DANIELA 7:20 - Lacid Common Language Bible

²⁰ Houg: lho: ngoo gi nya: da" vhuloem moo khyoug: daxi: loem: da" khyoo: yo' thang: moo cang yug thu re" da" khyoug nu" gi hau: khyoug: soem" loem: ri Kuid: gyoo" loo" nhang: ziri si nau da:. Nyang: moo myojid" joem yo' nghoid boin tung" phau: tid da" nhoid daloem: dab da:. Khyoug: hau loem gi goo" loem: tho' je yu" gyoug sho' zi nghoid da:.

DANIELA 7:20 교차 참조

DANIELA 7:11

Ngoo yu" nyid uri khyau: nu" phau: nyid ziyo' nghoid boin: dang: tid nyid zi shoug" gyoo: shi" da:. Ngoo zung" yu" nyid ri myid: du: ein: wa da" gougnyhoug lam" ri said pyam ago". Houg: lho: nya: manggung ri myiyham: khoug khyoo: she: pyam khyo' kaid wigi nge" jhoem" pyam ago".

DANIELA 7:19

Hau: thang: myid du: ein: da" gougnyhoug lam" da" khyoo: ri se' lung: nau shi". Hau: ziri gootu: gougnyhoug lam" joem yo' adu- yu" gyoug yu" lhung: tung" zoo: shoo" joem ri nya: da" gyid: mid" lo, sain"- khyi: sain" joem yo' joto' zei joem wigi ngaid khyoeb pyam ziyo' hau: joem ri nang nhe" pyam da:.

DANIELA 7:21

Ngoo yu" nyid uri hau: khyoug: gi Mangso da" byumyu" yiri meing: zain: wigi nyangnu" ri oung: pyam da:.

DANIELA 7:23

He: zigi ngoo ri byid: to" da" tid sho' kyo" da" khyoo nghoid da:. Myid: du ein: da" gougnyhoug lam" gi mougmyid dang moo ju" ri" wa mungdain: nghoid wigi hau: zigi mungdain: gootu: dangain" yo' adu wa. Hau: zigi mougmyid daloem: goin" ziri ngaid khyoeb myhau: pyam ziyo' nang nhe" khyo' pyam loo wa.

DANIELA 7:7

Ngoo lang" yu" nyid ri myid: du ein: da" gougnyhoug lam" thu lo da:. Hau: du gi yoem: so' gyi: wigi yu" gyoug yu" lhoung:- gyoug dain wa yhang: te" zi nghoid da:. Gyi: da" nya: joto' zei boung: joem wigi nya: zoo: shoo" joem ri ngaid khyam" pyam lho: nyang: gi hau: joem ri nang: pye" pyam da:. Hau: du: gi gougnyhoug lham" goodu: yo' adu- nyang: mo khyoug: daxi: loem: yug da:.

DANIELA 7:8

Hau: khyoug: joem ri ngoo zhug yu" nyid uri khyoug joem agyoo: moo khyoug: nu" daloem: yug thu re" ziri ngoo shau" myang. Hau: khyoug: nu" gi houg: moo yug jo, bye: da" khyoug: soem" khyoug: ri phoin:” pyam byid: da:. He: khyoug moo byu xangsu" da" myo jid" joem dab lho: nghoid boin: tung" phau: tid da" nhoid we' dab da:.

Pang Shug 12:3

Hau: lho: moug: laid' phyoo" mo mau" pho" khyoo: daja: gi bidmug rizhoung" ci: da" vhuloem nyhed loem: dab, lho: khyoug: daxi: khyoug: youg da" main, jung: ni, zeing dadu: thu' lo.