ESAIA 1:8 - Lacid Common Language Bible

⁸ Goem loem wa joyoo ajo, da" zabyid khyam: zung” yug da" zang yo' tung: khoo" khyam: mo zoem" khyam" yhang: ti" Yerusalem za: deing jo, lho: hau: voomoo" ri we' vang: to" da:.

ESAIA 1:8 교차 참조

YOBA 27:18

Akhyeing" su: yhoem: zhug nghoid loug we' phyoogang: yhoem: yhang: ti" anghoid lang" Yoothung" zung" da" join vhoo" kung: da" zoem" khyam" yo' dakhyo" nghoid da:.

COUNG" NGHEI 9:14

Houg: lang" ngoo gi Yerusalem voo byu yi shidkhoin" moo yo" yab jo, lho: ngoo nang ri coung" nghei khyoo: dangain"- nyangnu" ri yo" tid kyoo" wa zi nghoid.

ESAIA 1:7

Nanu" mungdain: gi jham" coug: youg bue" byug wigi nanu" da" voomoo" joem gi myidgung mo nghe" gyo" pyam to" abye:. Nanu" yu" nyid uri nyang: tungbau byu yigi nanu" mungdain: ri seing: yu pyam lho: ja: khang" moo" ri phyo' shoin' pyam ago'.

ESAIA 1:9

Myhang: thang Aseing gi byu dayham" ri anyid deing nhang: nghoid rigi Yerusalem gi Sodom yo' Gomora yhang: ti" bain sho' phyo' shoin' pyam zi shoug" wa nghoid da:.

ESAIA 10:32

Akhid nyid" gyivoo yigi Noba voogung moo nyid wigi Yerusalem voomoo" Ziun boem moo nyangnu" lo, zhoeb tu: yeing shug nyid ago".

ESAIA 29:3

Mangsoo gi voomoo" ri khaid zain: loo wa vang: to" wigi zung" nyid boem wa.

ESAIA 30:17

Gyivo gyizoo: dayug ri nanu" shau" myang boem lang" nanu" dakhyeing" yug gi tang" phang: loo" goo” wa. Gyizoo wim: yug gi nanu" dangain" ri tang" phang: loo" sho' yo" koid boem wa. Boug gung tho' mo dungkhoin: zeing mo lid wigi nanu" gyidab moo ci adeing wa.

ESAIA 37:22

Aseing tid zigi «Senakherib we"- Yerusalem voomoo" gi nang ri yi juang" pyam lho: aphoug" akhyoid koid abye:.

ESAIA 37:4

Asuri khosen phoo gi dei nyid da" Mangsoo ri aphoug" akhyoid rhui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

ESAIA 4:4

Aseing gi nya: yoem: so' khyo" wigi dang: phyed lho: byumyu" yi kyeing sain' pyam loo wa. Houg: lho: Yerusalem da" yooboo ri yo' houg mo shoin: gyoo" bye: da" suid" joem ri cid" pyam loo wa.

ESAIA 49:21

Houg: lang" nang gi nanya: gung ri ‹Nga" shid re" he: zooshang: yiri hang" khu: kaid la". Nga" zooshang: yiri ngoo ci: phyug pyam wigi zooshang: ayoo" loo›. Ngoo gi pyoung" shu" loo" shau" wigi khaid thu pyam shoug" bye:. He: zooshang: yiri hang" wigi khu: gyi: kaid la". Ngoo gi dayug kyeing" nyhid: too" shau su: nghoid. Houg ri he: zooshang: yigi khamo ju" re" boem la» ga: tid wa.

ESAIA 62:11

Aseing gi mougmyid gyab goin" ri fu" byid: nyid. Hau: zigi «Nanu" ri khyoid yu wa shid re" Aseing ju" lo nyid bye:. Nyang: khyoid yu to" da" byu yiri nyang: yo' dage" shu" lo nyid da» ein: Yerusalem byu yiri tid kyoo" we'.

ESAIA 8:8

Nyangnu" gi gyid khyoid yhang: ti" Yuda mung" khyoo: khyoid lid lo wigi kootho' ju" sho' no, wigi ja: khang" moo" ri nhe' pyam goo" wa» ga: tid. Mangsoo gi ngoonu" yo' dage" nyid. Pyo: ci: da" nya: dung joem gi mungdain: ri goem loem byid: loo wa.

YEREMIA 4:17

Houg: lho: yoothung" dain" daloem: ri lhoug zung" nyid da" byu joem yhang: ti" Yerusalem ri re" lheing khoem lhung too" goo" wa. Ciwim ga: ri nya: voobyu yigi Aseing ri thougtheung gyi koid bye:. Aseing tid too" bye:.

YEREMIA 6:2

Ziun voomoo" gi young" da:. Nghoid loug we' hau: ziri phyo' shoin' pyam loo goo" wa.

NGOUG JI: 2:1

Aseing gi nyang: nheig yo: wigi Ziun ri: ceig no, ziyo' nghoeb to". Nyang: gi mougkhung: mo gyi: sheung: reung: da" khyoo ri: byo, yoin" khyoo: bue" loo" nhang: bye:. Nyang: nheig joem: yo: lo da" bidnyid moo: nyang: gi nya: Noku Yhoem: Moo" rilang" she: pyam too" khari" bye:.

NGOUG JI: 2:6

Nyang: gi ngoonu" nyang: ri noku lid: lo da" Noku Yhoem: Moo" ri ajab, amoin" koid phyo sain" pyam byid: bye:. Nyang: gi gyeung" shang: bidnyid yo' doug no: bidnyid ri thang byug nhang: bye:. Khokham yo' khainjung phoo gi nya: nheig joem: yo: khyoo: ri dage" shoug" loem zo: abye: go".

ZEKHARIA 2:10

Houg: lho: Aseing tid zigi «Yerusalem bang: we"- jikhoin" khoin" lho: gau yi nyid we'. Khasu" wim gari ngoo gi nanu" da" akhoug: moo re" bo nyid wa zi nghoid» ga: tid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

YOHAN 12:15

Ziun voo we" agyug- Yu" we' re" da" khokham" zeing: gi Loozei: nu" moo zhoung: lho: juri" bye.