ESTHA 10:2 - Lacid Common Language Bible

² Nyang: koid da" mau" pho" moo" zoo" joem yo' Modekhai ri myhang: da" gyizoug: joyoo aya: moo to' too" byid: da" khyoo: ri Persi yo' Medi khokham yi da" lhid" xoem" pug joem moo lhid" too" bye:.

ESTHA 10:2 교차 참조

1 KHOKHAM 11:41

Sholumon koid bye: khyoo:- nya: moo" zoo" yo' nya: phajhi" khyoo: dangain" ziri Sholumon da" mhoomyid: shen" dam pug moo: lhid" xoem" to" da:.

1 KHOKHAM 14:19

Khokham Yeroboam koid lid lo da" khyoo: aja: ja: nghoid da" meing: zain: khyoo: yo' khasu" vhoebkhang" lo khyoo: dangain" ri Israela khokham yi da" mhoomyid: shen" dam pug moo lhid" xoem" to" da:.

1 KHOKHAM 22:39

Khokham Ahab gi nya: khokham kho" ri xang: zei yo' koid pyam ziyo' nyang: de: da" voomoo" joem we' wigi nyang: koid lid: loo bye: da" moo" zoo" ja: khang" moo" ri Israela khokham yi da" mhoomyid: shen" dam pug moo lhid" xoem" too" bye:.

ESTHA 2:23

Sho: myid: joeb yu" ri lu dang: jo nyid ziri shau" myang yoomo eig yug goin" ri pyang" zeing moo lhang" said pyam ago". Khokham phoo gi he: ziri khokham mungdain: mhoomyid: lhid" xoem" bug moo lhid" xoem" too" wa shid re" amyeing" byid: kaid da:.

ESTHA 6:1

Hau: myen jang: khokham phoo gi ayo" yhoeb yoomo hau: khokham mungdain: da" yung" lhid" xoem" joem ri ci: re" lho: nyang: ri nghab kyoo" wa shid re" amyeing" byid: da:.

ESTHA 8:15

Modekhai gi khokham byisheing: moug: nyhoug yo' aphyu: lheig zi void- khalham" void zin: yung" pain" gi yo' khyoeb da" adang byi: void- sheing: bid moug yi yi ga: zi zhung" lho: khokham kho" mo thu lo" da:. Hau: thang: Susa voomoo" zeing da" fu" moo" khyoo: moo gau yi ngei pyo: ziyo' nyhoo: thui: byeung" byug da:.

ESTHA 8:2

Khokham phoo gi (Haman mo doem yu pyam byid: da" lo, pain") nya: dazid dab da" lo, pain" ri khyoid yu lho: Modekhai ri byid: da:. Estha gi Haman da" jonu" ri yu" coung: wa shid re" Modekhai ri vhujhung: koid nhang: da:.

ESTHA 9:4

Modekhai gi khokham kho" moo yoem: so' gyi: da" byu dayug bue" nyid bye: ziyo' nyang: gi je je yoem: so' gyi: re" nyid ziri mungdain: goin" khyi' khang" moo" moo se' lho: myeing gyi: nyid da:.

COUNG" NGHEI 18:35

Nang gi ngoo ri lhoug zung" goem coung: khyoid yu nyid. Re" da" yu" goem khyoo: gi ngoo ri gyi: myhang: loo nhang: bye:. Re" da" yoem: so' gi ngoo ri gau: nyu: nhang: nyid.

DANIELA 2:48

Hau: thang: nyang: gi Daniela ri myhang: da" aya: joyoo ri byid: lho: phoug" dab da" jhungshug myoo" sho' byid: da:. Nyang: ri Babelon mung" du moo vhoeb nhang: lho: khokham phajhi" byid: mo, da" vhujhung: khyo" moo" foin: to" da:.