DANIELA 5:1 - Lacid Common Language Bible

¹ Damyen ri khokham Belshaza gi nheigboo ludaid yi dakhyeing" ri zoo: noem doo" byid: da" pui" zeing daloem: koid wigi nyangnu" dage" zabyid yhid: shug boem ago".

DANIELA 5:1 교차 참조

APOEM AYANG: 40:20

Soem" nyid" myang" thang: ri khokham phoo nya: da" co' phyed bidnyid moo nya: da" zoug: ludaid yiri zoo: shug zho" jhug. Nyang: gi nya: da" zabyid yhid: jang su: yo' moug zooyho' bung: su: tang: ri khe: thu yu lho: nya: zoug: ludaid yi jhang khyoo: shu" thu lo.

ESTHA 1:3

Nyang: khokham bue" zi soem" zain ein: zain ri nyang: gi nya: gyizoug: yi yo' moo" pyo: vhoebkhang" zoug: yi dangain" ri zoo: shug soin' wigi pui" koid byid: da:. Persi gyidab joem yo' Media gyidab joem we' hau: mung" du joem mo mung" zoug: yi nheigboo ludaid yi yo' dage" houg moo re" ju" nyid boem ago".

ESAIA 22:12

Gyi sheing: myhang: thang Aseing gi hau ayo, moo koug ngau wa. Nanu" xam: ri ko' byid: wigi jid: moo" byimi void wa shid re" nanu" ri khe: nyid da:.

ESAIA 22:14

Gyi sheing: myhang: thang Aseing gi nyang: nyang: ngoo ri «Nyangnu" dei nyid da" myhang he: akhyeing" ziri khanham we' nyangnu" ri yooboo akhyoid byid: wa. Ngoo gyi sheing myhang: thang Aseing tid bye:» ga: tid da:.

YEREMIA 50:35

Aseing tid zigi «Babelon gi doem: byug wa. Nya: byu yi nya: da" zoug: yi nya: da" phajhi" boo bang: shid: wa.

YEREMIA 51:39

Nyangnu" myo, no, so' kho' ago" rhe". Nyangnu" ri ngoo zooshug pui" koid byid: wigi shoug yed nhang: lho: pyoo: nhang: wa. Nyangnu" yhoeb lo" wigi khanham we' adoem to' loo loo: goo" wa.

YEREMIA 51:57

Ngoo gi nyangnu" da" vhoebkhang" bang: ri phajhi" boo bang: ri vhujhung: yiri yo' gyizoo: yiri yhid: yed nhang: wa. Nyangnu" yhoeb lo" wigi khanham we' ato' loo loo: goo" wa. Ngoo khokham tid too" bye:. Ngoo gi myhang: thang Aseing nghoid.

DANIELA 5:30

Hau: myen jang: Babelon khokham Belshaza gi said pyam shoug" bye:.

NAHUM 1:10

Zukyen: gyoem" yo' khoofoo: kyug yhang: ti" yhid: yed bang: nanu" gi nghe' pyam zi shoug" goo" wa nghoid.