DANIELA 4:22 - Lacid Common Language Bible

²² «Aseing khokham we"- nang gi hau: gye" myhang: lho: geing: da" seig moo" gam nghoid da:. Nang gi gye" gyi: sheung: sho' yug do, lo" lho: mougkhung: ri myhi: da:. Houg: lho: re" da" yoem: so' gi damoug: gyab goin" khyoo: lam je: lo" da:.

DANIELA 4:22 교차 참조

APOEM AYANG: 11:4

Nyangnu" gi «Akhid" nyhang" moug: fu" lho: moug: gyab goin" abyo, sain" loo" wa shid re" mougkhung: moo thug sho' myang: da" pyuzung bo da" voomoo" daloem: ri zhug boem shang» ga: tid boem.

APOEM AYANG: 28:12

Nyang: yhoebmo, myang zigi myidjang mo mougkhung: moo ju" myhi: sho' da" zoem" lang: daloem: moo moug: lagyoo: bi" gi houg: moo do, do, gyoo" gyoo"- so" nyid boem da" ziri myang da:.

2 SAMUELA 12:7

Nathan gi David ri «Hau: yug gi nang nghoid nyid da:. He: zigi Israela byumyu" yi da" Aseing Mangsoo tid zi nghoid. Akhid" Sholu da" lo, mo nang ri ngoo khyoid yu lho: Israela byumyu" yi da" khokham ngoo nang ri koid nhang: to" zi nghoid.

2 KHOKHAM MHOOMYID: 28:9

Obed ga: da" Aseing da" lapi: dayug gi Samari voomoo" moo nyid da:. Nyang: gi Israela gyidab Yuda thung: byu yi yo' dage" doem tau" lo nyid wigi voomoo" khyoo: vang loo wa nghoid uri yhe: tau" yu wigi nyang: gi «Nanu" da" phoug" phyid" yi da" Aseing Mangsoo gi Yuda yiri nheig yo: lho: nyangnu" ri nanu" wigi oung: pyam nhang: da:. Nghoid loug we' akhid" nyang: gi nyangnu" ri nanu" wigi gye" akhyeing" da" khyo" said pyam da" thui: ri shau" gyo: abye:.

COUNG" NGHEI 108:4

Re" da" geung: teung jhed khyeing: kang khyeing: gi mougkhung: mougdi moo: ju" sho myhi: jo, wigi re" da" dangsoo" khoin" gi moug: laid phyoo" moo: ju" jo.

COUNG" NGHEI 36:5

Aseing we" re" da" geung: teung jhed khyeing: kang: khyeing: gi mougkhung: mougdi ju" sho' myhi: jo, wigi re" nheigloem: zung" khyoo: gi mougkhung: ju" sho' ce" je: lo.

YEREMIA 27:5

Hau: zigi «Nga" gyi: sheung: da" yoem: so' yo' yoem: moo" wigi moug: gyab- xangsu: byu- mougmyid moo nyid da" gougnyhoug dangain" ri ngoo phain" so: to". Houg: lho: hau: ziri ngoo khyen: yu su: hang" ri nghoid loug ngoo byid: da:.

EZEKIEL 17:3

Ngoo yoem: moo" bo Aseing nyangnu" ri tid nyid ziri se' gyoo: wa shid re" dang: tu' daloem: tid kyoo" we'. Houg: moo gye" yung" da" ngho' moug" yo' gye" rua da" dung ri pyo: ci: da" zoin bung: dadu: nyid. Nyang: gi lebanon boem joem khyoo: dang: yhe: lo" lho: shamu dagam mo anyug ri khyau" yu da:.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

DANIELA 4:11

Hau: zigi je je yug gyi: re" lho: mougkhung: khyoo: ju" da:. Houg: lho: myidgung tho' moo byu yugkhang" moo" wigi hau: ziri yo" myang boem ago".

DANIELA 4:21

Hau: da" seig fu' joem gi gye" young" lho: houg: moo damoug: gyab goin" mo yugkhang" moo" ri yo" khu: wa yhi' shi" zei: da:. Hau: da" seiggam yoeb vhoo: moo siyoo gougnyhoug joem theing: no: nyid wigi hau: da" seig kung: joem moo ngho' joem gi ngho' soid soid nyid ago".

DANIELA 4:29

Lhammoo" daxe: eig khyab shi" dakyo: thang: ri Babelon mo nya: da" khokham khoo" yhoemkhung: dang mo so" ei" yen" uri

DANIELA 4:36

Nga" nheigloem: doem gyeing: lo ri nga" da" langi:- nga" da" phung" yoeb- nga" mungdain: da" phung" yoeb joem ngoo ri doem byid: da:. Nga" gyizoug: yi yo' nga" nheig bo ludaid yigi ngoo ri lhoem: tau' yu ago". Hau: thang: ngoo rilang" shid phyang" tho' je gyi: da" khokham yoem: so' doem byid: da:.

MATHE 14:4

Khasu" wim gari Yohan gi Herod khokham" ri «hau: myiyi: ri re" yhoem: seing: myhi' koid: wa zigi atarha"» ga: tid byid: nyid yoomo nghoid.

Pang Shug 18:5

Khasu" wim gari nya: da" yooboo gi moug: khung: myhi: sho' myhang: jo, wigi Mangsoo gi nya: da" akhyeing" ashoeb khyoo: joem ri myid boin: nyid.