DANIELA 3:28 - Lacid Common Language Bible

²⁸ Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

DANIELA 3:28 교차 참조

APOEM AYANG: 9:26

Shem da" Mangsoo Aseing ri coung" o". Khanan gi Shem da" join bui" wa nghoid.

1 KHOKHAM MHOOMYID: 5:20

Nyangnu" gi Mangsoo ri khoug: nghe: wigi pang" thoug wa shid re" nyang: ri akyu" mho' boem. Mangsoo gi nyangnu" akyu" mho' thui: ri tam" gyoo: byid: wigi Hagara byu yi yo' nyangnu" da" myid veing" bidnoem yiri oung: pyam nhang: da:.

2 KHOKHAM MHOOMYID: 20:20

Thang: nyid" nab soin: no' mo byumyu" yigi Tekoa nam mo siyoo khyoo: yhe: lo" ago". Nyangnu" to' yhe: lo" nyid boem uri Yehoshaphad gi nyangnu" ri «Yuda yo' Yerusalem byu yi we". Nanu" da" Aseing Mangsoo ri loem khoug: we'. Houg: lang" nanu" gi: geing: teing loo goo" wa. Nya: Lapi: yi wigi nanu" ri tid ziri loem ge'. Nanu" oung: doid loo goo" wa» ga: tid.

2 KHOKHAM MHOOMYID: 32:21

Aseing gi moug: lagyoo: dayug ri nhang: kaid lho: Asuri gyidab mo gyizoo: yi yo' gyizoug: yiri said pyam da:. Houg: yoomo khosen phoo gi Asuri mung" khyoo: sho' phu" wigi tau" lo" da:. Danyid" ri nyang: gi nya: yu phara" no' yhoem: moo nyid nyid uri nya: yuggi zoo: yi dayham" gi nyangnu" da" shamcoin" wigi nyang: ri said pyam boem.

EZRA 1:3

Mangsoo gi nya: byumyu" nghoid nyid da" nanu" dangain" yo' dage" nghoid nyid baja". Nanu" Yerusalem khyoo: lo" wigi Israela byumyu" yi da" Aseing Mangsoo Yerusalem moo noku da" Mangsoo Aseing da" Noku Yhoem: Moo" ri doem lo" koid we'.

EZRA 6:11

Gootu: ngoo amyeing" byid: nau shi" zigi He: amyeing" dang: ri acang nghoid rigi nyangnu" yhoem: mo zeing lang: noid yu wigi coin: lho: hau: jang" moo nya: gung ri thau" zab lhang" too" wa zi nghoid. Nyangnu" da" yhoem: we' mhoid soid boem bue" nhang: wa zi nghoid.

COUNG" NGHEI 103:20

Nya: da" amyeing" dang: ri tam" gyo: cang yhe: lho: nya: da" jidang: tam" gyoo: mo, nghoid da" yoem: bo lho: phung" yoeb gyi: da" moug: lagyoo: yi we" Aseing ri coung" ge'.

COUNG" NGHEI 147:11

Nghoid loug we' nyang: ri gyoug phau" nyid mo, yo' Nya: da" jhed khyeing: kang: khyeing: ri loem khau: nyid mo, ri nyang: vho: ngei nyid.

COUNG" NGHEI 33:18

Aseing gi nya: da" geung: teung jhed khyeing: kang: khyeing: moo loem khau: lho: nya: dang: ri tam" gyoo: mo, da" atho' moo lhoug zung" goem coung: nyid.

COUNG" NGHEI 33:21

Ngoonu" gi: nya: gyeung" shang: myeing ri loem khau: nyid. Ngoonu" gi: nyang: yoomo gau yi ngei pyo: nyid boem.

COUNG" NGHEI 34:22

Aseing gi nya: byumyu" yiri khyoid yu loo wa nghoid. Coung: goem yu wa shid re" nya: jang" moo: tain" yhi: mo, dangain" gi loid byoin lo" zi shau" boem wa nghoid.

COUNG" NGHEI 62:8

Nga" da" byumyu" yi we"- ayo, khang" moo" Mangsoo ri loem khau: nyid we'. Nyang: gi yha" da" khoug: loo joyoo nghoid yoomo nanu" da" yau: khe" khyoo: bain sho' nyang: ri tid kyoo" we'.

THU' LO" MOUGSOUG" 20:5

Ce: ja: soolhoo: riwe' agoeb pid- ano' goo". Ciwim gari ngoo nanu" Aseing Mangsoo nghoid wigi ngoo gi mishi' mo, ri ayo" zeing: kham. Ngoo ri ngeing" mo, ri ngoo yooboo dam byid: wigi nyangnu" byuxeig soem" myid: xeig ju" sho' zang" wa zi nghoid.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 37:36

Aseing da" moug: lagyoo: dayug Asuri dab khyoo: gyoo" re" wigi gyizoo: 185,000 yug ri said pyam da:. Hau: thang: nyid" moug: boo" zoo" ri houg moo dangain" bang: shid: jo, ago".

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

DANIELA 2:47

Khokham phoo gi «Re" da" Mangsoo gi yu phara" dangain" tho' je gyi: sheung: yug nghoid da:. Khokham yi dang mo aseing nghoid da:. Houg: lho: mau" pho" khyoo: joem ri phuid: kyoo" byid: su: nghoid da:. He: yau: da" mau" pho" khyoo: joem ri nang yo" phuid: kyo" da" gang mo he: ziri ngoo se'» ga: tid da:.

DANIELA 3:25

Nyang: gi «Houg ri ciwim yoomo myikhyoem khoug: moo byu myid: yug so" yen" ziri ngoo shau" myang lug lha". Nyangnu" ri atei" too" loo:. Nyangnu" gi ce: dam dab nhoo: we' adu- houg: lho: myid: yug ein: yug gi moug: lagyoo: yhang: ti" du da» ga: tid.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 6:16

Houg: yoomo khokham phoo gi Daniela ri myheig yu wa amyeing" khyo' kaid wigi nyang: khangkhyi byeung" sho' bo da" thung: yhoem: khoug: khyo: she: pyam khyo' kaid ago". Nyang: gi Daniela ri «Nang jhug zug tung" dei byid: da" re" Mangsoo gi nang ri khyoid yu baja" o"» ga: tid da:.

DANIELA 6:26

Ngoo gi yugkhang" moo" wigi Daniela da" Mangsoo ri gyoug lho: phau" myang: wa shid re" nga" mungdain: goem: sho' amyeing" khyo' kaid da:. Nyang: gi kangso' dei nyid da" Mangsoo nghoid wigi nyang: gi apyaid atoo: moo vhoebkhang" wa. Nya: da" mungdain: gi khanham we' phyo' shoin' pyam zi shoug" wa zi anghoid. Houg: lho: nya: yoem: so' gi khanham we' thang wa zi anghoid.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

ACTS 4:19

Nghoid loug we' Petru yo' Yohan eig yug gi nyangnu" ri doem phoug tid zigi Mangso dang: ri tam" gyoo: wa la". anghoid lang" gi nanu" da" dang: ri tam" gyoo: wa la". Mangso shid' moo kha: loem: jo zigi nanu" nyang: dang: phyed' byid: ge'.

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

Roma 12:1

Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

1Korinthians 13:3

Ngoo yo" da" nga" ziyoo soid gain' dangain" ri- ngoo cang gam byid: pyam lho: wigi-Ngoo nya: gung doem: ri: we' myi: moo: yo" nghe, pyamsho' da" xoin" yo" to' pyam ri nghoid loug we'-jheddab nheigloem: abo rigi: nga" shid re" ce" akyu" we' aboo.

PHILIPI 1:20

Ngoo gi khanham we' ngoo nya: yoovoin moo sho' athu sho' ayo, khang" moo" moo nghoid loug we' je" wigi akhid" uri nghoid loug we' agyug avoem da" yoem: vhoo" azeing yo' byeung" jo, zoore"- ngoo gi dei nyid loug shid: loo" loug we' nga" da" kangso' gyung: khyoo: bain sho' moo Khristu da" myonhoo: phung" yoeb, ri bang thu loo nhang: wa da" khyoo: gi nga" da" vho: ngei thang ziyo' nheig byu khyoo: nghoid.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

HEBRE 11:37

Nyangnu" gi lug go, yo' du" said pyam zi seig sheig yo' adu du sheug phyid pyam zi sham: yo' jab, said' pyam zi shau" nyid ago".

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

Pang Shug 12:11

Ngoonu" da" mang nhung" yi gi yang nu" da" suid" mo we' nyang: nya: kho" kyo" da" deingmain" mungdang: yoomo we' satan: ri oung: pyam' bye. Xo, lho: wigi houg: bang: gi shid: kham jang" moo ju" sho' nyang: nya: da" kang: so' ri vhoo" abyid boem nghoid ago".