ESTHA 7:9 - Lacid Common Language Bible

⁹ Hau: thang: nyangnu" mo Harbona ga: myheing da" unug gi «Haman gi Aseing khokham re" da" kangso' ri khyoid byid: lo da" Modekhai ri cu" lang" said pyam wa shid re" nya: yhoem: nam moo: lang" byu said pyang" zeing daloem bain zhug to" abye:. Houg: zigi nyhed xe: wim: pi: myhang: da» ga: tid da:. Khokham phoo gi «Haman ri houg moo cu" lhang" said pyam ge'» ga: amyeing" byid: kaid da:.

ESTHA 7:9 교차 참조

ESTHA 5:14

Houg: yoomo nya: yhoem: seing: myhi' yo' nya: byencang" yi dangain" bang: gi «Nyhed xe: wim: pi: myhang: da" byu cu" said pyang" zeing da loem: nang koid ri agi rhe". Nab yo nyid" nab soin" Modekhai ri houg moo cu" lhang" said pyam wa shid re" khokham phoo ri nang yo" mho' zi nghoid. Hau: thang: zooshug pui" khyoo: pyoo: pyoo: za: nang yo" yhi: wa nghoid» ga: phajhi" coem' byid: ago". Haman gi he: ziri ge da" akhyoo" nghoid ga: shau" myid yoomo byu said pyang" zeing daloem: zhug nhang: da:.

ESTHA 1:10

Pui" zeing koid wigi nyhed nyid" ein: nyid" ri khokham phoo gi shug pyo: wigi nya: dei zoo: yi Unug nyhed yug nghoid boem da" Mehuman- Biztha- Harbona- Bigtha- Abagtha- Zetha yo' Khaka bang: ri khe: fang yu da:.

COUNG" NGHEI 141:10

Ngoo gi ce" goo, aduang loo: za: yhe: lo" uri akhyeing ashoeb, bang: koem gi Nyangnu" nya: da" gyoin: moo gyoo" goo" baja".

COUNG" NGHEI 35:8

Nghoid loug we' nyangnu" ci: aboin: shi" uri byo, yoin" lo" zi nyangnu" mo: ju" loo nhang: we'. Nyangnu" khyo' to" da" tei" moo: nyangnu" ri myi" nhang: lho: nyangnu" gi byo, yoin" khyoo: moo: byid gyo" loo" goo" baja".

DANIELA 6:24

Hau: thang: khokham phoo gi Daniela ri yooboo zhug da" mo, dangain" ri myheig wa amyeing" khyo' kaid lho: nyangnu" ri nyangnu" da" yhoem: seing: myhi' yi nya: zoo yi yo' dage" khangkhyi byeung" sho' bo da" thung: yhoem: khoug: khyo she: pyam khyo' kaid ago". Nyangnu" thung yhoem: athi" khyoo: lang" aju" gyoo" loo" shi" ri khangkhyi joem gi nyangnu" byam myhed yu lho: nyangnu" da" shooyoug: joem dangain" ri ngaid khyau" zo: pyam byid: ago".

DANIELA 6:7

Re" mungdain: ri vhoeb nyid da" ngoonu" moo" pyo: vhoebkhang" zoug: yi moo" pyoo: bang:- mung" zoug: yi gyizoug: moo" yo' gootu: moo" voin bang: dangain" gi aseing khokham nhang: khyo" nyang: amyeing" daloem: khyo' lho: hau: ziri toeb cang nhang: wa ein: fu" pyo: kaid baja" ein: myid veing" boem bye:. Bidnyid soem" xi: nyid" goin" moo aseing: khokham lid wigi yu phara" mo we' hang" dayug yug mo we' ci: amho' nhang: wa da" amyeing" dang: daloem: pyo: kaid we'. He: amyeing" ri ngeug pyam su: hang" nghoid loug we' khang: khyi: byeung" sho' kaid to" da" thung: yhoem: khyoo: khyo' kaid ca" wa.

COUNG" NGHEI 73:19

Nyangnu" gi houg: jang:- phyo' shoin pyam zi shau" wigi Nyangnu" da" lo" thang mo khyoo: gi gyoug ci jo yoo khyoo: gyo" yhe: lo" nyid.

ESTHA 9:25

Nghoid loug we' Estha gi khokham pho jhang yhe: lho: khokham phoo khyoo" amyeing" lhid" pyoo: nhang: yoomo Haman gi nyang: wigi Yuda byumyu" yi shid re" nyheing soin' to" da" vhu" pi: lo, kyo' moo shoug" loem zo: da:. Nyang: yo' nya: da" yuggi zoo: yigi byu said pyang" zeing moo cu" lhang" said pyam zi shoug" ago".

ESTHA 6:14

Nyangnu" dang: doem go" nyid shi" uri khokham kho" mo unug bang: hain: hain: ju" re" wigi Haman ri Estha da" zooshug pui" khyoo: re" khe: lo" da:.

ESTHA 6:2

Nyangnu" nghab lo" da" du moo khokham phoo ri said pyam wa shid re" khokham yab joem ri zung" byid: da" unug eig yug nghoid da" Bigthana yo' Teresha tang: khoug: lheing: lheing: ziri Modekhai wigi shoug" pau: myang: byid: da" khyoo: bo da:.

1 SAMUELA 17:51

Nyang: gi Goliad jhang khyoo: tang" yhe: wigi nya: gung atho' moo yhe: yab jo, lho: Goliad da" shambyang mo sham: she: yu wigi vhuloem zain: ceing lho: said pyam bye:. Philisti byu yigi nyangnu" da" sarhi' phoo shid: ziri myang lang" nyangnu" phang: lo" boem bye:.

2 KHOKHAM 9:32

Yehu nghang yu" kaid lho: «Nga" thang: hang" dab go" lha"» ga: nyho: kaid. Khokham kho" mo gyizoug: eig soem" yug gi bangzoo: khoem" mo nyang: ri yu" kaid ago".

ESTHA 8:7

Hau: thang: khokham Ahasuru gi khokham myhi' Estha yo' Yuda byu Modekhai ri «Yu" ge'. Ngoo gi Yuda byumyu" yiri thougtheung wa khoug: lheing: lheing: da" Haman ri cu" lhang" said pyam lho: Estha ri nya: jonu" byid: pyam bye:.

ESTHA 9:14

Khokham phoo gi he: ziri koid wa amyeing" khyoo' byid: da:. Houg: lho: Susa moo hau: amyeing" fu" dang: pyo: sain" kaid da:. Haman da" yuggi zoo: daxi: yug da" manggung joem ri voobyu yi da" shidkhoin" moo lang" to" da:.