DANIELA 6:22 - Lacid Common Language Bible

²² Khangkhyi joem wigi ngoo ri dam ayo" tab sho' nhoid myhid" pyam byid: wa shid re" Mangsoo gi nya: moug: lagyoo: ri nhang: kaid da:. Ngoo gi yooboo ayo" ziyo' aseing khokham nang ri ashoid ziri nyang: si' yoomo nyang: gi hid su" koid thu kaid da» ga: tu" da:.

DANIELA 6:22 교차 참조

APOEM AYANG: 40:15

Khasu" wim gari ngoo gi Hebre moug: mo atarha" khyo" re" oung" zoo: shoug" lho: Egutu moo re" ju" thang: ri we' ngoo gi thung: lung" moin: da" ci: yooboo we' ashoid zi za: thung: lung" nyid su: nghoid» ga: tid kyo".

2 SAMUELA 22:7

Ngoo gi nga" kyi" khyeug khoug: mo Aseing ri yoid bye:. Ngoo ri pang" yu wa shid re" nga" Mangsoo ri ngoo yoid bye:. Mangsoo gi Noku Yhoem: Moo" khoug: mo nga" thui: ri shoug" gyoo: bye:. Pang" thug wa shid re" ngoo ngau yoid thui: ri nyang: tam" gyoo: byid: bye:.

1 KHOKHAM 13:28

Nyang: zhung: yhe: lo" ri lapi: phoo da" manggung khyoogung moo lheing: jo, ziri we' loo zei: yo' khangkhyi gi hau: anam moo: yab jo, ziri we' yhe: myang bye:. Khangkhyi gi manggung ri we' azoo: loo zei: ri we' gyi akoid nghoid da:.

2 KHOKHAM MHOOMYID: 32:21

Aseing gi moug: lagyoo: dayug ri nhang: kaid lho: Asuri gyidab mo gyizoo: yi yo' gyizoug: yiri said pyam da:. Houg: yoomo khosen phoo gi Asuri mung" khyoo: sho' phu" wigi tau" lo" da:. Danyid" ri nyang: gi nya: yu phara" no' yhoem: moo nyid nyid uri nya: yuggi zoo: yi dayham" gi nyangnu" da" shamcoin" wigi nyang: ri said pyam boem.

COUNG" NGHEI 118:28

Nang gi: nga" Mangsoo nghoid da- ngoo nang ri jeju" boin: nyid wa zi nghoid. Re" nghoid thang da" khyoo: ri ngoo tid fu" nyid wa nghoid.

COUNG" NGHEI 26:6

Aseing we" ngoo gi ce" yooboo adab, khyoo: ri toin" shed wa shid re" Ngoo gi ngoo: nya: lo, ri ced" pyam lho: re" da" xoin" ngei" phoin: loem: lheing khab, moo: lo coung" nghei.

COUNG" NGHEI 31:14

Nghoid loug we' o" Aseing we" ngoo gi nang ri za: daloem khau: nyid. nang gi nga" Mangsoo nyang: nghoid.

COUNG" NGHEI 34:7

Nya: moug" lagyoo: yigi Aseing ri gyoug phoug" bang: ri lhoug zung" lho: gyoug pho" khyoo: moo nyangnu" ri khyoid yu.

COUNG" NGHEI 38:21

Aseing we" ngoo ri ato" pyam- nga" Mangsoo we"- ngoo yo' vi" vi: moo: anyid ja.

COUNG" NGHEI 84:11

Aseing gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

ESAIA 3:10

Deingmain" bang: gi ngei pyo: loo goo” wa. Houg: lho: nyangnu" shid re" ja: khang" moo' ngei: lho' loo boem wa. Nyangnu" gi nyangnu" zei: da" moo" athang: pyoo: pyoo: shoug" kham zoo: wa.

ESAIA 63:9

Nyangnu" da" kyi" khyeug yau: khi" dangain" mo khyoid yu bye:. Hau: zigi moug: lagyoo: dayug anghoid. Nghoid loug we' nyangnu" ri khyoid yu su: gi Aseing nyang: nyang: nghoid da:. Nya: jheddab myid yo' nheig khyeug myid mo nyang: nyangnu" ri khyoid yu bye:. Nyang: gi lid: lo da" ayo, moo khanham we' nyangnu" ri goin coung: byid: lo da:.

YEREMIA 37:18

Hau: thang: ngoo gi «Nang ngoo ri thung: lhung wa shid re" nang ri we' re" moo" voin zoug: yiri we' he: byumyu" yiri we' ngoo ce: yooboo shoid bye: la".

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

DANIELA 6:20

Nyang: houg: khyoo: ju" yhe: ri nyang: gi seing" kho" ziyo' hid: su" ga: khe: kaid da:. «Kangso' dei nyid da" Mangso da" dei zoo: Daniela we"- nang jhug zug tung" dei byid: da" Mangsoo gi nang ri khangkhyi joem mo yo" khyoid yu bye: rhe"» ga: nyho: tid da:.

DANIELA 6:23

Khokham phoo gi gye" gau wigi Daniela ri thung: yhoem: khoug: mo lang: she: thu yu wa amyeing" byid: kaid da:. Houg: yoomo nyang: ri lang: she: thu yu ri nyang: gi Mangsoo ri loem khau: yoomo nyang: moo ce: dam dajhi' we' adab ziri shau" myang ago".

DANIELA 6:4

Houg: lang" hau: gootu: moo" pyoo: bang: yo' mung" zoug: yigi Daniela mung" vhoeb moo" zei: jang" mo yooboo shoid zi daja: ja: shoug" sho' zheing: sho: nyid boem ago". Nghoid loug we' Daniela gi loem ge" ziyo' shoid zi anghoid lang" adeing amain" zi daja: we' akoid yoomo yooboo amyang boem nghoid ago".

DANIELA 6:7

Re" mungdain: ri vhoeb nyid da" ngoonu" moo" pyo: vhoebkhang" zoug: yi moo" pyoo: bang:- mung" zoug: yi gyizoug: moo" yo' gootu: moo" voin bang: dangain" gi aseing khokham nhang: khyo" nyang: amyeing" daloem: khyo' lho: hau: ziri toeb cang nhang: wa ein: fu" pyo: kaid baja" ein: myid veing" boem bye:. Bidnyid soem" xi: nyid" goin" moo aseing: khokham lid wigi yu phara" mo we' hang" dayug yug mo we' ci: amho' nhang: wa da" amyeing" dang: daloem: pyo: kaid we'. He: amyeing" ri ngeug pyam su: hang" nghoid loug we' khang: khyi: byeung" sho' kaid to" da" thung: yhoem: khyoo: khyo' kaid ca" wa.

MIKHA 7:7

Hougsu" nghoid loug we' ngoo gi Aseing ri dazung" yu" nyid wa. Ngoo gi ngoo ri khyoid yu wa ein: myid loem da" Mangsoo ri dalang" nyid wa. Nga" Mangsoo gi ngoo ri tam" gyoo: byid: wa zi nghoid.

GYUNG: SOO" 20:16

Houg: lho: ngoonu" gi bo pang" wa shid re" Aseing ri mho' yoid bye:. Nyang: gi ngoonu" mho' yoid ziri shau" gyo: wigi ngoonu" ri Egutu mo shu" thu' loo wa da" moug: lagyoo: dayug ri nhang: byid: bye:. Akhid" ngoonu" gi nanu" da" mougkyoo" voomoo" nghoid da" Kadesha moo nyid to" boem.

MATHE 27:46

Soem" nayi koo: moo gi Yesu gi thui: zeing yo" (Elo: i Elo: i Lemasabag Thani) ga: nyhongau, yoid. Hau: da" dangkang: gi nga" phoo Mangsoo we"- nga" phoo Mangsoo we"- ci: wim ngoori- she: pyam to" lha"» ga: tid zi nghoid.

ACTS 12:11

Hau: thang: ri Petru gi Nyang: moo bue" lo da" khyoo: ri boin: lo wigi Mangsoo gi nya: moug: lagyoo: ri nhang: kaid' lho-Herod da" lo, mo we' - Yuda byumyu" yi myed, lang" nyid ja- dangain" jang" mo we' ngoori khyoid yu bye: khyoo: ri akhid" ngoo nyang: si' bye- ga: tid.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

HEBRE 11:33

Houg: bang: gi loem" jeung" ziyo' sube" mung" ri gyi zain: lho: yo" oung: lo boem- nyangnu" gi deingmain" khyoo: ri cang zei: lo" boem wigi Mangsoo byid: to" da" dang: soo" khoin" ri shau" kham: yu boem bye.

1 SAMUELA 17:37

Aseing gi ngoo ri khangkhyi joem yo' voem joem lo, mo khyoid yu bye: zi nghoid. Akhid we' he: Philisti byu da" lo, mo khyoid yu wa zi nghoid» ga: tid bye:. Sholu gi «nghoid bye:- yhi: we' Aseing gi nang yo' dage" nghoid nyid baja"» ga: doem tid.

1 SAMUELA 26:18

Xo' lho: David gi «Aseing we" re" dei zoo: ri ciwim yoomo cang khaid nyid yen" shi" la". Ngoo cinoem koid shoid bye: la". Ngoo cite" youg: koid shoid too" bye: la".