ESTHA 1:3 - Lacid Common Language Bible

³ Nyang: khokham bue" zi soem" zain ein: zain ri nyang: gi nya: gyizoug: yi yo' moo" pyo: vhoebkhang" zoug: yi dangain" ri zoo: shug soin' wigi pui" koid byid: da:. Persi gyidab joem yo' Media gyidab joem we' hau: mung" du joem mo mung" zoug: yi nheigboo ludaid yi yo' dage" houg moo re" ju" nyid boem ago".

ESTHA 1:3 교차 참조

APOEM AYANG: 40:20

Soem" nyid" myang" thang: ri khokham phoo nya: da" co' phyed bidnyid moo nya: da" zoug: ludaid yiri zoo: shug zho" jhug. Nyang: gi nya: da" zabyid yhid: jang su: yo' moug zooyho' bung: su: tang: ri khe: thu yu lho: nya: zoug: ludaid yi jhang khyoo: shu" thu lo.

1 KHOKHAM 3:15

Mangsoo gi nyang: ri yhoebmo, moo dang: ji nyid ein: ziri Sholumon yhoeb so" re" ri boin: lo da:. Hau: thang: nyang: Yerusalem khyoo: yhe: wigi Aseing da" Dang: Theing Kuid: shidkhoin" moo yab lho: Aseing ri myi: nghe' xoin" joem yo' zoem" khau: xoin" joem ri ngei" byid: bye:. Hau: thang: nya: moo" voin bang: dangain" shid re" zoo: shug pui" daloem: koid byid: bye:.

EZRA 1:2

He: zigi Persi khosen Kuru da" amyeing" dang: nghoid. Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid.

ESTHA 1:14

Nyang: phajhi" je lhoung mho' bye: bang: gi Khashena- Shetha- Admatha- Tarshi- Mere- Marsena yo' Memukhan bang: nghoid ago". Persi yo' Media mung" mo he: gyizoug: yi nyhed yug gi nya: mungdain: mo gyi: thang da" zoug: yi nghoid ago".

ESTHA 1:4

Nya: da" khokham vang" moo yoo" zoo: yoo" shug khyoo: yo" gyi: sheung: reung: thang khyoo: ri lhammoo" khyug khyab ci: shug byid: da:.

ESTHA 2:18

Hau: thang: khokham phoo gi Estha ri ngi: shab da" khyo" zooshug pui" zeing daloem doo" zho" wigi nya: da" gyizoug: yi yo' tung vhoeb yi dangain" ri khi: zhoo" khi: jhug da:. Nyang: gi da mungdain: goin" moo Dougno: Bidnyid danyid" khyo" lu dang: pyo: lho: khokham dayug da" myeing gyi: jhungshug joem ri gam byid: da:.

ESTHA 3:7

Khokham Ahasuru vhoeb zi daxe: eig zain ein: zain- xang: shi" lhammoo" khyab nghoid da" Nisan khyab moo Haman gi nyang: myid soin' to" da" moo" ri zei: shid" wa bidnyid ri (Purim ga: nyangnu" myheing da:.) me" lab khyo" wigi shoug" sho: yu da:. Lhammoo" daxe: eig khyab nghoid da" Ada lhammoo" khyab daxe: soem" nyid" nyid" ri khyen: phyed da:.

ESAIA 21:2

Ngoo gi shen" yhen da" yoeb myang- gyivoo koid da" yoeb myang- byo, yoin" lo" da" yoeb myang joem ri shau" myang da:. Elam gyidab we"- khaid zain: we' Media gyidab we"- voomoo" joem ri vang: too" ge'. Babelon wigi bui" nhang: da" yau: khi" ri Aseing wigi thang loo" nyid wa.

YEREMIA 51:11

Aseing gi Media khokham yiri lhu: zhuang" kaid abye:. Ciwim gari nyang: gi Babelon ri phyo' shoin' pyam wa soin' to" da:. He: zigi nya: Noku Yhoem: Moo" ri phyo' shoin' pyam gang mo nyang: latoo: phug zi nghoid. Gyi khaid nyid da" gyizoug: joem gi «Nanu" myoo: ri coin: ge'. Nanu" goo joem ri jen" jen" koid ge'.

DANIELA 5:1

Damyen ri khokham Belshaza gi nheigboo ludaid yi dakhyeing" ri zoo: noem doo" byid: da" pui" zeing daloem: koid wigi nyangnu" dage" zabyid yhid: shug boem ago".

DANIELA 5:28

Byo, sain" lo zi re" mungdain: ri byo, soin" loo" nhang: wigi Mede yo' Persi bang: yiri byid: pyam da» ga: zi nghoid.

DANIELA 6:1

Dari gi nya: da" khokham mungdain: goin" moo mung" zoug: dasho: eigxi: yug ri joyoo byid: wa myid phyed da:.

DANIELA 8:20

«Nang shau" myang da" khyoug: eig loem: yug da" yang loo: gi Medi yo' Persi mungdain: eig loem: ri yoeb myang myang nhang: zi nghoid.

MARKU 6:21

Lo" thang moo Herodia gi Herod khokham" khu: lo da" bidnyid ju" lang" nyang: myid to" zi koid wa ayo, gi ri yo" yu abye:- Khasu wim ga: ri Herod gi nyang: khu: lo da" bidnyid ayo, moo Galile meing: mo vhu" she: nyid da" ludaid yi meing: zoug: yi yo' nya: gyi zoug: moo" yi ri khe: lho: zoo: pui" zeung doo" zho" nyid.