HAGI 1:6 - Lacid Common Language Bible

⁶ Nanu" gi shivoo: myoo" sho' sho" too" nghoid loug we' dajhi' za: dashau" yham" yu boem. Zo: ri we' agyi:-shug wa da" zabyid yoo" loug we' atham: shoug boem- byimi yo" boem nghoid loug we' loem loem nyu: nyu: ashau" void boem- moo" zei: zoo: mo, we' kangso' dei wa shid re" atham: yoo" nghoid ago".

HAGI 1:6 교차 참조

2 SAMUELA 21:1

David vhoeb khang" da" ayo, khoug: moo soem" zain nyang: gye" thain: da" phang" khoug ju" loo bye:. Houg: yoomo David gi hau: akhyoo: yo' sen: wigi Aseing ri myid: yu" ri Aseing gi «Sholu yo' nya: ikoin deungkhu: byu yigi byu said da" youg: shoug" nyid da:. Nyang: gi Gibeon byumyu" yiri said pyam da» ga: tid. (

1 KHOKHAM 17:12

Cougmoo" myhi' doem phug tid zigi «Ngoo zooyho' ayoo" ein: ziri kangso' Aseing re" Mangsoo jang" moo ngoo jham' yo" tang: zi nghoid. Jarung: khoug: mo cen: moin" lo, da zhoeb yo' jhuang: moo bo da" zhainloin: xu: dazo, zoo: gi ngoo yo" gu: nghoid bye:. Ngoo hid: moo: thang" dajhi' re" sho: koid: wigi yhoem: khyoo: lo" lho: nga" zoo: yo' ngoonya: shid re" he: dajhi' kyeing" ziri lo" yhung wa zi nghoid. Hau: zigi nga" mitang: shid re" thang" thang da" zoo: noem nghoid wa. Hau: thang: nga" mitang: gi zooyoid wigi shid: wa zi nghoid» ga: tid.

NEHEMIA 5:2

Dayham" gi «Ngoonu" gi yhoem: byu myo: da- ngoonu" kangso' yo" dei wa shid re" gug zoo ca" da» ga: tid ago".

YOBA 20:22

Nyangnu" oung: doid thang uri Koug shu: da" yoovoin lid: gi nyangnu" ri khyoeb koid pyam wa.

YOBA 20:28

Nyangnu" da" jonu" dangain" gi Mangso da" nheig yo: dagyid thoem" moo phyo' shoin' pyam zi shoug" wa.

COUNG" NGHEI 107:34

Akhyeing" da" byu yi nyid da- myid, xu: yo' byeung" joyoo joem ri xoo" mougmyid bue" lo" nhang: pyam bye:.

DANG: ZHOEM 11:24

Byu dayham" gi nyangnu" da" ngei sheing: ri agoin agoo" ci: yhoung: pyam nghoid loug we' je, yo" je, de, lo nyid boem. Dayham" bang: gi gye" jhoid: ci: loo" nghoid loug we' je" wigi sho" jhen: lo" boem.

ESAIA 5:10

Wim: eka bo da" zabyid khyam: gi zabyid yhid: wim: galain za: thu wa. Amyoug: daxi: tang sho" nghoid ri datang za: date: yoo" goo" wa» ga: zi nghoid.

YEREMIA 12:13

Nga" byumyu" yigi sungsoo: ri shoo" nghoid loug we' myo, ri za: shau" yham" yu da:. Nyangnu" moo" joem thei" khang nghoid loug we' hau: shid re" ci: ashau" yu nghoid da:. Ngoo nheig yo: gang mo nyangnu" da" shivoo: joem soem: lo" ago".

YEREMIA 14:4

Moug: avoo yoomo myidgung kyug hei' byug da" gang mo Yoothung" koid zoo: bang: nheigloem: no ago". Nyangnu" gi nyangnu" da" myonhoo: joem ri nghoeb ci: ago".

YEREMIA 44:18

Nghoid loug we' mougkhung: mo khokham myhi' ri xoin" ngei" byid: ziyo' nyang: ri zabyid yhid: foid ngei" byid: ziri ngoonu" theing: pyam bye:. Hau: ayo, mo ngoonu" ciwe' ayoo" loo: wigi ngoonu" byu yigi gyipui" yo' zooyoid jang" moo shid: abye: go"» ga: tid.

HOSEA 4:10

Nanu" gi nanu" da" xoin" joem mo gamboem joem ri zoo: nghoid loug we' zoo dayoid nyid shi" goo" wa. Nanu" gi myo: je: ri" wa da" yu phara" joem ri no' nghoid loug we' zooshang: ayoo" bue" nyid shi" goo" wa. Ciwim gari nanu" gi ngoo mo gang: lain lo" wigi yu phara" gootu: jang" moo cang lo" ago"» ga: tid da:.

HOSEA 8:7

Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.

XOIN" NGEI" 26:20

Nanu" yoem: kaid lho: koid to" da" moo" gi nanu" shid re" akyu" abyid: wa. Ciwim gari: nanu" mougmyid gi shivoo: shiloem athu ziyo' seiggam joem gi ashi" azei: wa.

XOIN" NGEI" 26:26

Ngoo gi nanu" ri pang" thoug da" zoo: noem ri phyed pyam byid: wa. Houg: lang" myiyi: daxi yug gi nyangnu" ca" da" zooyho' dangain" ri koid wa shid re" zooyho' bung: myikhyoem daloem: za: daca" goo" wa. Nyangnu" zoo: noem ri kho' gam byid: ca" goo" wa. Hau: gu: dangain" ri nanu" bain zo: pyam thang: ri nanu" zoo dayoid nyid shi" goo" wa.

HAGI 1:10

Hau: zigi moug: avoo lo: ziyo' myidjang moo we' shivoo: shiloem ayug loo lo khyoo: ayang: nghoid.

HAGI 1:5

Nanu" ce" noem thoung" shoug" nyid ziri amyang goo" la".

HAGI 1:7

Ce: noem wim lho: hid su" bue" nyid ziri ayo" myang goo" rhe".

HAGI 1:9

Nanu" gi myoo" sho' shau" yham" yu wa ga: myid too" goo" nghoid loug we' dajhi' za: date: shau" yham" yu boem- nanu" shoug" yhoem" yu da" shivoo: shiloem ri yhoem: moo: voin ju" lo" ri ngoo wigi doem moid sain" pyam byid: wa. Ciwim wigi ngoo hid: su" koid lha". Nga" yhoem: gi byo, yoin" jo, lho: nanu" gi nyang: yug nya: da" yhoem: ri yoem: kaid koid nyid boem yoomo nghoid.

HAGI 2:16

Gug shi" meishi" yoo mo, eig xi: tang koo: yo" yu wa› ga: myid ci: loug daxi: tang za: dashau" yu ago". Zabyid yhid: 50 ga: lain: yo" yu wa ga: soin: ci: lho: yhe: ri: zabyid pyeig jang: moo: ga: lain: 20 za: dashau" yu ago".

HAGI 2:17

Ngoo gi nanu" yoem: kaid nyid da" shoo" zoo: shoo" shug shivoo: shiloem kyug shid: loo" wa shid re" lid lung ri houg nhang: lho: leig voo ri khyoo' byid: nghoid loug we' nanu" gi nheigloem: athid lo boem.

ZEKHARIA 5:4

Yoem: moo" bo da" Aseing gi hau: mougsoug" deing: ri nhang: kaid lang" gi khoug" mo, yugkhang" moo yhoem: yo' nga" myeing ri lang: lho: adeing amain" khyo" jham' tang: mo, yugkhang" moo" yhoem: khyoo: vang lo" lho: nyangnu" da" yhoem: joem ri byo, yoin" loo" nhang: pyam' wa nghoid» ga: tid.

ZEKHARIA 8:10

Hau: ayo, aju" shi" uri gi Byu lang: jhang we' gougnyhoug vhukung: we' ayo" lhung: loo nya: gyivoo joem yoomo gau: nyu: khyoo: hang" we' ayoo". Ngoo gi nyangnu" nyang: cang" ri zain: goo" nhang: bye:.

MALAKHI 2:2

Nanu" nga" da" mungdang: ri tam" gyo: lho: nanu" gi ce" noem koid jang" moo we' ngoo ri phau" myang: nyid ca"- hougsu" anghoid rigi ngoo nanu" ri nheung" wa nghoid. Nga" tarha" ri nanu" goolhoo: acang boem yoomo gyeing" gyeing" nyang: akhid" ngoo nanu" ri nheing" wa bye:.

TARHA" TID POIN" 28:17

«Aseing gi nanu" da" gugshi" meishi" yo' nanu" soin' to" da" zoo: noem joem moo: nheing" khoin" kaid byid: wa zi nghoid.