ESAIA 26:6 - Lacid Common Language Bible

⁶ Doin: zeig zo: zi shoug" kham bang: gi akhid" houg mo so" yen" ago". Nyangnu" khyid: yang: moo hau: ziri nang: nhe" pyam da:.

ESAIA 26:6 교차 참조

2 KHOKHAM 9:33

Yehu gi nyangnu" ri «Nyang: ri du" khyo' kaid ge'» ga: tid kaid da:. Nyangnu" gi nyang: ri doin: phyed khyo' kaid lho: nya: suid" joem gi pyiyam moo yo' myang: joem ri zain gyoin: lo" da:. Yehu gi nya: gyi myang: rheing" ri nya: gung tho' khyo" koin" pyeig lid: lo" da:.

ESAIA 11:4

Nyang: gi myung shoo" bang: ri nyeung veung" khyo" dang: phyed byid: lho: asho" ajhen: bang: da" akho: akhang" ri goem loem byid: loo wa. Nya: amyeing" dang: moo mung" byu yi yooboo dam byid: zi shau" lho: akhyeing" da" bang: shid: loo" goo" wa.

ESAIA 25:10

Aseing gi Ziun boem ri goem loem byid: loo wa. Nghoid loug we' Moba byu yigi nu: khyid" moo khoofoo: ri nang nhe" pyam ziyo' dayhang: ti" nang: nhe" pyam zi shau" boem wa.

ESAIA 28:3

Hau: yhid: yed vhujhung: yi da" nghoid boin: zigi khyid: yang: moo nang: nhe" pyam zi shoug" goo" wa.

ESAIA 29:19

Myung bang: yo' nheigloem: nyhoem: khyo' bang: gi Israela da" gyeung" shang: da" Aseing Mangso wigi byid: da" ngei pyo: ziri doem shoug" yu loo wa.

ESAIA 3:14

Aseing gi nya: byumyu" yi da" ludaid yi yo' vhujhung: yiri dang: phyed wa shu" lo da:. Nyang: gi hidsu" ga: yooboo zhug abye:. «Nanu" gi zabyid khyam: joem ri lhoid yu ago". Nanu" yhoem: gi sho" jhen: bang: mo lhoid yu da" zi joem kaid pyeing to" ago".

ESAIA 3:15

Nanu" gi nga" byu yiri doin: khyoeb pyam wa yo' sho" jhen: bang: ri jhoeb zoo: wa akhang" ayo" nghoid ago". Yoem: moo" bo myhang: thang Aseing ngoo tid too" bye:» ga: yooboo zhug da:.

ESAIA 37:25

Nang gi tungbau meing: moo gyid thung" du: lho: shug ziyo' re" gyizoo: yi khyid: yo' Nila lang ri nang: nhe" hei' pyam bye: ga: nang phau: lo da:.

ESAIA 60:14

Nanu" ri zeig zoo: boem bang: da" amyed ashen yigi nanu" jhang re" lho: Nyangnu" da" phau" myang: khyoo: ri ci: shug wa shid re" goeb pid loo goo" wa. Goonham' nanu" ri aphoug" akhyoid koid bang: dangain" nanu" khyid: yang: moo noku loo goo" wa. Nyangnu" gi nang ri ‹Aseing da" voomoo"› ‹Israela da" gyeung" shang: Mangso da" voomoo"- Ziun› ga: myheing loo goo" wa.

YEREMIA 50:45

Houg: yoomo Babelon voomoo" ri ngoo thougtheung bye: ziyo' hau: byumyu" yiri ngoo koid wa soin' to" khyoo: ri tam" gyoo: we'. Nyangnu" da" zooshang: yiri lang" she: khyoid pyam zi shau" boem goo" wa. Yugkhang" moo" gi gyoug dain zi shau" boem goo" wa.

DANIELA 7:27

Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.

ZEPHANI 3:11

Houg: da" bidnyid moo nga" byumyu" yi nanu" gi ngoo ri thougtheung da" khyoo" wigi sho: thu ca" loo: wa zi anghoid. Phoug: khuang lho: nheigloem: myhang: nyid bang: hang" nghoid loug we' ngoo khyen: thu pyam lho: nanu" gi nga" gyeung" shang: da" boem moo khanham we' doem yo" thougtheung loo loo: goo" wa zi anghoid.

MALAKHI 4:3

Ngoo moo" zei: lo da" bidnyid moo gi nanu" gi akhyeing" ashoeb bang: ri oung: pyam lho: nyangnu" gi nanu" da" khyid: voo khoug: mo pheilhoug: yhang: ti" bue" lo" byug goo" wa zi nghoid.

LUKA 10:19

Tam" gyoo: ge'- lhang: myu yo' gunggau" tho' moo yo" nang: led lo" lho: gyivo: da" yoem: so' dangain" ri yo" ung: pyam' wa da" amyeing"- Ana: ri ngoo nanu" ri byid: too" bye. Ceja: gyi we' nanu" ri ayo" ung: wa.

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

1Korinthians 1:26

Akhid" gi mangnhung" yi we"- nanu" ri Mangsoo khe: yu da" ayo, mo khyoo: joem ri myid yu" ge' Xangsu: byu yi da" myojid" khyo" yu" kaid shang ein: rigi- nanu" gi phajhi" lasi, laleig boo mo, Amyeing" akhang" yoo" mo, zau: byumyu" mo thu loo mo, myoo" sho' bo zi anghoid.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

YOSHU 10:24

Yoshu jang" khyoo: shu" lo" ago". Hau: thang: Yoshu gi Israela byu dangain" ri nya: jhang khe: yu wigi nyang: yo' dage" meing: zain: re" da" gyizoug: yiri re" lho: nyangnu" khyid: wigi khokham yi da" leung zeung: moo nang: wa shid re" amyeing" byid: da:. Nyangnu" we' hougsu" koid bye:.

Pang Shug 2:26

Ngoo vho: da" khyoo: moo lo" thang nyid" ju" sho' beung: abyid cang nyid khyo" yo" oung: loo" mo, ri nga" pho, jang" mo ngoo yo" yu da" amyeing" akhang" yo' dakhyoo" ti" ngoo byid: wa. Hau: da" amyeing" akhang" gi joto' lham: dung: yo' vhoeb, khang" lho: myid' zhoo" yam: joem ri agang gang asi" si"- mhoin' pyam yhang: ti"- nyangnu" gi byumyu" bain sho' tho' moo yo" oung: pyam' wa zi nghoid. Hau: boo" myhu: ri we' ngoo nyangnu" ri byid: shi" wa

Pang Shug 3:9

Yu" ge'. nyang: nya: da" gung du: ri yuda byu nghoid ga: mhau' tid yen" mo, satan da" phung: moo boo mo, ri re" da" khyid: yang: moo lo goeb pid' nhang: wa houg: lang" nang ri ngoo jheddab khyoo: nyangnu" se' lo boem wa.