HAGI 1:12 - Lacid Common Language Bible

¹² Hau: uri Babelon mung" khyoo: pyoung" she: loo" shoug" jang" mo doem tau" lo da" Zerubabela- Yoshu yo' byumyu" yi dangain" gi Aseing Mangsoo nyangnu" ri koid nhang: da" moo" ri koid bye:. Nyangnu" gi Aseing lapi: Hagi ri gyoug boem ziyo' tam" gyo: nyid boem.

HAGI 1:12 교차 참조

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

EZRA 10:18

He: zigi tungbau yhoem: seing: myhi' yo" da" yuggi yi da" zhayhen" nghoid. Khainjung akung: ako' mo zhayhen" joem nghoid da" Yoshua yo' nya: mang: nhung" yi akung: ako' mo Yehozadag da" nya: zoo: yi Maseia- Elieze- Yarib- Gedalia bang: nghoid da:.

EZRA 5:2

Shelatila nya: zoo: Zerubabela yo' Yozadag nya: zoo: Yeshua gi nyang: tang: da" mungdang: ri shoug" gyoo: lang" nyangnu" gi Yerusalem mo Noku Yhoem: Moo" ri doem koid shid" loo" bye: ziyo' nyangnu" ri lapi: eig yug we' bo pang" ago".

COUNG" NGHEI 112:1

Aseing ri coung" byid: nyid ge'- Aseing ri gyoug phau" lho: nyang: tid to" tarha" ri tam" gyo: cang yhi: wa vho: ngei nyid su: gi ngilho' nyid.

DANG: ZHOEM 1:7

Nang gi lasi phajhi" yo" yu wa shid re" xang: shed" moo: Aseing ri gyoug phau" nheigloem boo ca" nyid. Byugang: yigi phajhi" ri ce" aphoug" ase' tab boem ziyo'-hau: ziri jhau" yu wa khyoo: ri ngeug pyam nyid boem.

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

ESAIA 1:19

Nanu" ngoo ri tam gyo: nghoid rigi myidgung mo thu da shivoo: shiloem ge thang ziri shoug" zo: loo goo" wa.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

HAGI 1:1

Persi mung" moo Dari gi Khokham khoo" zhoung: zi eig zain ein: zain lhammoo" khyug khyab xain" danyid" moo Aseing jang" mo mungdang: gi Lapi: Hagi khyo" wigi Shelati Yuda mung" zoug: Zerubabela yo' Yehozadag da" nya: zoo: khainjung moo" Yoshu eig yug shid re" ju" ri" bye:.

HAGI 1:14

Aseing gi yhoem: moo" ri doem koid wa shid re" pyoung" she: loo" shoug" jang" mo doem tau" lo da" Yuda mung" zoug: Zerubabela khainjung moo" Yoshu yo' mung" byu yi dangain" da" nheigloem: ri tid nhau" to' kaid. Nyangnu" gi Dari khokham khoo" zhung: da" eig zain ein: zain lhammoo" khyug khyab eig xe: myid: nyid" moo yoem: moo" bo da" Aseing nyangnu" da" Mangso da" yhoem: moo" ri aseig doem koid shid" lo" boem bye:.

HAGI 2:2

Yuda mung" zoug: Zerubabela yo' khainjung moo" Yoshu ri we' mung" byu yiri we' tid kyoo" we' ga: lapi: Hagi ri tid zigi

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

TARHA" TID POIN" 31:12

Yuggi- myiyi:- zooshang: yi yo' nanu" da" voogung joem moo nyid da" tungbau byu dangain" ri dage" za: khe: zheing" ge'. Houg: lang" yugkhang" moo" gi hau: ziri shau" gyo: wigi nanu" Aseing Mangsoo ri ngi: shab byid: wa yo' nya: da" jhau" shid dang: joem ri jhug zug tung" tam" gyoo: wa zi nghoid.

TARHA" TID POIN" 31:13

Hid: su" khyo" wigi nanu" Aseing Mangso tarha" ri khanham we' ashau" gyo: yu" da" nanu" amyed ashen yigi hau: ziri shoug" gyoo: wa zi nghoid. Houg: lang" nyangnu" gi Yodan gyid lang thei: tab mo nanu" yhe: seing: yu wa za: danghoid lo: da" mung" moo nyangnu" dadei nyid nyid gi nyang: ri se' tam" gyo: cang yhe: ri" goo" wa» ga: amyeing" byid: bye:.

KOLOSE 1:6

Nanu" gi Mangso jeju" khyo" xang: shed" shau" gyo: yu da" bidnyid mo wigi hau: jeju" gi gyeing" nyang: se' gyo: kham' zoo: bye: ziyo' dakhyoo" ti"- hau: ngei bu: lu dang: gi nanu" jang" moo ju" loo bye- houg: yo' dakhyoo" ti"- hau" ngei bu: lu dang: gi ashi" myoo" sho' zei lo lho: mougmyid gyab, goin" jang" moo byo sain" loo" bye.

HEBRE 12:28

Houg: su" nghoid yoomo nanu" yo" yu da" mungdain gi adei aloeb, da" mungdain nghoid wigi ngoonu" Mangsoo ri coung" nghei nyid boem shang. Nyang: rijeju" boin: lho: gyoug phau" myang: da" e" myed yo' Aseing: vho: ngei wa khyo" Mangsoo ri loem, khau: noku nyid boem shang o".