EZRA 1:2 - Lacid Common Language Bible

² He: zigi Persi khosen Kuru da" amyeing" dang: nghoid. Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid.

EZRA 1:2 교차 참조

1 KHOKHAM 8:27

Nghoid loug we' O" Mangsoo we"- nang gi mougmyid tho' moo gyeing" yo" nyid wa la". Mougkhung: mungdain: dangain" zi nang nyid wa shid re" agi" ri ngoo koid to" da" he: Noku Yhoem: Moo" gi khasu" yo" tho' gi" wa la".

2 KHOKHAM MHOOMYID: 2:12

Mougkhung: yo' myidjang ri phain" so: to" da" Israela Aseing Mangsoo ri coung" we'. Nyang: gi khokham David ri akhid" Aseing shid re" noku yhoem: yo' nyang: nya: shid re" khokham kho" koid wa soin" to" da" su: phajhi" juyhi: bo lasi phajhi" se' lho: kung da" yuggi zoo: dayug byid: abye:.

EZRA 1:5

Hougsu" yoomo Mangso wigi nheig gyeing: yung gyeung" nhang: bye: da" Yuda byumyu" yi yo' Benyamin byumyu" yi akung: mo vhujhung: yi khainjung yi yo' Levi yo' dangain" mo, gi Yerusalem mo Aseing yhoem: moo" yhe: koid wa shid re" jen" jen" nghoid nyid boem bye:.

EZRA 3:7

Byumyu" yigi lugxi mo, yo' seig lo, moo" koid bang: ri ngei byid: lho: panglai: khyo" wigi Yopa voogung ju" sho' Lebanon boem mo shamu gam ri thug myhu" wa shid re" Sidon yo' Turu byumyu" yiri zoo: shug yo' zhainloin: xu: ri byid: ago". He: khyoo: dangain" gi Persi khosen Kuru da" akhang" khyo" koid bye: zi nghoid.

EZRA 4:3

Zerubabela Yoshua yo' akung: ako' vhujhung: yigi nyangnu" ri «Ngoonu" Aseing Mangso da" Noku Yhoem: Moo" koid wa shid re" nanu" bo pang" wa ziri ngoonu" avoo:. Persi khosen Kuru ngoonu" ri amyeing" byid: ziyo' dakhyoo" ti" he: ziri ngoonu" nyang: ngoonu" koid wa nghoid» ga: doem tid bye:.

EZRA 5:15

Khokham gi nyang: ri hau: joem ri Yerusalem mo Noku Yhoem: Moo" khyoo: doem tau" ci: lo" wigi shid phyang" da" joyoo moo nyang: Noku Yhoem: Moo" doem koid wa shid re" ci: loo" we'» ga: tid bye:.

EZRA 6:10

Nyangnu" xoin" yo" ngei" wigi hau: ziri mougkhung: mungdain: mo Mangsoo yo" khab' yu wigi ngoo yo' nga" zoo: yiri mainkaid byid: wa shid re" akyu" mho' byid: baja" hau: ziri koid nyid we'.

EZRA 6:3

Kuru nyang: vhoebkhang" da" xang: shi" zain ri nya: da" amyeing" dang: gi xoin" ngei" wa ziyo' myi: nghe' xoin" to' wa joyoo shid re" Yerusalem mo Noku Yhoem: Moo" ri koid wa zi nghoid. Noku Yhoem: Moo" ri myhang: khyoo: 90 pi:- Pyi: khyoo: 90 pi: koid wa zi nghoid.

EZRA 7:12

Khosen Artaxaxe jang" mo mougkhung: mungdain: mo Mangso da" tarha" ri jhoug" yu nyid su: khainjung Ezra jhang khyoo: pyeing: dang: foin: kaid.

NEHEMIA 1:4

He: gu: dangain" ri ngoo shoug" gyoo: lang" ngoo gi gyo" zhung: lho: ngoug bye:. Bidnyid myoo" sho' ngoo koug ngau lho: zoo: noem azoo:. Ngoo gi Mangso jhang

NEHEMIA 1:5

«Mougkhung: mo Aseing Mangsoo we"- Nang gi gyi: sheung: yug nghoid wigi nang ri ngoonu" gyoug yab jo, boem bye:. Nang gi nang ri jheddab bang: yo' to" da" dang: theing ri jhug zug tung" zoem: ci: wigi nang amyeing" byid: to" ziri cang da:.

COUNG" NGHEI 136:26

Mougkhung: mougdi mo Mangsoo ri jeju" boin: so" nyid we'. Nya: jhed khyeing: kang: khyeing: gi pyaid moo: too: moo: dageung: teung jo.

COUNG" NGHEI 85:2

Nang gi re" byumyu" yi da" yooboo joem ri khyoid pyam byid: wigi nyangnu" da" shoid vhang: yooboo joem ri khyam" sa: byid: pyam bye:.

DANG: ZHOEM 21:1

Aseing gi gyid lang ri khang" nyid ziyo' dakhyoo" ti" khokham nheigloem: ri we' lei lei, za: khang" byid: nyid.

ESAIA 41:2

Oung: doid yug ri bidthu shoid mo shu" lo su: hang" nghoid. nyang: yhe: da" joyoo khang" moo" moo nyang: ri oung: myug nhang: su: hang" nghoid la". Khokham yi yo' byumyu" yi atho' moo nyang: ri hang" wigi oung: pyam nhang: la". nyangnu" ri pheilhoug: ri yhang: ti" shamcoin" wigi zain: khyo' pyam da:. nya: myoo: joem gi nyangnu" ri lid vhu" mo khoofoo: yhang: ti" dang: loo" nhang: wa.

ESAIA 44:26

Nghoid loug we' nga" dei zoo: Lapi: pe: lang" nga" da" myid soin: khyoo: joem ri toin" shid wa shid re" nga" lagyoo: ri nhang: kaid lang" ngoo gi hau: myid soin: khyoo: joem ri koid byid: wigi lapi: dang: ri joeb byeung" loo nhang: wa. Voo byu yi doem nyid loo goo" wa ein: Yerusalem ri ngoo tid. Nyangnu" doem de: nyid loo wa ein: Yuda voomoo" joem ri ngoo tid. Hau: voomoo" joem gi byo, yoin" jo, jang" mo doem to' loo goo" wa.

ESAIA 44:28

Ngoo gi Kuru ri «Nang gi ngoo ri vhoeb loo wa su nghoid loo wa. Nang gi ngoo wigi nang ri koid nhang: nau da" ja: ri koid loo wa. nang gi Yerusalem ri doem tam: wa yo' Noku Yhoem: Moo" apoem: ayang: joem doem zhug wa amyeing" ri byid: loo wa» ga: tid da:.

ESAIA 45:1

Aseing gi Kuru ri khokham koid wa shid re" khyen: to" abye:. Byumyu" yiri oung: pyam wa shid re" nyang: ri khyen: too" bye:. Khokham yiri nyangnu" da" yoem: so' ri yu pyam byid: wa shid re" nyang: ri nhang: kaid da:. Aseing gi nya: shid re" voomoo" joem da" khoem" moo" duang: joem ri phang byid: wa. Kuru ri Aseing tid zigi

ESAIA 66:1

Aseing tid zigi «Mougkhung: gi nga" zhungtang- myid jang gi nga" khyid: ki" tang nghoid da:. Houg ri ce: ja: yhoem: nang ngoo ri yo" koid byid: wa lha". Ngoo nyid wa nga" shid re" khate" joyoo nghoid lha".

YEREMIA 10:11

Mung" byu yi nanu" khyo" wigi myidgung yo' mougkhung: ri akoid to" da" yu phara" joem ri phyo' shoin' pyam wa ein: nyangnu" ri tid kyoo" ca" ago". Hau: joem gi myidgung tho' khamoo: we' ajo, loo goo" wa.)

YEREMIA 27:5

Hau: zigi «Nga" gyi: sheung: da" yoem: so' yo' yoem: moo" wigi moug: gyab- xangsu: byu- mougmyid moo nyid da" gougnyhoug dangain" ri ngoo phain" so: to". Houg: lho: hau: ziri ngoo khyen: yu su: hang" ri nghoid loug ngoo byid: da:.

YEREMIA 29:10

«Aseing tid zigi ‹Babelon da" nyhed xi: zain thang loo" lang" ngoo gi nanu" ri nheig khyeug myid ci: shug byid: wa. Nanu" ri yhoem: khyoo: doem shu" yu wa ein: tid to" da" nga" dangsoo" ri pyeing byid: wa.

DANIELA 1:21

Daniela gi Persi khosen Kuru wigi Babelon ri meing: zain: oung: pyam da ayo, ju" sho' khokham vang" moo za: nyid nyid da:.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

DANIELA 2:28

Nghoid loug we' yau: da" mau" pho" khyoo: joem ri yo" pang shug su: mougkhung: mo Mangsoo dayug koem' nyid da:. Nyang: gi ju" loo wa da" ayo, moo bui" wa ziri aseing: khokham nang ri ci: shug byid: abye:. Nang yhoeb jo, uri mo, da" yhoebmo, yhoeb myang ri akhid" ngoo nang ri tid kyoo" ba.

DANIELA 4:25

Nang gi byu phung: mo khaid thu pyam zi shau" wigi siyoo gougnyhoug joem yo' nyid ca" wa. Nang gi nuloo: yhang: ti" nyhed zain goin" vufu" zo: lho: re" adang moo nghain: gyo" da" jang: pa: moo yhoeb ca" wa. Houg: lang" nang gi xangsu: byu mungdain: dangain" ri gyi: sheung: myhang: thang da" Mangso wigi zei: ci: ziyo' nyang: gi hau: ziri nyang: yo" byid: pyam ziri nang kham: yu loo wa.

DANIELA 4:32

Nang ri xangsu: byu phung: mo kaid thu pyam zi shoug" wa bye:. Siyoo gougnyhoug joem yo' nyid ca" wa. Houg: lho: nyhed zain myang" sho' nuloo: dadu: yhang: ti" vufu" zoo: ca" wa. Houg: lang" gyi sheing: myhang: thang da" Mangsoo gi xangsu: byu yi da" mungdain: joem ri vhoeb wa yoem: so' yo" lho: nyang: khyen: to" da" byu hang" ri nghoid loug we' hau: zi yo" byid: ziri nang yhen: yu loo wa» ga: tid.

DANIELA 5:23

Nang gi mougkhung: mo Aseing ri thougtheung da" khyo" koid lho: nya: Noku Yhoem: Moo" mo khu yo' goem joem ri yu vang lo da:. Nang yo' re" nheigboo ludaid yi re" yhoem: seing: myhi' yi re" dangcang: myhi' yigi hau: joem mo zabyid yhid: kaid shug wigi sheing:- ngei- gyid: mid"- joto'- seig- lugzeing yo' koid to" da" yu phara" joem myo, we' amyang noo: we' agyo: da" yu phara" joem ri coung" ago". Nghoid loug we' nang dei wa anghoid lang" shid: wa myid phyed ziyo' nang koid da" moo" dangain" ri khang" da" su: nghoid da" Mangsoo ri nang ngi: ashab nghoid da:.

DANIELA 6:25

Hau: thang: khokham Dari gi mougmyid tho' mo mungdain: byumyu" dangain" myeing" cang: joeb mo byu yiri mougsoug" lhid" kaid da:. Nanu" moo yang" zain: ngei pyo: nyid boem goo" baja".

YONA 1:9

Yona gi «Ngoo gi Hebre" byumyu" nghoid. Ngoo gi mougkhung: myidjang yo' panglai: ri phain" so: su: moug: di tho' mo Aseing Mangsoo ri no' ku" su: nghoid.