HAGI 1:1 - Lacid Common Language Bible

¹ Persi mung" moo Dari gi Khokham khoo" zhoung: zi eig zain ein: zain lhammoo" khyug khyab xain" danyid" moo Aseing jang" mo mungdang: gi Lapi: Hagi khyo" wigi Shelati Yuda mung" zoug: Zerubabela yo' Yehozadag da" nya: zoo: khainjung moo" Yoshu eig yug shid re" ju" ri" bye:.

HAGI 1:1 교차 참조

1 KHOKHAM 10:15

Hau: tho' moo: gootu: phaga: ga: bang: byid: da" kheing"- phaga: ga: jang" mo atu" amyaid joem yo' Arabia khokham yi we' Israela mungdu zoug: yi jang" mo khang" dug joem we' nghoid da:.

1 KHOKHAM 14:18

Aseing gi nya: deizoo: lapi: Ahiya khyo" tid ziyo' dayhang: ti" Israela byumyu" yigi nya: shid re" nheing koug nheig nge lho: myhoeb pyam bye:.

2 KHOKHAM 14:25

Nyang: gi Israela seing: da" mougmyid dangain" mougzhung: shoid Hamad koo' lhang mo zi mougpyi: thoem" shid: ju" sho' ri doem oung: pyam da:. He: zigi Israela da" Aseing Mangso wigi Gad Hephera mo nya: dei zoo: Amitai da" yuggi zoo: Lapi: Yona da" nhoid khyo" dangsoo" byid: to" zi nghoid da:.

1 KHOKHAM MHOOMYID: 3:17

Hid: bang: gi Babelon byu yi wigi thung: byu khyo" shu" nyhid: too" shau" su: khokham Yehoiakhin da" amyed ashen yi nghoid da:. Yehoiakhin gi yuggi zoo: nyhid yug yo" da:. Houg: bang: gi Shelatela-

1 KHOKHAM MHOOMYID: 3:19

Pedaia gi Zerubabela yo' Shime ga: da" yuggi zoo: eig yug yo" da:. Zerubabela gi yuggi zo: tang: Meshulam yo' Hanania- myiyi: zoo: Shelomid tang: ho' da" nya: phoo nghoid da:.

EZRA 1:8

Nyang: gi hau: zigi khokham vang mo gyi: thang da" jonu" zoem: su: Mitreda Zhayhen" koid to" ziri yu wigi Yuda gyizoug: Shebaza ri ab byid: bye:.

EZRA 10:18

He: zigi tungbau yhoem: seing: myhi' yo" da" yuggi yi da" zhayhen" nghoid. Khainjung akung: ako' mo zhayhen" joem nghoid da" Yoshua yo' nya: mang: nhung" yi akung: ako' mo Yehozadag da" nya: zoo: yi Maseia- Elieze- Yarib- Gedalia bang: nghoid da:.

EZRA 2:2

Nyangnu" vhujhung: yigi Zerubabela Yeshua- Nehemia- Seraia- Relaia- Modekhai- Bilshan- Mispa- Bigvai- Rehum yo' Bana nghoid. He: zigi pyoung" she: loo" shoug" jang" mo doem tau" loo bye: da" Israela byumyu" yi zhayhen" nghab youg nghoid.

EZRA 2:63

Urim yo' Thumin se' ci: da" khainjung athu ri" ri" gi Mangsoo ri xoin" to' da" zoo: shug ri nyangnu" age zoo: wa ga: Yuda mung" zoug: gi nyangnu" ri tid bye:.

EZRA 3:2

Yehozadag da" nya: zoo: Yeshua yo' nya: byencang" khainjung yi we' Shelatila da" nya: zoo: Zerubabela yo' nya: bidnoem yi we' wigi Mangso da" byu Moshe da" tarha" moo lhid" to" jhoug" shid khyoo: yo' dakhyoo" ti" nyangnu" myi: nghi' xoin" to' wa shid re" Israela byumyu" yi Mangso da" xoin" to' phoin: ri doem koid abye: go".

EZRA 3:8

Hougsu" wigi Yerusalem mo Noku Yhoem: Moo" ri nyangnu" doem ju" lo da" thang: eig zain ein: zain lhammoo" eig khyab khyab ri nyangnu" moo" zei: shid" loo" bye:. Zerubabela Yeshua yo' gootu: da" nyangnu" byu yi khainjung yi yo' Levi yi Pyoung" she: loo" shoug" mo, Yerusalem khyoo: doem tau" loo" bang: dangain" gi moo" lo vang zei: ago". Eig xi: zain mo tho' khyoo: da" Levi byu yi rigi Noku Yhoem: Moo" koid da" jang" mo moo" zei: mo, ri vhoeb khang" wa shid re" khyen: too" bye:.

EZRA 4:2

Houg: lang" nyangnu" Zerubabela yo' akung: ako' yi da" vhujhung: yi jhang yhe: wigi nyangnu" tid zigi ngoonu" ri we' nanu" da" Noku Yhoem: Moo" koid jang" moo bo vang nhang: we'. Ngoonu" we' nanu" noku da" Mangsoo ri noku wigi he: mung" khyoo: shu" lo da" Asuri khosen Esarahadon apyaid mo nyang: ri xoin" to' nyid bye: zi nghoid ga: tid ago".

EZRA 4:24

Noku Yhoem: Moo" koid moo" zoo" no: to" zigi Persi khosen Dari kho" zhung: thang: eig zain ju" sho' no: too" bye: ago".

EZRA 5:1

Hau: ayo, ri Hagi yo' Yido da" nya: zoo: Zekharia ein: da" Lapi: eig yug gi Yuda mung" yo' Yerusalem voo moo" moo nyid da" Yuda byumyu" yiri Israela byumyu" yi da" Mangso myeing khyo" wigi lapi: dang: tid shid" kyoo" bye: zi nghoid.

EZRA 5:3

Dalheing: dam Uphrad gyid lang bidvang shoid mo mung" gyi Tateni yo' Shetha Bozenai nyangnu" byencang" yi Yerusalem khyoo: re" wigi nanu" ri he: Noku Yhoem: Moo" ri zhoug wigi bain so' koid sho' hang" amyeing" khyo" koid go"» ga: re" myid:.

EZRA 6:14

Yuda vhujhung: yi we' lapi: Hagi yo' Zekharia yoem: byid: yoomo Noku Yhoem: Moo" moo" ri khyang: khyang: yo" koid abye: go". Nyangnu" gi Israela byumyu" yi Mangso da" amyeing" dang: khyo" we' Persi khosen- Kuru- Dari- Artaxaxe bang: da" amyeing" dang: khyo" we' wigi Noku Yhoem: Moo" ri bain koid boem abye: go" da:.

NEHEMIA 12:1

Vhoo: mo zhayhen" gi Shealtiela da" yuggi zoo: Zerubabela yo' khainjung moo" Yoshu tang: yo' dage" pyoung" she: lo" jang" mo doem tau" lo da" khainjung yi yo' Levi byu yi da" zhayhen" nghoid da:. Seraia- Yeremia- Ezra- Amaria- Malug- Hatusha- Shekania- Rehum- Meremod- Ido- Ginethoi- Abiya- Miyamin- Madia- Bilga- Shemaia- Yoiarib- Yedaia- Salu- Amog- Hilkia yo' Yedaia bang: nghoid ago". He: yuggi yigi Yoshu pyaid moo nyangnu" khainjung byencang" yi moo vhujhung: bui" bang: nghoid ago". Vhoo: mo bang: gi jeju" boin: jikhoin" khoin" jang" moo yu" coung: bang: nghoid ago". Yeshua- Binui- Kadmiela- Sherebia- Yuda yo' Matania bang: nghoid ago".

NEHEMIA 12:10

Yoshu gi Yoiakim da" nya: phoo- Yoiakim gi Elishab da" nya: phoo- Eliashab gi Yoiada da" nya: phoo-

NEHEMIA 5:14

Artaxaxe khosen bue" zi eig xi: zain ein: zain mo zi nyang: vhoeb da" soem" xe: eig zain ein: zain ju" sho' Yuda mung" moo ngoo mung" zoug: moo" koid lid lo da" daxe: eig zain gu: moo nga" bidnoem seing" cang" yi we' ngoo we' mung" zoug: dayug khyo" ngoo kham zoo: wa shid re" khyo' byid: da" zoo: shug daja: we' azoo:.

NEHEMIA 7:7

Nyangnu" da" vhujhung: yigi Zerubabela- Yoshu- Nehemia- Azaria- Ramia- Nahamani- Modekhai- Bilshan- Mispered- Bigvai- Nehum yo' Bana bang: nghoid ago".

NEHEMIA 8:9

Byumyu" yigi hau: Tarha" wigi mho' ziri shoug" gyoo: lang" nheigloem: loeb re" boem wigi gye" ngau re" ago". Houg: yoomo mung" zoug: Nehemia- khainjung yo' tarha" ri si' su: Ezra yo' tarha" ri tid sho' kyo" da" Levi byu yigi mung" byu yiri he: ziri tid kyo" ago". «He: bidnyid gi nanu" da" Aseing Mangso shid re" gyeung" shang: da" bidnyid nghoid yoomo nanu age koug age ngau goo" wa.

THU' LO" MOUGSOUG" 4:13

Nghoid loug Moshe gi «Anghoid Aseing we" jeju" mo gootu: dayug yug ri danhang: we'» ga: tid.

HAGI 1:12

Hau: uri Babelon mung" khyoo: pyoung" she: loo" shoug" jang" mo doem tau" lo da" Zerubabela- Yoshu yo' byumyu" yi dangain" gi Aseing Mangsoo nyangnu" ri koid nhang: da" moo" ri koid bye:. Nyangnu" gi Aseing lapi: Hagi ri gyoug boem ziyo' tam" gyo: nyid boem.

HAGI 1:14

Aseing gi yhoem: moo" ri doem koid wa shid re" pyoung" she: loo" shoug" jang" mo doem tau" lo da" Yuda mung" zoug: Zerubabela khainjung moo" Yoshu yo' mung" byu yi dangain" da" nheigloem: ri tid nhau" to' kaid. Nyangnu" gi Dari khokham khoo" zhung: da" eig zain ein: zain lhammoo" khyug khyab eig xe: myid: nyid" moo yoem: moo" bo da" Aseing nyangnu" da" Mangso da" yhoem: moo" ri aseig doem koid shid" lo" boem bye:.

HAGI 1:2

Yoem: moo" bo da" Aseing gi Hagi ri tid- «He: byumyu" yigi Noku Yhoem: Moo" doem so' koid wa ayo, anghoid shi"» ga: tid nyid.

HAGI 1:3

Houg: lang" Aseing gi Lapi: Hagi khyo" wigi mung" byu yiri he: da" mungdang: ri tid kaid.

HAGI 2:10

Dari khokham khoo" zhung: thang: ri eig zain khoug: mo lhammoo" goug: khyab bidnyid eig xe: myid: nyid" moo yoem: moo" bo da" Aseing Mangsoo gi Lapi: Hagi ri doem tid zigi

HAGI 2:20

Hau: Lhammoo" khab' eig xe: myid: nyid" moo nyang: Aseing gi Yuda mung" zoug: Zerubabela shid re" Hagi ri eig lheing: ein: da" mungdang: ri doem tid nhang: zigi ngoo gi mougkhung: yo' myidjang ri lang: nhoin' kaid wa

HAGI 2:4

Hougsu" nghoid loug akhid" nanu" kha: yug we' nheigloem: abyo, yoin" goo"- moo" zoo" ri zei: nyid ge'. Ngoo gi nanu" yo' dage" nyid.

ZEKHARIA 1:1

Pasha mung" moo Dari gi Khosen koid nyid zi eig zain lhammoo" shid khyab moo Berekhia da" nya: zoo:- Yido da" nya: myid: Lapi: Zekharia jang" moo Aseing jang" mo he: mungdang: ju" re" da:.

ZEKHARIA 3:1

Gootu: da" yoeb myang moo Aseing da" moug: lagyoo: shidkhoin" moo yab jo, da" khainjung moo" Yoshua ri Aseing gi ngoo ri toin" shid. Satan gi nyang: ri yooboo foin: wa shid re" Yoshua da" anam moo yab jo, ziri myang.

MALAKHI 1:8

Nanu" said ngei" byid: da" xoin" gi myo, jed khyid: gyau: zi noo dab da" gougnyhoug byid: zigi ge da" khyoo: nghoid go" la". Nanu" da" mung" zoug: phoo ri houg: yhang: te" jhungshug yhe: byid: ri nyang: gi yu" ngei wa la". Nang ri ge zi koid byid: wa ein: myid la"» ga: tid.

LUKA 3:27

Yoda gi Yohan da" nya: zoo:- Yohan gi Resa da" nya: zoo:- Resa gi Zerubabela da" nya: zoo:- Zerubabela gi Salathila da" nya: zoo:- Salathila gi Neri da" nya: zoo: nghoid.