DANIELA 6:20 - Lacid Common Language Bible

²⁰ Nyang: houg: khyoo: ju" yhe: ri nyang: gi seing" kho" ziyo' hid: su" ga: khe: kaid da:. «Kangso' dei nyid da" Mangso da" dei zoo: Daniela we"- nang jhug zug tung" dei byid: da" Mangsoo gi nang ri khangkhyi joem mo yo" khyoid yu bye: rhe"» ga: nyho: tid da:.

DANIELA 6:20 교차 참조

APOEM AYANG: 18:14

Aseing moo age bue" zi ci: jo, lha"- ngoo deing" deing tid zigi akhid" mo lhammoo" goug: khyab lang" ngoo doem tau" ri" wa. Sara gi yuggi zoo: dayug ri yoo" wa nghoid» ga: tid.

1 KHOKHAM MHOOMYID: 16:11

Pang" thug baja" ga: mho' wa shid re" Aseing jhang khyoo: yu: zeung yhi: we'. Yaku amyed ashen yi we' Mangsoo zei: shug bye: da" alho: again joem yo' nyang: byid: too" bye: da" tarha" dang: kho khyoo: ri boin: so" nyid we'.

COUNG" NGHEI 119:112

Ngoo gi shid: lo" bidnyid ju" sho' re" da" tarha" joem ri tam" gyo: cang yhi: wa shid mo myid phyed too" bye:.

COUNG" NGHEI 146:2

Ngoo dei nyid daloo gyoo: moo- nyang: ri: coung" nghei nyid we'. Nga" kang: so' gyoug: khyoo: bain: sho' moo Mangsoo ri jihkoin" dakhoin" nyid wa nghoid.

COUNG" NGHEI 73:23

Nghoid loug we' ngoo gi nang yo' khanham we' jhang jhang nyid ziyo' re" lo, gi ngoo ri zei: ci.

YEREMIA 32:17

«Yoem: moo" bo Aseing we"- re" gyi: sheung: da" yoem: so' yo' yoem: moo" wigi mougkhung: yo' myidjang ri phain" so: to" da:. Re" shid re" ce: ja: we' gye yau: zi ajo, nghoid da:.

DANIELA 3:15

Akhid" laboo"- khoolhang- teing shi- jhabceing yo' gootu: baid myheing ja: thui: ri shoug" gyoo: yo' dage" soolhoo: ri goeb pid no' byid: we'. Nanu" hougsu" akoid nghoid rigi nanu" ri akhid" nyang: gye" dab nyid da" myikhyoem moo" khoug: khyoo: du" zei kaid zi shoug" goo" wa. Nanu" ri yo" khyoid yu da" yu phara" nyid ein: jhoo: go" rhe"» ga: tid da:.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 6:16

Houg: yoomo khokham phoo gi Daniela ri myheig yu wa amyeing" khyo' kaid wigi nyang: khangkhyi byeung" sho' bo da" thung: yhoem: khoug: khyo: she: pyam khyo' kaid ago". Nyang: gi Daniela ri «Nang jhug zug tung" dei byid: da" re" Mangsoo gi nang ri khyoid yu baja" o"» ga: tid da:.

DANIELA 6:19

Nab soin: moug: bo" re" ri khokham phoo to' re" wigi khangkhyi thung: yhoem: khyoo hain: hain: yhe: lo" da:.

DANIELA 6:26

Ngoo gi yugkhang" moo" wigi Daniela da" Mangsoo ri gyoug lho: phau" myang: wa shid re" nga" mungdain: goem: sho' amyeing" khyo' kaid da:. Nyang: gi kangso' dei nyid da" Mangsoo nghoid wigi nyang: gi apyaid atoo: moo vhoebkhang" wa. Nya: da" mungdain: gi khanham we' phyo' shoin' pyam zi shoug" wa zi anghoid. Houg: lho: nya: yoem: so' gi khanham we' thang wa zi anghoid.

DANIELA 6:27

Nyang: gi khyoid khyu: yu wigi loid byoin nhang: da:. Nyang: gi mougkhung: yo' mougmyid tho' moo mau" pho" ziyo' mau" pho" alhoo: again joem koid da:. Nyang: gi Daniela ri khang: khyi joem wigi said pyam wa jang" mo khyoid yu da» ga: lhid" kaid da:.

HOSEA 12:6

Houg: yoomo akhid" Yaku da" amyed ashen" yi we"- nanu" da" Mangsoo ri loem khau: lho: nya: jhang" khyoo: lheing: tau" loo we'. Jhug zug lho: deingmain" nyid we'. Houg: lho: nanu" da" Mangso moo" zei: wa ziri nheigloem: sheing: sheing: to" lho: lang" nyid we'.

GYUNG: SOO" 11:23

Aseing gi «Nga" yoem: so' moo tu ke' to" zi boo wa la". Nang gi amyang" ri ngoo tid to" dang: bue" ri" wa abue" ri" wa ein: ziri myang wa zi nghoid» ga: tid da:.

LUKA 1:37

Mangsoo ayo" koid: da" moo" daja: we' aboo" ga: re" tid kyo.

LUKA 18:1

Hau: thang: ri Yesu gi nya: cangzoo: yi ri kha: uri we' yoem: ashoin: loo za: ayo, bain sho' moo akyu" mho' ca" da" khyoo: ri dangtu' daja: khyo" jhoug" byid: zigi

ACTS 6:4

Ngoonu" koem gi akyu" mho' ziyo' kho' kyo" da" moozoo" voin vu, da" jang" moo ayo, byeung" sho' byid: pyam' ca" nyid ga: tid ago".

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

2~KORINTHU 1:10

Nyang: gi houg: yhang: te" da" gyoug pho" shid: no khyoo: mo ngoonu" ri yo" khyoid yu bye: yoomo akhid" we' khyoid yu shi" wa ein: wigi ngoonu" nyang: ri damyid byu lang nyid boem shi".

KOLOSE 4:2

Anoo: loo- atheing: loo: akyu" damho, nyid ge'. hau: tho' moo gootu: nanu" akyu" mho' khyoo: moo zed" zoore"- Mangsoo ri jeju" daboin: nyid ge'.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

YAKU 1:25

Nghoid loug we' byu yi ri yoobo wigi tei" to" da: jang" mo loid byoin loo" nhang: da" joeb byeung" da" tarha" ri goolhoo: jhau" yu yu" su: gi mungdang: ri gyoo: za: te: tam" gyo: lho: to" myhed' pyam su: anghoid loo: za: xo' zei: cang loo" su: nghoid nyid yoomo nyang: gi ce: ja: moozoo" ri zei: nyid nghoid loug we' Mangso mainkaid da" jeju" ri shau" kham: zoo: wa zi nghoid nyid.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.