ESTHA 2:7 - Lacid Common Language Bible

⁷ Nyang: moo: Hebre myeing khyo" Hadasa ga: da" nya: zoo-oug: Estha ga: zi nyid da:. Nyang: gi young" da" zoomyi: nu" nghoid wigi gung du: young" su: nghoid. Nya: myhi' phoo shid: lo" thang: ri Modekhai wigi nyang: ri shu" yu wigi nya: zoo: yo' dakhyo" khu: gyi: da:.

ESTHA 2:7 교차 참조

APOEM AYANG: 48:5

Yaku gi xo' lho: «Yoseb- Egutu mung" khyoo: ngoo ari" shi" ri nang yo" da" re" zooshang: tang: we' ngoo yo' sen:- Ephrim yo' Manashe tang: gi nga" zoo: Ruben yo' Simun tang: te"- nga" byukung: nyang: nghoid.

ESTHA 1:11

Nyang: gi khokham myhi' Vashti ri nya: bidmug zhung" pyam wigi ri" wa shid re" nyangnu" ri amyeing" byid: da:. Khokham myhi' gye" young" da" myiyi dayug nghoid wigi nya: da" young" ziri khokham pho gi nya: gyizoug: yi yo' being" voo yi dangain" ri ci: shug nau da:.

ESTHA 2:15

Khokham pho jhang Estha yhi: wa ayo, ju" ri" bye:. Estha gi Abihala da" myiyi zoo: nghoid wigi Modekhai da" nya: zoo:-oug: nghoid da:. Modekhai gi nyang: ri nya: myiyi: nu" yhang: ti" khu: to" da:. Estha ri myang da" yugkhang" moo" gi nyang: ri nheugshid: nheugdeug ngi: shab byid: ago". Estha da" akhyeing: ayo, ju" loo lang" khokham kho" mo myiyi: yiri yu" coung: da" unug Hegai phajhi" byid: wigi void nhang: zi za: nyang: void da:.

ESTHA 2:20

Estha koem' gi nyang: Yuda byumyu" nghoid ziri atid thu shi" nghoid da:. Hang" ri we' atid kyoo" wa shid re" Modekhai wigi nyang: ri tid to" wigi nyang: we' ngi shi" uri nya: dang: gyo: ziyo' dakhyoo" ti" he: moo" moo nyang: tid khyo" cang da:.

ESTHA 8:1

Hau: nyid" ri nyang: khokham Ahasuru gi Yuda byumyu" yi da" gyivoo Haman da" jonu" dangain" ri khokham myhi' Estha jhang byid: pyam da:. Estha gi Modekhai yo' bidnoem seing" cang" du da" khyoo: ri khokham pho jhang tid kyo" lho: hau: nyid" mo thang: phyang" Modekhai ri khokham pho da" shidkhoin" khyoo: vang yhi: wa akhang" byid: da:.

YOBA 31:17

Ngoo voem: zo: uri coug" zoo: nu" yiri zooyoid wigi anyid nhang:›

YOBA 31:18

Nga" apyaid dapyaid goin" moo nyangnu" ri ngoo yu" goin coung: loo bye:.

2~KORINTHU 6:18

Nanu" da" nya: phoo ngoo byui" wa nghoid wigi nanu" gi nga" da" yuggi zoo: yo' myiyi: zoo: yi bui" wa zi nghoid- ga: wigi athang agoin yoem: moo" bo da" Aseing: gi da tid nyid.

Ephesu 6:4

Myhi, phoo yi we"- nanu" da" nya: zoo: yi ri nheigloem: yoin" wa khyo" ci" we' akoid byid nyid goo"- hau" gung khoo:- nyangnu" ri Khristain byu nyid byu yab, khyoo: khyo" jhau" mo, khu: gyi: kaid' ge'.

1YOHAN 3:1

Yu" ge' Mangsoo gi ngoonu" ri khayhi' jheddab nyid lha". Nya: da" jheddab nheigloem: gi gye" gyi: zi nghoid wigi ngoonu" ri Mangso nya: zoo: yi ga: myeing byid: bye: ziyo' dakhyoo" ti"- gyeing" nyang: ngoonu" gi Mangso nya: zoo: yi nghoid boem bye- Nghoid loug we' mougmyid gi Mangsoo ri asi yoomo ngoonu" ri we' asi nghoid da.