DANIELA 6:24 - Lacid Common Language Bible

²⁴ Hau: thang: khokham phoo gi Daniela ri yooboo zhug da" mo, dangain" ri myheig wa amyeing" khyo' kaid lho: nyangnu" ri nyangnu" da" yhoem: seing: myhi' yi nya: zoo yi yo' dage" khangkhyi byeung" sho' bo da" thung: yhoem: khoug: khyo she: pyam khyo' kaid ago". Nyangnu" thung yhoem: athi" khyoo: lang" aju" gyoo" loo" shi" ri khangkhyi joem gi nyangnu" byam myhed yu lho: nyangnu" da" shooyoug: joem dangain" ri ngaid khyau" zo: pyam byid: ago".

DANIELA 6:24 교차 참조

2 KHOKHAM 14:6

Nghoid loug we' nyang: gi houg bang: da" nya: zoo: yiri asaid pyam nghoid da:. Nyang: gi Moshe da" tarha" mo Aseing byid: to" da" «Nyangnu" zooshang: yi shoid vhang: da" yooboo youg: moo" shid re" myhi' phoo yiri age said pyam wa. Houg: lho: myhi' phoo yi shoid vhang: da" yooboo youg: moo" shid re" nya: zoo: yiri age said pyam wa. Nyang: nyang: shoid vhang: da" yooboo youg: moo" shid re" za: byu hau yug ri yo" ge said wa» ga: da" amyeing" dang: ri cang da:.

ESTHA 7:10

Houg: yoomo Haman ri nyang: wigi Modekhai shid re" ga: zhug to" da" byu said pyang" zeing moo: cu" lang" said pyam ago". Hau: thang: ri khokham phoo gi nheig yoo: gyo" byug da:.

ESTHA 9:25

Nghoid loug we' Estha gi khokham pho jhang yhe: lho: khokham phoo khyoo" amyeing" lhid" pyoo: nhang: yoomo Haman gi nyang: wigi Yuda byumyu" yi shid re" nyheing soin' to" da" vhu" pi: lo, kyo' moo shoug" loem zo: da:. Nyang: yo' nya: da" yuggi zoo: yigi byu said pyang" zeing moo cu" lhang" said pyam zi shoug" ago".

COUNG" NGHEI 54:5

Nga" gyivoo joem ri dam kaid byid: wa shid re" Mangsoo gi nyangnu" da" akhyeung" ziyo' latoo: doem phug byid: baja". Nyang: gi deungmain" su: nghoid yoomo nyangnu" ri mhoin' pyam wa zi nghoid.

DANG: ZHOEM 11:8

Deing: byeung" bang: gi kyi" khyeug yau: khe" khyoo: mo lhoug zung" yu zi shoug" nyid ago". Hau: da" kyi" khyeug yau: khe" khyoo: gi nya: jang" moo: ju" wa gung khoo- akhyeing" su: jhang khyoo: ju" loo" wa zi nghoid.

DANG: ZHOEM 19:9

Tarha" yung" moo: mhau, tid su: hang" nghoid loug we' yooboo dam age loid wa nyang: gi joem: lo" byug wa nghoid.

ESAIA 38:13

Nga" shooyoug: joem ri khangkhyi wigi baid khyau" nyid yhang: ti" Myen goin" khe" no: wigi nyho: nyid da:. Nga" apyaid ri Mangso wigi thang loo" nhang: nyid ein: ngoo jho: pyam bye:.

YEREMIA 34:17

Houg: lho: akhid" nanu" ngoo ri tid dang: agyoo: nghoid ago" ga: Aseing tid da:. Nanu" da" Israela mang: nhung" yi loid byoin khyoo: ri nanu" abyid: nghoid ago". Houg: lang" gi bye:- ngoo nanu" ri loid byoin khyoo: byid: wa. Gyi khaid khyoo:- noo bue" khyoo: zooyoid kyug shid: wa khyoo: mo loid byoin nhang: wa. Ngo wigi nanu" ri koid da" moo" yo' mougmyid dang moo byumyu" khang" moo" yu" co' yu" gyoug nhang: wa.

DANIELA 3:22

Akhid" khokham pho wigi myikhyoem moo" ri gye" dam xoo: sho' lung: wa khyo" koid too" wa shid re" amyeing" byid: too" yoomo hau: byu yiri shu" yhe: da" goem loem bang: ri myiyham: wigi lhoem: mhe: pyam da:.

TARHA" TID POIN" 24:16

«Myhi' phoo yigi nyangnu" nya: zoo: yi shoid vhang: da" yooboo yoomo said pyam zi age shoug". Nya: zoo yi we' nya: myhi' phoo yi shoid vhang: da" yooboo yoomo said pyam zi age shoug". Byu dayug gi nyang: nya: shoid vhang: da" youg: noo yooboo yoomo za: said pyam zi shoug" ca" da:.