DANIELA 9:27 - Lacid Common Language Bible

²⁷ Hau: vhoebkhang" su: gi byu myo" sho' yo' nyhed zain mo geing: teing da" myid veing" khyoo: ri yo" yu to" loo wa. Houg: lho: hau: ayo, agung dayi" lid lo" da" uri xoin" too" byid: ziyo' alu jhungshug ngei" byid: khyoo: theing: pyam loo wa. Gyug mau" pho" ziri Noku Yhoem: Moo" mo myhang: thang joyoo moo to" to" wigi hau: zigi hau: joyoo mo hau: ziri to" too" yug shid re" Mangsoo soin' to" da" lo" thang moo ju" sho' jo, jo, wa.

DANIELA 9:27 교차 참조

ESAIA 28:15

Shid: bang: yo' myid veing" khyoo: koid too" bye: Moovo moug: ju" sho' myid veing" khyoo: koid too" bye: ga: nanu" phau: ago". Yau: khi" kyi" khyeug ju" lo uri nanu" ri teing too" khoo' wa ga: gyeing" nyang: myid loem nyid ago". Ciwim gari nanu" ri goem loem byid: wa shid re" anghoid zi tid lho: mhoug fain" ziri nanu" khau: nghe: yoomo nghoid ago".

ESAIA 28:22

Nanu" ri ngoo tid poin" byid: nyid ziri ayi juang" pyam goo". Nanu" hougsu" koid boem nghoid rigi nanu" phang: loid wa je wigi yau: loo wa. Myhang: thang Aseing gi mungdain: goin" ri phyo' shoin' pyam wa myid phyed da" khyoo: ri ngoo shau" gyo: too" bye:.

ESAIA 42:6

«Ngoo Aseing gi mougmyid tho' moo tarha" deing byeung" zi koid too" bye: ziri yu" wa shid re" nyang: ri ngoo khe: yu wigi yoem: so' byid: too" bye:. Ngoo gi: nang khyo" wigi byu dangain" yo' dang: theing koid wa. Ngoo gi nang khyo" wigi byumyu" yi jang" moo bidbang ci: ri" byid: wa.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 55:3

«Nga" byumyu" we"- akhid" tam" gyoo: ge' nga" jhang loo ge'. Nga" jhang loo we'. Nanu" kangso' yo" yu wa. Ngoo gi nanu" yo' dang: theing myang" sho' koid wa. David ri ngoo dangsoo" byid: to" da" mainkaid jeju joem ngoo nanu" ri byid: wa.

YEREMIA 7:30

Yuda byumyu" yigi akhyeing" khyoo: daja: koid abye:. Nyangnu" gi ngoo ngheing" da" soolhoo: joem ri nga" da" Noku Yhoem: Moo" moo to" wigi hau: ziri agyeungshang: bui" nhang: abye:.

DANIELA 11:31

Nya: da" gyizoo: yi dayham" gi Noku Yhoem: Moo" ri thung" khyo" ayung" alho' koid pyam wa. Nyangnu" gi nyid" khang" moo" ngei" byid: da" xoin" ri toem' pyam lho: gyoug mau" pho" ziri tu: zhug too" wa.

DANIELA 11:36

«Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

DANIELA 12:11

Nyid" khang" moo" xoin" ngei" zi theing: byug da" ayo, mo nghoid wigi hau: zigi gyoug dain pho" ayo, mo 1290 nyid" lid loo" wa.

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

DANIELA 8:13

Hau: thang: moug: lagyoo: dayug gi gootu: dayug ri «Hau: yoeb myang moo shau" myang da" he: gu gi khamyhang myang" sho' xo' bue" nyid wa ga: lug lha". Nyid" khang" nyid" mo xoin" joem joyoo mo gyoug ci ca" ja: yooboo ri khamyhang myang" sho' thid jo nyid wa lug lha". Mougkhung: gyidab yo' Noku Yhoem: Moo" ri khamyhang ju" sho' nang: nhe" to" zi shoug" goo" wa lug lha"» ga: myid: da:.

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

MATHE 24:15

«Lapi: Daniela kho" kyoo" khare" da" ‹gyoug dain' ca" da" aco' ajhoid da"› zigi gyeungshang: da" joyoo moo yab jo, ziri nanu" myang wa.» (Mougsoug" nghab' su: se' gyoo: baja")

MATHE 26:28

He: da" zigi nga" suid" nghoid. He: da" suid" yo" Mangsoo dang: theing da" dazid thoug" too" bye. Byu myoo" sho' mo da" yooboo ri khyoid pyam byid: wa shid re" shoin: pyam da" nga" suid nghoid.

MATHE 27:51

Hau: da" uri kyu" mho' yhoem: moo" khoug: mo pain" xiyam gi aphyoo" mo apoem: ju" sho' eig gang gyam: dang: gyo" loo" khare". Myid leig we' leig lho: lung: moo" boem joem we' gyam: lo".

MARKU 13:14

Houg: su: wigi-hau: yu" dain sho' da" aco' ajhoid zigi atoo" eung: da" jo, yoo moo to" to" ziri nanu" shau" myang lang gi (Moug soug" nghab nyid su: gi dang: se' gyoo: kang: wa) Yuda mung" moo nyid mo, gi boem tho' khyoo: phang: loo" goo" baja".

LUKA 21:20

Yerusalem voo moo" ri gyivoo joem re" lheing: kham: ci: ziri nanu" myang da" uri hau: voo byo, loo" wa zi jhang bye: ein: si' loo: ge'.

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

Roma 11:26

Hau: thang: rigi Mangso: wigi Israela damyu" goin" khyoid' yu shau" wa zi nghoid. Jhoem: mungdang: moo Khyoid' yu da" Aseing: gi Zion boem mo thu' re" lho: Yaku da nya: myid: nya: zoo: yi jang" mo anyhoin: athung" khyoo: dangain" ri soid' pyam' wa nghoid. - ga: wigi toin" shid' wa zi nghoid.

Roma 5:15

Nghoidloug we' hau: eig yug gi adu goo". Mangsoo: gi akyu" jeju" koid' da" khyoo: yi we' Adam: yooboo koid' zi gootu: tu: nghoid yoomo nya: eig yug gi adu goo" da. Byu dayug shoid' vhang: yooboo mo - byu bain sho' mo shid: wa khyoo: bue" lo ga khyoo: gi deing nyid. Nghoidloug we' Mangsoo: da" lhoid byoin jeju" gi gootu: byu dayug nghoid su: Aseing Yesu Khristu da jeju" khyo" byu myoo" sho' mo, mainkaid jeju" gi - gootu: tho' mo je ge zi nghoid.

Roma 5:19

Byu dayug gi Mangso: da" dang: ri atam" gyo: da" akhyoo" gi byu dangain" mo yooboo yoo" mo bue" lo zi yo" dakhyoo" ti" byu dayug Mangso: da" dang: ri tam" gyo akyu" yoomo byu dangain" mo Mangso: da" shid' khoin" moo- deingbyeing" mo yo" bue" loo wa.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.