GALATI 1:5 - Lacid Common Language Bible

⁵ Hau: Phoo Mangsoo moo apyaid' atoo:- myonhoo: phung" yoeb dabo jo, baja"- Amen.

GALATI 1:5 교차 참조

1 KHOKHAM MHOOMYID: 29:13

Akhid" ngoonu" Mangsoo we"- ngoonu" nang ri jeju" boin: so" wigi re" phung" yoeb gyi: da" myeing ri coung" o".

COUNG" NGHEI 41:13

Israela da" Mangsoo Aseing ri coung" nghei nyid we'. Akhid" mo wigi pyaid moo: too: moo coung" nghei nyid boem shang o". Amen Amen.

COUNG" NGHEI 72:19

Nya: myonhoo: phung" yoeb yo' byeung da" voolang myeing ri apyaid atoo: moo: ju" sho' dacoung" nghei nyid we'. Nya: da" myonhoo: phung" yoeb gi moug: gyab goin" jang" moo: byeung" shoin: loo" baja" o". Amen. Amen.

ESAIA 24:15

Bid thu shoid moo nyid bang: gi nyang: gi coung" nghei byid: loo goo” wa. Panglai: gyid yam cang nyid da" byu yigi Israela da" Aseing Mangsoo ri coung" nghei byid: loo goo" wa.

ESAIA 42:12

Ve: da" mungdain: joem mo nyid bang: gi coung" nghei byid wigi Aseing ri phung" yoeb pang byid: boem baja".

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

LUKA 2:14

Mougkhung: moug: di moo Mangsoo gi myonhoo: phung" yoeb bo nyid baja"- Myidjang: tho' moo we' nyang: vho: ngei da" byu yi moo myen, jham" ngei pyo: khyoo: gi dajo, jo, baja" o"- ga: Mangso da" myeing khyang" ri coung" nghei boem ago".

Roma 11:36

mangsoo: gi - jo, moo jo, ri phain" to" lho: hau: zi joem gi Mangsoo: khyo" wigi we' Mangso: shid' re" nghoid loug we' dageing: teing" jo boem. Mangsoo: gi apyaid' atoo: myonhoo: phung" yoeb doug bang nyid baja" o" Amen.

Roma 16:27

Dayug kyeing" nghoid lho: dangain" ri yo" myang se' da" Mangsoo: gi Aseing Yesu Khristu khyo" wigi apyaid' atoo: moo bug thu' sheing" jhu" da" myo nhoo: phung" yoeb dajo jo nyid baja" o" Amen.

1Korinthians 8:13

Hougsu" nghoid yoomo zo: noem khyo" nga" mang: nhung" phoo, ri- nheigloem: leung nhang: wigi- yooboo dakoid nhang: wa nghoid rigi- nga" mang: nhung phoo, aleung loo" wa shid re"- ngoo dapyaid' goin" shoo" azoo: loo: za: nyid wa.

Ephesu 1:12

Hougsu" nghoid rigi Khristu moo xang: shid" mo myid byu too" bang: ngoonu" gi Mangso da" myonhoo: phung" yoeb ricoung nghei nyid boem loo shang o".

PHILIPI 4:20

Akhid" yha" phoo Mangsoo moo pyaid moo too: moo myonhoo: phung yoeb, gi dabo jo, baja" o"- A men.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

2 TIMOTHI 4:18

Hau" Aseing: gi akhyeing" ashoeb khyoo: dangain" jang" mo nya: moug: khoung: mungdain: moo ju" sho' goem, loem byid: wigi shu" loo" wa zi nghoid nyid. Nyang: moo apyaid' atoo: mo myonhoo: phung" yoeb, gi dabo, jo, nyid baja" o". Amen.

1PETERU 5:11

Nya: jang" moo apyaid' atoo:- myonhoo: phung" yoeb, bug thu' seing" jhu" jo, baja" o" Amen.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

Pang Shug 14:7

Hau" mou: lagyoo: gi Mangsoo dang: phyed wa da" bidnyid ju" loo bye: yoomo Mangsoo ri gyoug phau" lho: nya: da" gyi: myhang: reung: thang khyoo: re" coung" byid: ge'. moug: khung: yo' myidjang: ri we' panglai yo' gyid zoo: lang yi we' phain" so: to" Aseing: ri phau" myang: vhu" pid' ped' nyid ge'. ga: thui: moo" zeing yo' nyho: tid nyid.

Pang Shug 5:12

Nyangnu" tid boem zigi " Said pyam' zi shau" bye: da" yang nu" gi myonhoo: phung" yoeb, soid gain ziyoo- phajhi" juyhi: yo' yoem: so' yoem: vhoo" - myonhoo: ngilang: phoug" tab ngi shab, byid: moin: zigi coung" nghei byid: zi: kham: yu wa moin" yi" nyid o"- ga: thui: zeing thui: moo" yo' coung" nghei nyid boem ago".

Pang Shug 7:12

Amen Ngoonu' da" Mangsoo ri apyaid atoo: moo coung" nghei tu: to' nyid boem wa"- Mangsoo gi myonhoo: phung" yoeb, phajhi" juyhi: bug thu sheing" jhu"- myonhoo: ngeilang: phoug" tab ngi shab, byid: zi nya: da" jeju" ricoung" nghei nyid boem baja"- Amen, ga: nyho: coung" nyid boem.