.

2 KHOKHAM 19:7

Aseing gi khokham phoo ri nyang: nya: mungdain: khyoo: doem tau" loo" nhang: wa da" lu dang: lam" ri shoug" gyoo: nhang: loo wa. Houg: lho: Aseing gi nyang: ri houg moo said pyam shau" nhang: ri" wa» ga: doem phug tid kaid da:.

YOBA 10:2

Mangsoo we"- ngoo ri dang: aphyed byid:. Ngoo ri tid kyoo" la. Ngoo ri yooboo zhug zi ce: sei: yoomo nghoid lha".

DANG: ZHOEM 11:24

Byu dayham" gi nyangnu" da" ngei sheing: ri agoin agoo" ci: yhoung: pyam nghoid loug we' je, yo" je, de, lo nyid boem. Dayham" bang: gi gye" jhoid: ci: loo" nghoid loug we' je" wigi sho" jhen: lo" boem.

DANG: ZHOEM 27:20

Xangsu: byu yi da" vho: ngei so' kho' nyid da" khyoo: gi moug: vo, moug: yo' du nyid hougmoo: khanham we' joyoo dajo, nyid.

PHAJHI" DANG: 1:8

Ja: khang" moo" gi ngheing" wa khyoo: za: nghoid da:. Dang: khoin" khyo" atho' tid loo: sho' ngheing" wa khyoo: bue" da:. Ngoonu" da" myojid" joem gi khanham we' yu" noug athang bue"- ngoonu" da" nukhyab joem gi khanham we' gyoo: noug athang bue" nyid.

ESAIA 40:7

Hau: joem adang moo Aseing wigi lid hau nhang: kaid lang" myo, gam gi yhau" lo" byug wigi bain: joem gi shoem: lo" byug ago". Byu yigi myo, gam tho' ayo" kham goo" nghoid da:.

ESAIA 5:10

Wim: eka bo da" zabyid khyam: gi zabyid yhid: wim: galain za: thu wa. Amyoug: daxi: tang sho" nghoid ri datang za: date: yoo" goo" wa» ga: zi nghoid.

YEREMIA 12:13

Nga" byumyu" yigi sungsoo: ri shoo" nghoid loug we' myo, ri za: shau" yham" yu da:. Nyangnu" moo" joem thei" khang nghoid loug we' hau: shid re" ci: ashau" yu nghoid da:. Ngoo nheig yo: gang mo nyangnu" da" shivoo: joem soem: lo" ago".

EZEKIEL 21:31

Ngoo wigi nanu" ri moo yi: yi: bang da" myi: wigi nghe' pyoid kaid uri nga" nheig joem: yo: ziri shoug" kham zo: loo wa. Houg: lho: ngoo gi nanu" ri phyo' shoin' jang" moo bue" doid da" athoug" akhyoug: byu yi jhang khyoo: ab byid: pyam wa.

XOIN" NGEI" 19:25

Nghoid loug we' wim: zain ein: zain rigi hau: shi" ri nanu" yo" zoo: wa zi nghoid. Nanu" hougsu" koid nghoid rigi nanu" shigam gi je" zei: wa zi nghoid. Ngoo gi nanu" Aseing Mangsoo nghoid.

HAGI 1:4

Nga" byumyu" yi we" nga" yhoem: gi byo, yoin" jo, nyid uri nanu" gi yhoem: gi moo loung" jo, goo" wa la".

HAGI 1:6

Nanu" gi shivoo: myoo" sho' sho" too" nghoid loug we' dajhi' za: dashau" yham" yu boem. Zo: ri we' agyi:-shug wa da" zabyid yoo" loug we' atham: shoug boem- byimi yo" boem nghoid loug we' loem loem nyu: nyu: ashau" void boem- moo" zei: zoo: mo, we' kangso' dei wa shid re" atham: yoo" nghoid ago".

MALAKHI 2:2

Nanu" nga" da" mungdang: ri tam" gyo: lho: nanu" gi ce" noem koid jang" moo we' ngoo ri phau" myang: nyid ca"- hougsu" anghoid rigi ngoo nanu" ri nheung" wa nghoid. Nga" tarha" ri nanu" goolhoo: acang boem yoomo gyeing" gyeing" nyang: akhid" ngoo nanu" ri nheing" wa bye:.

TARHA" TID POIN" 28:38

«Nanu" gi myoug: shi" myoo" sho' shoo" nghoid loug we' dajhi' za: shau" yham" yu wa. Ciwim gari nanu" shivoo: gam joem ri jhenkhyeug joem wigi zo: pyam byid: loo wa.

Pang Shug 2:4

Nghoid loug we' nang ngoori xang: shed" yhang: ti" ajheddab loo: yoomo nang ri yooboo foin: jang: ngoo myang.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.