DANIELA 8:22 - Lacid Common Language Bible

²² Xang: shi" da" khyoug: gyau: lo" uri yug thu re" da" khyoug: myid: khyoug: gi Hau: mungdain: go, sain" lo" lho: hau: joem gi xang: shi" mo mungdain: yhi' yoem: aboo goo" wa ziri yeing lho: yoeb myang myang zi nghoid da:.

DANIELA 8:22 교차 참조

DANIELA 11:4

Nghoid loug we' nya: da" yoem: so' myhang: lo uri nya: da" mungdain: moo" byo, yoin" lo" lho: myid: gang go, loo" khari" wa. Nyang: mo akhu: myhu: kaid da" Khokham yi nya: khoo: moo thid vhoeb loo goo" wa. Nghoid loug we' nyangnu" gi nyang: yo" lid lo da" hau: yoem: so' ri ayoo" goo" wa.

DANIELA 7:6

Ngoo zung" yu" nyid uri gootu: gougnyhoug lam" dadu: thu lo da:. Hau: du: gi myeung khuid" yo' du nghoid loug we' nya: da" nungkhung: moo ngho' dung yhang: te" zi dung myid: dung dab da:. Houg: lho: nyang: moo vhuloem myid: loem: dab da:. Nyang: ri yu" ri amyeing" akhang" bo yhang: ti" nghoid nyid da:.

DANIELA 7:7

Ngoo lang" yu" nyid ri myid: du ein: da" gougnyhoug lam" thu lo da:. Hau: du gi yoem: so' gyi: wigi yu" gyoug yu" lhoung:- gyoug dain wa yhang: te" zi nghoid da:. Gyi: da" nya: joto' zei boung: joem wigi nya: zoo: shoo" joem ri ngaid khyam" pyam lho: nyang: gi hau: joem ri nang: pye" pyam da:. Hau: du: gi gougnyhoug lham" goodu: yo' adu- nyang: mo khyoug: daxi: loem: yug da:.

DANIELA 8:21

Coidbaid gi Greek mung" ri yoeb myang myang nhang: zi nghoid. Houg: lho: myojid" eig loem agyoo: mo khyoug: yug ze jo, ziri xang: shi" yug ein: da" khokham nghoid da:.

DANIELA 8:23

Hau: mungdain: joem da" lo" thang ayo, ju" lo nyid wigi nyangnu" gi yooboo dam kham zoo: wa shid re" gye" akhyeing" ashoeb bue" re" uri nheigloem: thain:- akyang age ziyo' mhau' fain" da" khokham dayug nyid thu loo wa.

DANIELA 8:3

Houg: lho: hau: gyid yam moo khyoug: sheung: eig loem: yug da" yang loo: dadu: ri shau" myang. Khyoug: daloem gi gootu: dakhyoug: tho' je sheing: lho: je aseig nghoid shi" da:.

DANIELA 8:8

Coidbaid gi je je nghoid boin lo da:. Nghoid loug we' nya: da" gyi: thang da" yoem: so' ein: wa khyoug: gi gyau: byug bye:. Nya: khyoug: khoo: moo yoem: gyi: da" khyoug: myid: loem yug thu re" ago". Myid khyoug: goin" gi dakhyoug: dashoid khyoo: yeing thu lo da:.

ZEKHARIA 6:1

Ngoo doem yu" nyid ri gyid: mid" boem eig boem da" agyoo: mo gyi myang: rheing" myid: loem: thu lo ziri myang.