HAGI 1:11 - Lacid Common Language Bible

¹¹ Ngoo gi myidjang ri kyug nhang: wigi boem tho' moo we' yoodam moo we' shivoo: khyam: moo we' zabyid khyam: yo' zhainloin: khyam: moo we' hau: lho: shoo" zoo: shoo" shug noem ce" ja: moo we' byu xangsu: shid re" we' gougnyhoug goug: do: tho' moo we' nanu" gyi: sheung: loo wa ga: yoem: kaid nyid moo" zoo" dangain" tho' moo we' kyug fo: loo" nhang: bye:» ga: tid.

HAGI 1:11 교차 참조

1 KHOKHAM 17:1

Gilead mung" Tishbe voogung mo Elia ga: da" lapi: dayug gi khokham Ahab ri «Ngoo dei byid: nyid da" Kangso' Aseing Israela Mangso da" myeing khyo" wigi ngoo nang ri tid wa. Ngoo hid: su: doem tid da" ayo, thang: eig soem" zain ju" sho' nghain: jhu" agyoo" moug: avoo wa zi nghoid» ga: tid.

2 KHOKHAM 8:1

Akhid" Elisha gi nyang: wigi yuggi zoo: ri kangso' doem dei byid: da" Shunem mo myiyi myhi' ri Aseing gi hau: mungdain: ri phang" khoug nyhed zain khoug nhang: wa houg: yoomo nya: yhoem: byu yi yo' dage" to' yhe: lo" wigi gootu: joyoo moo yhe: nyid goo" wa shid re" tid da:.

YOBA 34:29

Mangsoo gi ci: nyang: akoid wa ga: myid phyed nghoid rigi Nyang: ri hang" wigi we' yooboo ayo" zhug wa. Nya: myonhoo: ri shoung: pyam nghoid rigi byu yigi ci: khasu" we' ayo" koid loo wa.

YEREMIA 14:2

«Yuda mung" gi koug ngau nyid da:. Nya: voomoo" joem gi yoem: neing: nyid ago". Nya: da" mung" byu yigi myidgung moo kougshu: leung jo, ago". Yerusalem gi pang" yu wa shid re" mho' yoid nyid da:.

NGOUG JI: 1:21

Ngoo nookyeing" kyeung" da" thui: ri tam" gyoo: byid: la,. Ngoo ri nheig teing ung: teing byid: wa byu hang" aboo. Nga" tho' moo: nang bue" loo nhang: da" kyi" khyeug da" khyoo: joem ri nga" gyivoo joem gi yu" gau nyid boem ago". Nang dangsoo" byid: to" da" bidnyid we' ju" loo nhang: abye:. Ngoo dayam, dayoo: shoug" nyid ti" nga" gyivoo joem ri we' loem zoo: nhang: we'.

AMO 5:8

Aseing gi Kyi: gyo: lakhyoin- Boo" kyi: ga: da" kyi: joem ri phain" so: to". Nyang: gi moug: coid ri bidbang bui" nhang: lho: nyid" dang: gung rilang" myen" moo" bue" loo nhang:. Nyang: gi Panglai: gyid ri khe: yu lho: mougmyid tho' moo foid shoin" kaid nyid. Nya: myeing gi Aseing ga: zi nghoid.

AMO 7:4

Yoem: moo" bo thang da" Aseing mo yoeb myang gootu: daloem: doem myang nhang: zigi houg: jang" moo nyang: gi nya: da" byumyu" yiri myi: wigi yooboo dam byid: wa ga: soin' to" ziri myang. Houg: myi: gi nammugdara thoem" moo" ri nge" pyam lho: mougmyid khyoo: nge" ju" lo nyid bye:.

AMO 9:6

Aseing gi nya: yhoem: ri mougkhung: moo zhug to". Myidjang tho' moo gi mougkhung: yo' nghoeb zeung" to". Nyang: gi panglai: gyid ri khe: to' yu lho: mougmyid tho' moo foid khyo' kaid bye:. Nya: myeing gi «Aseing» ga: zi nghoid.

HAGI 2:17

Ngoo gi nanu" yoem: kaid nyid da" shoo" zoo: shoo" shug shivoo: shiloem kyug shid: loo" wa shid re" lid lung ri houg nhang: lho: leig voo ri khyoo' byid: nghoid loug we' nanu" gi nheigloem: athid lo boem.

HAGI 2:19

Gug zoo meiloem: ci" we' adeing loo loug we' zabyid nei yo' lafoem byab shiphain gam yo' zhainloin: gam moo ashi" azei: shi" loug akhid" nyid" mo thang: phyang" gi ngoo nanu" ri mainkaid jeju" byid: wa bye:» ga: tid.

MALAKHI 3:11

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" Aseing gi tid nyid.

MALAKHI 3:9

Nanu" damung" goin" mo nga" ziyoo ri lhoid yu nyid boem yoomo nanu" dangain" mo, atho' moo nheing" khoin" zang" boem bye:.

TARHA" TID POIN" 28:22

Aseing gi nanu" ri dab lo ja: noo joem yo' gung yam: lo ziyo' nooyoem" yo' shen" yhen wa nghoid. Nyang: gi nanu" da" shivoo: joem ri phyo' shoin' pyam wa shid re" moug: kyug myid kyug ziyo' lid lung ri nhang: kaid byid: wa nghoid. He: byo, yoin" lo" zigi nanu" shid: sho' nanu" yo' dage" jo, jo, wa zi nghoid.