DANIELA 5:11 - Lacid Common Language Bible

¹¹ Re" mungdain: khoug: moo gyeung" shang: da" yu phara" yi Venyi: bo da" byu dayug nyid da:. Re" phoo khokham bue" nyid uri he: yug gi myid lasi ge'- Lasi phajhi" bo lho: yu phara" joem da" phajhi" juyhi: yhang: ti" phajhi" juyhi: yo" ci: shug lid loo bye:. Houg: lho: re" phoo khokham Nebukhadneza gi nyang: ri boid phyed bang:- maindain si' bang:- join zei: bang: yo' lo, kyo' yu" bang: adang moo vhujhung: khyo" aya: byid: to" da:.

DANIELA 5:11 교차 참조

APOEM AYANG: 41:38

nyang: gi nyangnu" ri «Nyhang" gi Mangso Venyi: yo" yu to" da" su:- Yoseb tho' re" je ge da" byu gootu: dayug ri khanham we' shoug" shoo: loo: wa zi anghoid» ga: wigi tid.

2 SAMUELA 14:17

Aseing: we" khokham gi Mangso da" moug: lagyoo: yo' du wigi ge ziyo' age ziri se' kho' yu yoomo re" dangsoo" khoin" gi ngoo ri gau nhang: wa ziri ngoo shau" myid nyid. Re" Aseing Mangsoo gi nang yo' dage" danyid nyid baja" o"» ga: tid.

EZEKIEL 28:3

Nang gi Danela tho' phajhi" je bo wigi ce: daja: we' nang moo ayo" nghoeb shoung: too" ga: myid da:.

EZEKIEL 28:4

Re" da" phajhi" yo' lasi phajhi" gi nang ri sheing: yo' ngei phoug" dab zi jonu" yoo" nhang: da:.

DANIELA 1:4

Nyangnu" gi gung doem we' younglho': vhu" nug gi bang:- nyeing" jhau" too" bang:- jhau" ri se' gyoo: lei bang: gung doem yo' sen: wigi ca" zi aboo bang: nghoid ca". Houg: lang" za: khokham vang" moo dei byid: moo" ri nyeing" jang jang yo" zei: wa zi nghoid. Ashapena gi nyangnu" ri Babelon mougsoug" se' nghab se' lhid" sho' jhau" byid: ca" da:.

DANIELA 2:11

Aseing khokham nang mho' zigi sung youg: wigi yu phara" joem za: anghoid rigi xangsu: byu hang" we' ayo" koid byid: goo" wa Houg: bang: gi xangsu: byu yi phung gung moo anyid nghoid ago"» ga: tid.

DANIELA 2:22

Nyang: gi dang: kang: no, lho: nyhoem" shoung: to" da" moo" zoo" joem ri di: di: za: pang shug da:. Nyang: gi moug: coid khoug: moo ci: shoung: to" ziri nyang: se'. Houg: lho: nyang: nyang: rigi bidbang yo' lheing khoem ci: da:.

DANIELA 4:18

Khokham Nebukhadneza gi «He: zigi ngoo myang da" nga" yhoebmo, nghoid da:. Belteshaza we"- yhoebmo, hau: zi ce: dang: kang: bo zi ngoo ri akhid" tid kyoo" la- nga" khokham vang" mo phajhi" byid: mo, hang" we' ngoo ri ayo" tid kyoo" nghoid ago". Nghoid loug we' nang koem' gi yo" tid kyo" da:. Ciwim gari gyeung" shang: da" yu phara" joem Venyi: gi re" da" akhoug: moo bo da» ga: tid.

DANIELA 4:5

Nghoid loug we' ngoo yhoeb jo uri gyoug dain thung" da" yhoebmo, daja: mo, wigi yu" gyoug yu" lhung: sho' da" yhoeb myang joem ri shau" myang.

DANIELA 4:6

Ngoo gi hau: yhoebmo, da" dang: kang: ri yo" tid kyoo" wa shid re" Babelon mo khokham phajhi" byid: mo, dangain" ri khe: too" wa amyeing" byid: kaid bye:.

DANIELA 5:14

Nang moo yu phara" joem da" Venyi: bo lho: se' jhang: khyoo:- Lasi phajhi" yo' phajhi" juyhi: se' ga: ziri ngoo shau" gyoo: bye:.

DANIELA 5:7

Nyang: gi main tain sara: yi join: zei bang:- lo, kyoo' yu" bang: ri khe: fang kaid wa shid re" byu dayug ri nyho: tid da:. Nyangnu" vang lo boem lang" khokham phoo gi nyangnu" ri «He: mougsoug" joem ri se' nghab lho: ngoo ri hau: joem da" dang: kang: ri yo" tid kyo" da" yug hang" ri nghoid loug we' khokham da" khalham" poo" void byisheing: foid byid: wa. Ngi: shab da" sheing: yiri we' nya: leung zeung: moo foid byid: lho: he: mungdain: da" soem" zang ein: da" joyoo moo too" wa» ga: tid da:.

ACTS 12:22

Houg: lang" mung" byu yi gi he: dang: thui: gi xangsu: byu yi da" dang: thui: anghoid- Mangsoo tid nyid da" thui: danghoid- ga: nyho: nyid boem ago".

ACTS 14:11

Meing: byu yi gi Polu koid da" khyoo: ri myang lang" yu phara" gi byugung void ci: lho: wigi ngoonu" jang" moo ju" ri" bye"- ga: nyangnu" nya: da" - Lukaoni myeing" khyo" yoid nyhoo: go" nyid boem.

ACTS 16:16

Bidnyid danyed" moo ngoonu" gi hau: akyu" mho' joyoo khyoo: yhe: lo" nyid boem da" uri akhyeung" yu vang ci: da" - goem, phain" se' phain" da" join' myhi, dayug yo' ngoonu" shau" go. Nyang: gi goem, phan" phain" lho: wigi join' seing: ri ngei myoo" sho' kung: byid: nyid su: nghoid.

Pang Shug 3:9

Yu" ge'. nyang: nya: da" gung du: ri yuda byu nghoid ga: mhau' tid yen" mo, satan da" phung: moo boo mo, ri re" da" khyid: yang: moo lo goeb pid' nhang: wa houg: lang" nang ri ngoo jheddab khyoo: nyangnu" se' lo boem wa.