ESAIA 2:4 - Lacid Common Language Bible

⁴ Nyang: gi gyi: sheung: da" byumyu" yi agyoo: moo tid ngeug ziri tid veing" byid: wa. Nyangnu" shamcoin" joem ri khoin’ baid lho: Nyangnu" lham: toid joem ri sham: thoo" baid yu goo" wa. Byumyu" yigi khanham we meing: adoem zain: loo: wa. Meing: zain: pa: shid re" khanham we’ adoem soin' loo: wa.

ESAIA 2:4 교차 참조

COUNG" NGHEI 110:6

Nyang: gi byumyu" yiri tarha" dang: phyed wa ziyo' meing: zain: pa: mo byu shid mang yo' byeung" loo" nhang: wa zi nghoid. Nyang: gi mougmyid gyab, goin" jang" mo khokham yiri soem" joem: lo" nhang: wa zi nghoid.

COUNG" NGHEI 46:10

Nyang: tid zigi Meing: zain: go" khyoo: ri no: pyam ge'. Ngoo gi Mangsoo nghoid- ngoo gi byumyu" yi da" mo, phung: gung moo: we' mougmyid pyaid goin" da" atho' moo: we' myhang: thang su: nghoid ziri si' we'.

COUNG" NGHEI 46:9

Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.

COUNG" NGHEI 82:8

Mangsoo we"- ri" we'. Mougmyid ri vhoebkhang" nyid we' byumyu" yi bain sho' bang: gi re" byu za: danghoid nyid boem.

COUNG" NGHEI 96:13

Nyang: gi mougmyid tho' mo byumyu" yiri nyeung veung" tarha" yo' gam mi gam shoo" yi vhoebkhang" nyid wa zi nghoid.

ESAIA 32:17

Yugkhang" moo" gi jo ziri koid loo wa yoomo ngei pyo: yug yo ziyo' goem loem zigi apyaid atoo: bui" jo, wa.

ESAIA 32:18

Mangso byu yigi myid myo: zi ajo, wa. Nyangnu" da" yhoem: ikoin deungkhu: joem gi ngei pyo: ziyo' goem loem jo, wa.

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 42:3

Nyang: gi nghoug jo, da" gyidpheing" youg: ri akhyau" pyam wa. kyi: kyi: za: date: dab da myikug ri we' asaid pyam wa. Nyang: gi dangain" mo, ri abei: abyo, tarha" deing byeung" ziri ci ri" byid: wa.

ESAIA 9:5

Jhen" vang re" da" gyizoo: yi da" khyid: baid joem yo' nyangnu" da" suid" dab da" byimi joem gi myi: wigi nghe' pyam shoug" ago".

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

HOSEA 2:18

Hau: ayo, moo ngoo gi siyoo gougnyhoug yo' ngho' joem dangain" ri dang: theing to" lho: nyangnu" gi nga" byu yiri dam atab goo" wa. Ngoo gi hau: mung" mo gyi zain: wa gyi jonu" dangain" ri yu pyam byid: wa. Shamcoin" dangain" yo' lid: dangain" ri yu pyam byid: lho: nga" byumyu" yiri yug yo ziyo' goem loem nyid nhang: wa.

HOSEA 2:20

Ngoo gi nga" dangsoo" ri zoem: ci: wigi nang ri nga" re" bui' nhang: wa. Houg: lho: nang gi ngoo ri re" Aseing khyo" kham: yu loo wa.

YOELA 3:10

Nanu" da" khoin joem ri shamcoin" baid pyam ge'. Shigam cu: da" sham: nghui" joem ri lham: toid baid ge'. yoem: neing: bang: lang" gyi khaid yhe: lo" ca".

YOELA 3:12

Byumyu" yigi byen soin' lho: dang: phyed lang: khoug: khyoo: ri" ca" bye:- hau: joyoo moo Ngoo Aseing gi ayam aqei: mo byumyu" yi dangain" ri dang: phyed wa shid re" zhung: jo, wa nghoid.

MIKHA 4:3

Nyang: gi byumyu" yi da" agyoo: moo we' Moug: ve: mung" yo' jang" mo yoem: so' gyi: bang: da" agyoo: moo we' tarha" dang: phyed byid: wa zi nghoid. Nyangnu" gi nyangnu" da" shamcoin" joem ri khoin' cam" baid lho: nyangnu" da" lham: toid joem ri bainren" baid pyam goo" wa nghoid. Byumyu" yigi khanham we' meing: zain: ayhi: noo" loo wa meing: zain: go" wa shid re" we' khanham we' asoin' ca" loo: wa.

ZEKHARIA 9:10

Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.

ACTS 17:31

Khasu" wim gari nyang: khyen: yu too" su: da" lo, khyo" wigi nyang: gi mougmyid gyab, goin" ziri dain: nyeung khyo" tarha" dang: phyed' wa da" bidnyid' ri mhe, phyed' to" abye:. He: Khyoo: yo' sen: lho: yug khang" moo" ri sag si: toin" shid' wa shid re" hau: yug ri shid: jang" mo doem, dei to' loo nhang: bye.

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.

1 SAMUELA 2:10

Aseing da" gyivoo yigi lhu: phyo' pyam zi thung" shoug" goo" wa zi nghoid. Nyangnu" ri thougtheung wa shid re" nyang: gi mougkhung: mo moug: goem: ri goem: nhang: wa zi nghoid. Aseing gi mougmyid gyab goin" ri tarha" dang: phyed byid: wa zi nghoid. Nya: khokham ri yoem: so' byid: wa zi nghoid. Nyang: khyen: to" da" khokham ri oung: doid loo" nhang: wa zi nghoid.