ESAIA 4:6 - Lacid Common Language Bible

⁶ Nya: phung" yoeb gi nyid” moo bid lung ri bid shoem: byid: wigi moug: yo' uglid mo goug: nhang: wigi goug: goem joyoo koid byid: loo wa.

ESAIA 4:6 교차 참조

COUNG" NGHEI 27:5

Yau: khe" kyi" khyeug zi thoung" shau" da" bidnyid ri Aseing nyang: ngoo ri lhoug zung" byid: wa zi nghoid. Nya: da" Noku Yhoem: Moo" moo ngoo ri myenjham" nyid nhang: lho: myhang: da" lug moo" boem tho' moo ngoo ri gau: nyu: nhang: nyid.

COUNG" NGHEI 55:8

Ngoo gi lid doin: zoo" yo' uglid zeing mo loid loo" wa da" nga" khau: nghi: joyoo myab, myab, shoo: wa nghoid.

COUNG" NGHEI 91:1

Goem loem byid: khyoo: shoug" yu wa shid re" Aseing jhang ju" ri bang: hang" nghoid loug we' gyi: myhang da" goem loem byid: su: akhoug: moo shoug" khau: nghe: nyid su: nghoid bye:.

DANG: ZHOEM 18:10

Aseing gi geung: teung da" gyipyu, zung nghoid- Hougmoo: deingmain" mo, yo' yhe: lho: goug: nyu: tung" yo" khau: nyid ago".

ESAIA 14:32

Philisti mo zi ngoonu" jhang ju" re" da" lagyoo: yiri ngoonu" khasu" dang: byid: wa la". Aseing gi Ziun Voomoo" ri zhug to" lho: kyi" khyeug shau" da" nya: byumyu" yigi houg moo nyeing" za: gau: nyu: nyid wa ein: ziri nyangnu" ri ngoonu" tid kyoo" wa.

ESAIA 25:4

Myung bang: yo' asho" ajhen: bang: gi re" jhang phang: re" abye:. Yau: khi" shau" da" ayo, moo goem loem zi shau" abye: go". Uglid ri phang: khoug: wa shid re" joyoo nyangnu" ri nang byid: abye:. Nge" lung jang" mo khoug: wa shid re" bid shoem: byid: bye:. Anau akhyoid koid da" byu yigi ngam" yo, mo uglid yo' dayhang: ti'

ESAIA 30:30

Aseing gi yugkhang" moo" ri nya: phung" bo dang: ri shau" gyo: nhang: lho: nyang: nheig joem: yo: da" yoem: ri kham zoo: nhang: loo wa. Hau: zigi myiyham:- dalheing: dam vo da" moug:- leig voo khyo'- moug: moo" vo loo wa.

ESAIA 32:1

Dayo, moo jhug zug da" khokham dayug yo' tarha" deing byeung" da" khyo" vhoeb da" byumyu" vhujhung: yi nyid loo goo” wa.

ESAIA 32:2

Nyangnu" mo yugkhang" moo" gi lid mo khau: nghi: wa joyoo- Uglid mo phang: goug" wa joyoo yo' dayhang: ti" nghoid loo wa. Nyangnu" gi dain" pyoid yoo moo yau da" gyid zoo: gyung: yo' dakhyo"- moug: kyug myid kyug moo jo, da" lug moo" da" bid shoem: yoeb yo' dakhyoo" ti" nghoid nyid da:.

ESAIA 8:14

Nga" gyoug pho" gyeung" shang: zi yoomo byumyu" yi khyid: vhu" thung" leung boem da" lug boem yo' dayhang: ti" ngoo bue" nyid da:. Ngoo gi Yuda mung" byu yi Israela mung" byu yi yo' Yerusalem byu yi dangain" mo, myi" boem wa zi nghoid da" lhid' yo' dayhang: ti" bue" nyid da:.

EZEKIEL 11:16

«Akhid" ngoo tid nyid ziri pyoung" shu" loo" shau" da" re" byencang" yiri tid kyoo" we'. Ngoo gi nyangnu" ri ve: da" mungdain: joem moo yhe: nyid wa shid re" nhang: kaid lho: gootu: mungdain: joem khyoo: khaid sain" kaid su: nghoid. Nghoid loug we' ngoo gi nyangnu" yhe: nyid boem da" mougmyid joem moo nyangnu" yo' dage" bo nyid wa.

HEBRE 11:7

Ju" loo wa da" ayo, moo bue" loo wa da" amyang yu" shi" da" zi joem yo' sen: lho: wigi Mangsoo tid poin" nyid ziri No- a shau" gyo: zigi nyang: loem" jeung" nyid yoomo nghoid. Nyang: gi Mangso dang: ri tam" gyo: wigi Sang phoo lhid' daloem: ri zhug lho: nya: yhoem: ikoin deungkhu: ri yo" khyoid yu abye:. Hougsu" nghoid yoomo mougmyid ri nyang: dang: phyed' wigi No-a gi loem" jeung" khyoo: yo' sen: da" deingmain" da" agyid asoo: riyo" kham: yu abye:.

HEBRE 6:18

Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

Pang Shug 7:16

Nyangnu" gi thang: phyang" khanham we' zooyoid gyid shed ziyo' bid lhab, nge" loung zi we' shau" loo: goo" wa zi anghoid loo.