DANIELA 6:27 - Lacid Common Language Bible

²⁷ Nyang: gi khyoid khyu: yu wigi loid byoin nhang: da:. Nyang: gi mougkhung: yo' mougmyid tho' moo mau" pho" ziyo' mau" pho" alhoo: again joem koid da:. Nyang: gi Daniela ri khang: khyi joem wigi said pyam wa jang" mo khyoid yu da» ga: lhid" kaid da:.

DANIELA 6:27 교차 참조

YOBA 36:15

Nghoid loug we' Mangsoo gi byu yiri yau: khi" yo' jhau" shid lho: Nyangnu" da" myojid" joem ri phang wa shid re" nheigloem: thang ziri ci: yhung: da:.

COUNG" NGHEI 145:13

Re" da" vhoeb khang khyoo: gi pyaid moo: too" moo: dageung: jo, lho: wigi apyaid atoo: mo khokham phoo nyang: nghoid bye:.

COUNG" NGHEI 18:48

gyivoo joem da" lo, mo ngoo ri khyoid yu o" Aseing we" nang gi ngoo ri nga" gyivoo joem ri oung: loo" nhang: lho: wigi akhyeung" byu yi da" gyi mo ngoo ri goem coung: yu bye:.

COUNG" NGHEI 18:50

Mangsoo gi nya: khokham ri gyi" sho' da" oung: doid lo" khyoo: byid: bye:. Nyang: gi nyang: khyen: yu to" da" David yo' nya: byukung: byuko, yiri pyaid moo: too: moo: jheddab nheigloem: toin" shed nyid.

COUNG" NGHEI 32:7

Nang gi nga" khoug: loo lug ug- nang ngoo ri yau: khe" khyoo: mo khyoid yu loo wa zi nghoid. Nang gi ngoo ri lhoug zung" goin coung: byid: yoomo ngoo gi re" da" khyoid yu khyoo: ri thui: moo" yo' coung" nghei jikhoin" khoin" nyid wa zi nghoid.

COUNG" NGHEI 35:17

Aseing we" nang khamyhang ju" sho' yu" nyid shi" wa lha". Nyangnu" ngoo ri: zain: lo jang" mo lhoid pyoin yu we'. He: khangkhyi joem phung: mo nga" kangso' ri khyoid yu we'.

COUNG" NGHEI 97:10

Akhyeung" khyoo: ri ngheung nyid mo, rigi Aseing jheddab nyid. Nyang: gi nya: byumyu" yi ca" kangso' ri goem loem yu byid: nyid wigi akhyeing" bang: da" yoem so, khoug: mo we' nyangnu" ri khyoid yu nyid.

YEREMIA 10:10

Nghoid loug we' Mangsoo we"- nang gi deingmain" da" Aseing nghoid da:. Nang gi kangso' dei da" Mangsoo nghoid wigi apyaid atoo: mo khokham nghoid da:. Nang nheig yoo lang" mougmyid noin" da:. Byumyu" yi re" nheig yo: khyoo: ri atho' zeing: kham: nghoid da:. (

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 4:31

Hau: dang: khoin" joem nya: nhoid mo athu shi" re- mougkhung: mo thui: dathui: ji thu re" da:. «Khokham Nebukhadneza we" ngoo tid ziri tam" gyoo: byid: la. Re" khokham yoem: so' ri akhid" nang mo yu pyam byid: abye:.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

DANIELA 6:20

Nyang: houg: khyoo: ju" yhe: ri nyang: gi seing" kho" ziyo' hid: su" ga: khe: kaid da:. «Kangso' dei nyid da" Mangso da" dei zoo: Daniela we"- nang jhug zug tung" dei byid: da" Mangsoo gi nang ri khangkhyi joem mo yo" khyoid yu bye: rhe"» ga: nyho: tid da:.

YOHAN 4:48

Yesu tid zigi nang gi mau" pho" da" alhoo: again ri ashau" myang nghoid ri gi loem" jeing" wa zi anghoid.

ACTS 4:30

Noo gi byid: wa shid re re" da" lo, ri yhoin" kaid' byid: we'. Re" da" gyeungshang: dei zoo: Yesu da" myeing khyo"-mau" pho" alhoo: again bue" thu' loo nhang: we' ga: mho' nyid ago".

HEBRE 2:4

Houg: mo xo' lho: Mangsoo gi nyang: nya: alhoo: again joem- mau" pho" moozoo" aja: ja: toin" shid khyo" we' gyeungshang: da" venyi yo' sen: da" jeju" jhung: shug joem ri nyang: vho: ngei ziyo' dakhyoo" ti"- gam byid: khyo" we' nyangnu" da" sagsi: joem moo poug lung: byid: khyo" we' toin" shid nyid.

1 SAMUELA 17:26

David gi nya: nam moo nyid da" byu yiri «Hau: Philisti byu ri said pyam wigi aphoug" akhyoid koid nyid da" jang" mo Israela byumyu" yiri khyoid yu lang" ce: noem yoo" wa ga: o". Dei nyid da" Mangsoo gyizoo: yiri thougtheung wa he: shooyid thang: ayham" da" Philisti byu gi khasu" te" yug nghoid lha"» ga: myid: bye:.