ESAIA 1:1 - Lacid Common Language Bible

¹ He: mougsoug" pug moo Yuda khokham yi nghoid boem da" Uzia- Yotham- Ahaza- Hezekia bang: vhoebkhang" da" ayo, gyoo: moo Amoz da" yuggi zoo: Esaia ri Mangso wigi pang shug da" Yuda mung" yo' Yerusalem voomoo" khyoo: ri tid da" mungdang: joem bo nyid da:.

ESAIA 1:1 교차 참조

2 KHOKHAM 15:1

Israela khokham Yeroboam II vhoeb zi eig xe: nyhed zain moo Amazia da" nya: yuggi zoo: Uzia gi Yuda khokham bue" lo da:.

2 KHOKHAM 15:13

Yuda khokham Uzia vhoeb zi soem" xe: goug: zain moo Yabesha da" yuggi zoo: Shalum gi Israela khokham bue" lo da:. Houg: lho: nyang: gi Samari ri lhammoo" dakhyab vhoeb da:.

2 KHOKHAM 15:32

Remalia da" yuggi zoo: Peka Israela khokham khyo" vhoeb zi eig zain moo Uzia da" nya: yuggi zoo: Yotham gi Yuda khokham bue" lo da:.

2 KHOKHAM 15:7

Uzia shid: lho: David voomoo" mo khokham loeb boug moo nyang: ri myhoeb shoung: pyam ago". Houg: lho: nya: yuggi zoo: Yotham gi nya: khoo: moo khokham xo' koid da:.

2 KHOKHAM 18:1

Ela da" yuggi zoo: Hoshea Israela khokham khyo" vhoeb zi soem" zain moo Ahaza da" nya: yuggi zoo: Hezekia gi Yuda khokham bue" da:.

2 KHOKHAM 19:2

Nyang: gi khokham kho" ri yoovoin yu yu" nyid da" Eliakim- khokham kho" moo" seing: nghoid da" Shebna yo' khainjung moo" yiri Amoz da" yuggi zoo: lapi: Esaia jhang nhang: kaid da:. Nyangnu" we' jid: moo" byimi void ci: ago".

2 KHOKHAM MHOOMYID: 26:1

Yuda byumyu" yi dangain" gi nya: pho khoo: moo khokham xo' koid wa shid re" Amazia nya: yuggi zoo: apyaid daxe: khyug zain nghoid da" Uzia ri coem' khyen: boem ago".

2 KHOKHAM MHOOMYID: 26:22

Amoz da" yuggi zoo: Lapi: Esaia gi khokham Uzia nyang: vhoeb lo da" ayo, gu: mo nyang: koid lo da" gootu: moo" dangain" lhid" xoem" to" da:.

2 KHOKHAM MHOOMYID: 27:1

Yotham gi apyaid eig xe: wim: zain moo khokham bue" lo wigi Yerusalem moo daxe: khyug zain vhoeb nyid da:. Nya: myhi' gi Zadog da" nya: myiyi: zoo: Yerusha ga: su: nghoid.

2 KHOKHAM MHOOMYID: 28:1

Ahaza gi apyaid eig xi: zain moo khokham bue" lo wigi nyang: gi Yerusalem moo daxe: khyug zain vhoeb nyid da:. Nyang: gi nya: phoug" phyid" khokham David da" ge avoid ri acang nghoid da:. Hau: gungthid nyang: gi Aseing ri avho: ngei nhang: da" moo" joem ri koid da:.

2 KHOKHAM MHOOMYID: 29:33

Nyangnu" gi nu: loo 600 du: yo' yang 3000 du: ri we' byumyu" yi zoo: wa xoin" joem khyo" ci: re" boem.

COUNG" NGHEI 89:19

Goonham' dalheung: ri re" da" yoeb myang daloem: moo re" nheigloem: zung" da" dei zoo: yiri nang tid zigi hid: su" nghoid. Myeung gye" fu" da" gyizoo: dayug ri ngoo khyen: yu wigi khokham zhungtang ab byid: bye:.

ESAIA 13:1

He: zigi Amoz da" yuggi zoo: Esaia gi Mangso jang" mo kham: yu da" Babelon yo' sen: da" mungdang: nghoid da:.

ESAIA 2:1

He: zigi Yuda mung" yo' Yerusalem yo' sen: wigi Amoz da" yuggi zoo: Esaia ri Mangso wigi byid: da" mungdang: nghoid da:.

ESAIA 20:2

Aseing gi soem" zain shid" lho: Amoz da" nya: yuggi zoo: Esaia ri nyang: void ci: da" jid: moo" mi joem yo' khyid: zhung" ri khyoid pyam wa shid re" tid da:. Nyang: gi tid dang: tam" gyo: wigi shoocen: doem- khyid: cen: so" lheing: yen" da:.

ESAIA 21:2

Ngoo gi shen" yhen da" yoeb myang- gyivoo koid da" yoeb myang- byo, yoin" lo" da" yoeb myang joem ri shau" myang da:. Elam gyidab we"- khaid zain: we' Media gyidab we"- voomoo" joem ri vang: too" ge'. Babelon wigi bui" nhang: da" yau: khi" ri Aseing wigi thang loo" nyid wa.

ESAIA 37:2

Nyang: gi Khokham kho" ri yoovoin yu yu" nyid da" Eliakim- Khokham kho" moo" seing: nghoid da" Shebna yo' khainjung moo" yiri Amoz da" yuggi zoo: Esaia jhang nhang: kaid da:. Nyangnu" we' jid: moo" byimi void ci: ago".

ESAIA 38:1

Hau: ayo, moo khokham Hezekia gi no re" lho: shid: lo" nyid da:. Amoz da" yuggi zoo: Lapi: Esaia gi nyang: ri yhe: yu" lho: «Ja: khang" moo" ri nyheing soin' too" wa shid re" Aseing nang ri amyeing" byid:. Ciwim gari nang noo agi wa. Shid: wa soin' we'» ga: nyang: ri tid da:.

ESAIA 40:9

Yerusalem we"- myhang: da" boem tho' khyoo: do, lo" lho: lu dang: gi ri tid fu" we'. Ziun we"- thui: zeing yo' nyho: wigi Lu dang: gi ri tid fu" we'. Tid thu' we' agyug noo". Nyangnu" Mangsoo ju" re" nyid da" khyoo: ri Yuda voogung joem ri tid kyoo" we'.

ESAIA 6:1

Khokham Uzia shid: da" zain ri ngoo gi Aseing ri shau" myang. Nyang: gi nyang: wigi ngi: shab to" da" nya: zhungtang moo zhung: jo, da:. Nya: byisheing: gi Noku Yhoem: Moo" goin" moo byeung" jo, da:.

ESAIA 7:1

Uzia da" nya: myid:- Yotham da" yuggi zoo:- khokham Ahaza Yuda mung" ri vhoeb uri meing: byo, thu lo da:. Suri khokham Rezin yo' Pekaha ga: su: Remalia da" nya: zoo:- Israela khokham gi Yerusalem ri meing: zain: da:. Nghoid loug we' hau: ziri ayo" seing: yu pyam nghoid da:.

YEREMIA 23:16

Myhang: thang Aseing Yerusalem byu yiri «Lapi: yi tid da" dang: ri atam" gyoo: goo". Nyangnu" gi nanu" ri ajo da" myid byu khyoo: ri za: pyeing byid: wa. Nyangnu" gi nyangnu" shau" myid ziri nanu" ri tid lho: ngoo tid to" ziri atid nghoid ago".

EZEKIEL 1:1

Apyaid soem" xi: zain lhammoo" myid: khyab wim: nyid" ein: nyid" ri Buzi da" yuggi zoo: ngoo khainjung Ezekela gi pyoung" she: nyhid: too" shau" wigi Yuda byumyu" yi yo' dage" Babelon mung" Kheba gyid yam moo nyid nyid. Mougkhung: bang" lo wigi Mangso yoeb myang ri ngoo myang. (

HOSEA 1:1

He: mungdang: gi Yuda mung" mo Uzia- Yotham- Ahaza yo' Hezekia bang: khokham bue" wigi Israela mung" moo Yehosha da" nya: yuggi zoo: Yeroboam khokham bue" da" ayo, gyoo: moo Beri da" nya: yuggi zoo: Hosea ri Aseing wigi byid: da" mungdang: nghoid da:.

AMO 1:1

He: da" mungdang: gi Tekoa voogung mo yang zung" su: Amo da" mungdang: joem nghoid. Yuda mung" moo Uzia khokham bue" lho: Yosha nya: zoo: Yeroboam gi Israela khokham koid nyid uri myid leug aleug shi" da" eig zain moo Mangsoo gi Israela yo' sen: lho: he: khyoo: dangain" ziri Amo ri pang shug bye:.

AMO 4:5

Shid vhu" khyoo: yhe: lho: nanu" da" zooyho' joem ri Mangsoo ri jeju" boin: jhungshug khyo" byid: we'. Hau: lho: nanu" ci: re" ngei" xoin" yo' gootu: khougvhoid jhungshug shid re" phoug: khuang we'. He: zigi nanu" nau zei: ge' da" moo" nghoid.

MIKHA 1:1

Yuda khokham Yotham- Ahaza- Hezekia bang: da" ayo, moo Aseing gi Morashed byu Mikha ri he: lu dang: byid: bye:. Aseing gi Mikha ri Samari yo' Yerusalem voomoo" yo' sen da" khyoo: dangain" ri pang shug bye:.

NAHUM 1:1

He: zigi Elkosha byu Nahum khyo" Nineve da" khyoo: myang da" yoeb myang mungdang: daloem: nghoid.

HABAKU 2:2

Aseing gi ngoo ri hidsu" ga: phoug tid «Ngoo pang shug da" mungdang: ri yu" kaid yo' myab yo" nghab wa khyo" hau: ziri lug pyi" yho' joem tho' moo bang bang lhid" too' we'.

GYUNG: SOO" 12:6

Houg: lho: Aseing gi «Akhid" ngoo tid wa da" dang: ri tam" gyoo: ge'. Nanu" phung: gung moo lapi: yi nyid uri ngoo gi nyangnu" ri myo, myang myang jang" moo: ngoonya: gung ri ci: shug byid: wa zi nghoid. Yhoebmo, moo: nyangnu" ri dang: tid wa.

GYUNG: SOO" 24:16

Nyang: gi Mangsoo tid da" dang: ri yo" shau" gyo: yug nghoid. Nyang: gi myhang: thang jang" mo re" da" lasi laleug ri shoug" yu su: nghoid. Ngoo yu" mo, nyid uri yoem: bo thang da" Mangso wigi ci: shug byid: da" avoid da ja: ri myang.

GYUNG: SOO" 24:4

Nyang: gi Mangsoo tid da" dang: ri yo" shau" gyo: yug nghoid. Ngoo yu" mo, nyid uri yoem: bo thang da" Mangsoo wigi ci: shug byid: da" avoid daja: ri myang.

MATHE 17:9

Hau: thang: ri Aseing Yesu yo' nya: cangzoo: yi gi boem mo doem gyoo" lo ago". Houg: su" zheung: gyoo" lo da" uri Aseing Yesu gi «nanu" shau" myang bye: da" khyoo: joem ri Byu da" nya: zoo: shid: jang" mo doem dei to' lo da" bidnyid ju" sho' hang" ri we atid kyoo" goo"» ga: wigi cangzoo: yi ri toung: to".

ACTS 10:17

Petru gi he: da" yoeb, myang ri myid mau" nyid shi" uri koneli wigi nhang: kaid' da" byu yi gi Simun da" yhoem: ri sho: myed: yu" lho: nyangnu" gi yhoem: pain' khoem" moo" duang: moo re" yab, jo, boem bye.

ACTS 26:19

Hougsu" nghoid yoomo Khokham" Agripa we" - moug: Khung: khyo" toin" shid' da" myo, myang ri ngoo gi angeug pyam.

2~KORINTHU 12:1

Phau: khuang khyoo: gi akyu" aboo nghoid loug we hau: Aseing: jang" mo pang shuog da" khyoo: yo' myo, myang yo' sen: wigi ngoo phau: khuang kyoo shi" wa.

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".