ESAIA 32:1 - Lacid Common Language Bible

¹ Dayo, moo jhug zug da" khokham dayug yo' tarha" deing byeung" da" khyo" vhoeb da" byumyu" vhujhung: yi nyid loo goo” wa.

ESAIA 32:1 교차 참조

2 SAMUELA 23:3

Israela Mangsoo dang: tid bye:. Israela ri lhoug zung" su: gi ngoo ri «Deingmain" ziyo' vhoeb khang" wigi Mangsoo ri gyoug phoug" wigi tarha" nyeung veung" khyo" vhoeb khang" da" khokham gi

COUNG" NGHEI 45:1

Khokham pho, shid re" he: da" jikhoin" ri ngoo lhid" da" uri nga" nheigloem: ung: khoug: moo young" du da" dang: yo' byeung" jo. Gye" reung da" mougsoug" lhid" sara: phoo ci: da" mhug youg: yhang: ti" nga" da" yhoo: gi dang: zhoem tid wa zi jen" jen" nghoid nyid.

COUNG" NGHEI 99:4

Zoug: myeing" ci: da" khokham we"- nang gi deungbyeung" khyoo: ri vho: ngei nyid. Nang gi Israela byumyu" yi da" akhoug: moo nyeung veung" khyoo: ri koid too" byid: bye:. Nang gi deungbyeung" khyoo: yo' gam mi gam shoo" yi da" khyoo: ri ci: lo abye:.

ESAIA 11:4

Nyang: gi myung shoo" bang: ri nyeung veung" khyo" dang: phyed byid: lho: asho" ajhen: bang: da" akho: akhang" ri goem loem byid: loo wa. Nya: amyeing" dang: moo mung" byu yi yooboo dam byid: zi shau" lho: akhyeing" da" bang: shid: loo" goo" wa.

ESAIA 11:5

Nyang: gi nya: byumyu" ri nyeung veung" ziyo' jhug zug ziyo' vhoeb loo wa.

ESAIA 16:5

Houg: lang" David da" amyed ashen yi mo dayug gi khokham bue" re" lho: nyang: gi mung" byu yiri jhug zug ziyo' jheddab myid yo' vhoebkhang" loo wa. Nyang: gi jo ziri koid wa shid re" myab loo wa. Tarha" nyeung veung" ziri myang ri" wa.)

ESAIA 28:6

Nyang: gi tarha" agyi yi khyo" dei byid: da" bang: ri tarha" deingmain" ziri se' da" myid ri byid: lho: gyi zain: ziri voomoo" khoem" duang: joem moo goem loem byid: boem da" bang: ri yoem: byid: loo wa.

ESAIA 33:5

Aseing gi gyi: sheung: yug nghoid o". Nyang: gi ja: khang" moo" ri vhoebkhang" nyid. Nyang: gi Yerusalem ri tarha" deingmain" ziyo' jhug zug khyoo: ri byeung" jo, nhang: loo wa.

ESAIA 4:6

Nya: phung" yoeb gi nyid” moo bid lung ri bid shoem: byid: wigi moug: yo' uglid mo goug: nhang: wigi goug: goem joyoo koid byid: loo wa.

YEREMIA 33:14

Aseing tid zigi «Israela byu yi yo' Yuda byu yiri ngoo byid: to" da" dangsoo" joem ri ngoo zei: pyeing byid: wa da" ayo, ju" lo nyid da:.

YEREMIA 33:15

Hau: ayo, moo deungmain" da" David amyed ashen dayug ri khokham khyo" ngoo khyen: yu wa. Hau: khokham phoo gi jo ziyo' tarha" deing byeung" da" moo" ri mungdain: goem: sho' moo koid loo wa.

EZEKIEL 37:24

Nga" da" dei zoo: David yhang: ti" da" khokham dayug gi nyangnu" da" khokham nghoid loo wa. Nyangnu" dangain" bang: gi vhoebkhang" zoug: dayug akhoug: moo zeing: foem: nyid lho: nga" da" tarha" joem ri jhug zug tung" tam" gyo: cang yhe: loo goo" wa.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

Roma 5:21

Yooboo gi byu ri yo" shid nhang: da" dangkang: nghoid ziyo' dakhyoo" ti" ngoonu" Aseing Yesu Khristu khyo" wigi Mangso: da" jeju" akhyoo" again gi ngoonu" ri apyaid' ato: kangso' khyoo: shu" yhe: lo" lho: deingbyeing" mo yo" bue" loo nhang: da" dangkang: nghoid.

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.