ESAIA 5:2 - Lacid Common Language Bible

² Nyang: gi myidgung ri du: lho: houg mo luggo, joem ri koid: shang: pyam da:. Houg: lho: ge thang da" zabyid nei ri sho" da:. Nyang: gi hau: joem ri zung" wa shid re" pyuzung daloem koid da:. Zabyid shi" nang: wa duang: daloem: du: da:. Nyang: gi zabyid shi" myheing yo, ri lang" nyid da:. Nghoid loug we' zabyid shi" khang" moo" gi jhen: da:.

ESAIA 5:2 교차 참조

YEREMIA 2:21

Ngoo gi nang ri ge thang da" myoug: shi" mo zabyid nei yhang: ti" sho" too" bye:. Nghoid loug we' nang ci bue" lo ziri yu" yu" we' nang gi ce: phoug" adab da" zabyid nei boeb yo' du da:.

1Korinthians 9:7

Gyizoo: khayug gi nya: zookhoo: voin lho: meing: zain: da" moo" zei: yu" la" Khyam: moo" zei: zo: yu" mo, hang" we'- nya: khyam: mo zabyid shi" ri aphyo' zoo: loo: nyid yu" boem la" yang zoem: bang: hang" we' nya: yang noug" ajhoeb' shoug byu boo go" la"

MARKU 11:13

Houg: lang" Yesu gi afu' mung" jo, da" lafoem dagam ri vi" mo myang kaid. Nyang: gi ashi" zei: la' ga" lafoem zeing yang: khyoo: yhe: lo". Nghoid loug we' lafoem shi" zei: yo, anghoid yoomo afu' za: te: mung" jo, ziri yhe: myang.

Roma 9:4

ngoonu" gi Mangsoo: khyen' yu to" da" byumyu" nghoid. Mangsoo: gi nyanu" ri zoo: gi joem khyo" coung" nghei tu: to' to" lho: nya: da" myonhoo: phung" yoeb, ri yo" bo kham: zoo: wa akhang" byid to. Mangsoo: gi nyanu" yo" dang: theing go" to" zi ri we' - tarha" byid: to" zi ri we' - deingmain" da" noku khyoo: ri we' - yo" yu lho: - nyanu" gi Mangso: da" dang: theing" khoin" joem ri yo" too" mo, nghoid.

MARKU 12:2

Zabyid shi phyo' ayo' ju" lang" nyang: gi khyam: nghoo" zei: mo, jhang khyoo: join, dayug ri khyam: nghoo" phoug" zabyid shi" mho' nhang: kaid.

MATHE 21:34

zabyidd" shi" myheing: yo' jhang loo lang" nya: dei, zoo: yi ri zabyid khyam: koid: mo, jhang khyoo: khyam: phoug" zabyidd" shi" ri mho' nhang: kaid.

MATHE 21:19

Khyoo: yam moo lafoem dagam' ri myang yoomo hau: seig gam poem: khyoo yhe: lho: seig gam moo afu' tho' moo gootu: ci" we' amyang lang" Aseing tid da" zigi «Nang moo khanham we' ashi" azei: loo: baja"» ga: tid. Houg: lang" lafoem gam gi kyoug shid: loo" khari" bye.

MIKHA 4:8

Hougsu" wigi yang zung" su: yo' dakhyoo" ti" Mangsoo gi nya: byumyu" yiri lhoug zung" nyid da" joyoo Yerusalem we"- nang gi re" khokham mung" bue" lid lo yu" bye: da" voomoo" zeing dalheing: doem bue" loo wa nghoid.

HOSEA 10:1

Israela byumyu" yigi zabyid shi" byeung" sho' zei: da" zabyid nei yo' du lo ago". Nyangnu" je yoo" zoo: yoo" shug loo lang" phoin: joem je myoo: sho' zhug lo ago". Nyangnu" mougmyid mo shivoo: ziyoo je thu lang" nyangnu" no' wa da" gyeung" shang: lug zeingboung: joem je zhug ago".

ESAIA 5:7

Israela gi myhang: thang Aseing da" zabyid khyam: nghoid da:. Yuda byu yigi nyang: sho" to" da" zabyid nei nghoid da:. Nyangnu" ge da moo" zei: wa ziri nyang: myid lang" da:. Nghoid loug we' hau: gungthid nyangnu" gi byu said moo" koid ago". Nyangnu" jo zi koid wa ziri nyang: myid lang" da:. Nghoid loug we' nyangnu" dam kham zoo: bang: gi tarha" deing byeung" ziri mho'’ yoid nyid ago".

ESAIA 1:8

Goem loem wa joyoo ajo, da" zabyid khyam: zung” yug da" zang yo' tung: khoo" khyam: mo zoem" khyam" yhang: ti" Yerusalem za: deing jo, lho: hau: voomoo" ri we' vang: to" da:.

NEHEMIA 13:15

Hau: ayo, moo Yuda mung" mo mung" byu yigi Dougno: Bidnyid ri zabyid shi" joem mo ayeing pyeig nyid boem ziri ngoo shau" myang da:. Gooji dayham" gi nyangnu" da" loo zei: joem too: moo shivoo:- zabyid yhid:- zabyid shi" joem lafoem' shi" joem yo' goo" ja: joem ri koid: soin' tho' lho: Yerusalem khyoo: yhe: lo" boem da:. Ngoo gi nyangnu" ri Dougno: Bidnyid moo ci: we' aoung" zoo: goo" ein: tid poin" bye:.

TARHA" AGYI 16:4

Hau: thang: ri Samson gi Soreg janggyoin: moo nyid da" Delila ga: da" myiyi: dayug ri yu" vho: da:..

TARHA" TID POIN" 32:6

Koo" bang: yo' nheig agyeing: da" byumyu" yi nanu" gi Aseing ri nanu" hid: su" koid eung: go" re". Nyang: gi nanu" da" nya: phoo- nanu" da" phain" so: Aseing nghoid da:. Nyang: gi nanu" ri byu damyu" bui" nhang: too" bye:.

GYUNG: SOO" 23:9

Myhang: da" lug pyo' mo nyangnu" ri ngoo myang. Ngoo gi nyangnu" ri bouggung mo yo" yu" nyid da:. Nyangnu" gi nyangnu" kyeing" nyid da" byumyu" nghoid da:. Nyangnu" gi gootu: byumyu" yi tho' mainkaid jeju" je yo" ziri se' ago".

THU' LO" MOUGSOUG" 33:16

Nang ngoonu" yo' dage" ayhe: nghoid rigi ngoo yo' re" byumyu" yiri nang vho: ngei nyid wa ga: zigi hang" yu" si' wa lha". Nang yo' ngoonu" dage" nghoid lang" she' mougmyid dang moo ngoonu" yo' gootu: byumyu" yi adu go" ziri yo" myang wa zi nghoid.

MATHE 21:33

«Dangtu' gootu: ri we' doem tam" gyo: yu" ge". Zabyid sho" to" da" khyam: seing: dayug nyid' nyang: gi khyam: kyam, lho: zabyid shi" pyeig wa duang: we' du: to. Do, pyu zung we' daloem: zhug to. Hau: thang ri nya: khyam: gi khyam: moo" zei: mo, ri nghoo" byid: khoo, lho: so" lo.

MARKU 12:1

Yesu gi dang tu, joem nyangnu" ri tid kyo" Byu dayug gi zabyid khyam: daloem: ri sho" nyheung to" lho: hau: ziri khyam: kyam, lheung to". zabyid pyeig wa duang: du: to" ziyo' joo zam daloem: ri we' nyham" to" lho: wigi khyam: koid zoo: mo, ri nghoo" byid: too" kho' lho: gyung: so" lo".

2 SAMUELA 7:10

Nga" Israela byumyu" yi shid re" joyoo dayoo yoo soin' to" wigi hau: joyoo moo nyangnu" nyid nyid lho: doin: zeig da" khyoo: ci: we' ajo, loo: za: nyangnu" shoug" nyid wa zi nghoid. Akhid" ju" sho' nyangnu" gi he: mung" khyoo: vang nyid zi nghoid wigi athoug" akhyoug: bang: wigi lhoem: khaid zain: ziri we' shoug" bye: zi nghoid. Nghoid loug we' doem bui" wa zi anghoid. Re" da" gyi yi dangain" bang: da" lo, mo laloem lanyu: zung" wa da" dang: theing ngoo to" too" bye:. Re" byumyu" akung: ako'' joem ri we' ngoo byid: wa zi nghoid.

COUNG" NGHEI 80:8

Nang gi Egutu meing: mo zabyid nei dakhaid ri yu ci: lo wigi gootu: byumyu" yiri nang khaid thu pyam lho: hau: ziri nyangnu" da" moug: moo: sho" to" abye:.

COUNG" NGHEI 80:9

Hau: da" zabyid gyi: joem gi myid jang: moo: cen' zoug lo" wigi gootu: byumyu" yiri nang khaid thu pyam lho: hau: ziri nyangnu" da" moug: moo: sho" to" abye:.

YEREMIA 11:17

«Ngoo myhang: thang Aseing gi Israela yo' Yuda ri sho" too" bye:. Nghoid loug we' akhid" ngoo gi hau: bang: ri byo, yoin" khyoo: yo' kyug tain' nyid bye:. Nyangnu" gi shoid zi koid yoomo he: ziri nyangnu" ri gyo" zang" abye:. Nyangnu" gi Bala yu phara" ri xoin" ngei" byid: yoomo ngoo ri nheig yoo: nhang: bye:» ga: tid.