DANIELA 6:25 - Lacid Common Language Bible

²⁵ Hau: thang: khokham Dari gi mougmyid tho' mo mungdain: byumyu" dangain" myeing" cang: joeb mo byu yiri mougsoug" lhid" kaid da:. Nanu" moo yang" zain: ngei pyo: nyid boem goo" baja".

DANIELA 6:25 교차 참조

EZRA 4:17

Khokham gi mougsoug" doem tau" lhid" kaid. Mung" zoug: Rehum mung" du moo" seing: Shimshai yo' Samari mung" yo' Uphrad gyid lang bidvang shoid moo nyid da" nyangnu" byencang" yiri ngei pyo: nyid baja" o".

ESTHA 3:12

Houg: yoomo xang: shi" lhammoo" khyab daxe" soem" nyid" nyid" ri Haman gi khokham da" moo" seing: yiri khe: lho: lu dang: pyo: mougsoug" dakhyab ri mungdain: moo: ci: da" myeing" khang" moo" yo' lhid" cab' khang" moo" khyo" phug lhid" wigi vhoebkhang" bang:- gyizoug: yi yo' gyizoug: yi dangain" jhang khyoo: foin: pyo: kaid wa shid re" amyeing" byid: da:. Hau: amyeing" lu dang: ri khokham Ahasuru da" myeing khyo" lhid" pyo: lho: nya: lo, pain" dazid thung" tab da:.

ESTHA 7:10

Houg: yoomo Haman ri nyang: wigi Modekhai shid re" ga: zhug to" da" byu said pyang" zeing moo: cu" lang" said pyam ago". Hau: thang: ri khokham phoo gi nheig yoo: gyo" byug da:.

ESTHA 8:9

He: zigi lhammoo" soem" khyab ein: da" Sivan lhammoo" khyab eigxe: soem" nyid" nyid" ri bue" zi nghoid da:. Modekhai gi khokham da" moo" seing: yiri khe: yu lho: Yuda byumyu" yi yo' India mo zi Etiopi ju" sho' moo jo, da" mung" du 127 loem: goin" mo mung" zoug: yi moo" pyo: vhoebkhang" zoug: yi yo' gyizoug: yi jhang" khyoo: lhid" pyo: kaid wa amyeing" dang: ri nhoid khyo" tid byid: da:. Hau: mougsoug" joem ri mung" du khang" moo" mo myeing" yo' lhid" cab' wigi lhid" nhang: wigi Yuda byumyu" yiri we' nyangnu" myeing" yo' lhid" cab' khyo" lhid" byid: nhang: da:.

COUNG" NGHEI 7:15

Nghoid loug we' nyangnu" gi gooji shid re" ga du: to" gyoin: moo: nyangnu" gyo" abye: go.

COUNG" NGHEI 9:16

Aseing gi: deungmain" khyo" dang: phyed nyid wigi nya: gung du: ri pang shug bye:. Akhyeung" da" byu yigi nyangnu" nya: da" moo" zoo" khyo" nyang: khyo' tei" moo: nyang: myi" jo, boem abye:.

DANG: ZHOEM 11:8

Deing: byeung" bang: gi kyi" khyeug yau: khe" khyoo: mo lhoug zung" yu zi shoug" nyid ago". Hau: da" kyi" khyeug yau: khe" khyoo: gi nya: jang" moo: ju" wa gung khoo- akhyeing" su: jhang khyoo: ju" loo" wa zi nghoid.

DANIELA 3:4

hid: su" ga: fu" dang: ri thui: zeing yo' nyho: tid kaid ago". Mungdain: dangain" mo byu yi byumyu" yi yo' myeing" cang: joeb dangain" bang: we"-

DANIELA 4:1

Khokham Nebukhadneza gi mougmyid gyab goin" mo byumyu" yi byumyu" kung: yi myeing" aja: ja: ji bang: dangain" bang: jhang vhoo: mo amyeing" lu dang: ri pyeung: kaid byid: da:. «Being" se' kaid o"

TARHA" TID POIN" 19:19

Yooboo zhug shoug" su: kham zoo: ca" da" yooboo dam nyang: ri byid: ca" da:. Nanu" gi hid: su" khyo" wigi akhyeing" ashoeb mo" ri to" pyam ca" da:.

1PETERU 1:2

Phoo, Mangsoo gi nyang: myid to" ziyo' dakhyoo" ti"- Yesu Khristu ri tam" gyoo: wa ziyo' nya: suid" yo' ced" yung" ced" lhoo' wa shid re" phoo Mangsoo gi nyang: soin' nyheung ziyo' dakhyoo" ti"- nanu" ri khyen: yu bye: ziyo' nya: da" Venyi gi nanu" ri gyeungshang: da" byu yi bue" loo nhang: bye jeju" yo' myen, jham" khyoo: gi nanu" moo myo: tham: loo baja" o".

2PETRU 1:2

Mangsoo yo' yha" da" khyoid yu Aseing: Yesu Khristu ri nanu" se' loo bye: yoomo nanu" gi jeju" yo' ngeipyo: khyoo: ri joeb byeung" sho' shau" kham: yu goo" baja" o".

YUDA 1:2

Nanu" gi nheig khyeig go" khyoo: myenjham" yug yo khyoo: yo' jhed goo" kang: go" khyoo: ri joeb, joeb, byeung" byeung" shau" kham: yu nyid goo" baja" o".